2 Tutul Israél 31
31
Kwit Hisikaya kul semfulék ebè Dwata yó kem tau Israél
1Timbow deng kmò le du yóm kehligal yó, yó nmò yó kem tau Israél nô bè yó, mógów le ebè yó kem syudad bè klamang Juda ne Bindyamin ne Ifraim ne Manasi, gotu lenusok le yó kem hehek botu, ne nofok le yó kem hehek yóm dwata libun boluyen Asira bè yó kem benwu yó, ne gotu kó le yó kem gónó le gel tmaba ebè dwata kéng, dalang se yóm gónó le gel demsù ebélê le. Tikóng deng gotu deng kegbà le kul, omin le mulék ebè kul benwu yó kem tau Israél yó.
2Yó nmò Hisikaya, nólólen lu bè bung le yó kem tau gel blóng ebè Dwata ne yó kem sfu Libay anì lu mò demsù yóm dsù hkekeb, ne yóm dsù mit sefyu ebè Dwata. Ne bud le gel tmaba ebè Dwata ne slamat le ebéléen, ne dóyón le bè yó kem bak tikeb bè Gónô Dwata. 3Wen kem kun ógóf blay yóm tau hol geta snéen mò hkekeb le bè yóm gel kedsù le hlafus ne kimel, sélétem mon mò dsù le bè yóm kehligal le bè Kdaw Kehegnô, ne bè yóm ksut Lomi Bulón, ne bè yó kem dumu gel kehligal nmò le ket halay, ulit le bè yóm deng snulat bè yóm bok gónón nô yó kem hlau Dwata kul. 4Bud hlolò yóm tau hol geta yó kem tau bè Jirusalim anì hol blay le bè yó kem tau gel blóng ebè Dwata ne bè yó kem sfu Libay yóm bad le bè yó kem gel ton le, anì yó hol hotu le nawa le lemolò du yóm hlau Dwata kul.
5Uni le mungol du kem tau Israél yóm yó, tódô le kendel bemlay, mahil bélê le bemlay yó kem tanay nuta le bè yó kem hulu le, ne bè yóm gel ninum le, ne bè hnolo ulib le, ne bè yó kem dumu tbas le. Ya tey kwenen yóm nwit le, yóm bad le ke Dwata bè kdê yó kem hulu le. 6Dalang se yó kem tau Israél fi bwak deng mili ebè Juda, ne yó kem tau bè Juda snéen, nwit le ebè yó se kul yóm bad le ke Dwata bè yó kem safì le ne bè yó kem ubiha le, ne yóm bad le bè yóm sana kul Dwata hol gónó mogot bè yó kem deng hetfing le ebéléen, ne gotu luduk le bè yó. 7Nbut le lemuduk du bè yóm getluhen bulón, ne song deng bè ghituhen bulón. 8Tikóng ton Hisikaya ne yó kem genlalen yóm tey luduk bong yó, tey keslamat le bè Dwata ne bè yó kem kun tau Israél.
9Yó snólók Hisikaya bè yó kem tau gel blóng ebè Dwata ne bè yó kem sfu Libay, “Gónó le gu lemwót nim kdéen ni?”
10Ne yó balà Asaraya du yóm tau hol geta bè yó kem tau gel blóng ebè Dwata, lemwót bè fes lówó Sadok, monen, “Lenwóten bè yóm kbut keblay le du bè Gónô Dwata yóm basa le ke Dwata yó kem tau, tey wen ken me, ne tey wen se lukasen, abay se tey któbóng Dwata kul yó kem kun tau.”
11Omin Hisikaya hmò kem dfél bè yó bè Gónô Dwata mò gónó le gel hemyu, ne tahu se, nmò le. 12Yóm kdê yó kem basa le ke Dwata ne yó kem bad le du, gotu nwit le ebè yó bè Gónô Dwata. Yóm sfu Libay boluyen Kunanaya fen geta mogot du, smugung béléen yóm twolihen Simi. 13Yó bud smugung bélê le mò tmóbóng kul, duhen le Jihiyél ne Asasaya ne Nahat ne Asahél ne Jirimut ne Jusabad ne Iliyél ne Ismakaya ne Mahat ne Binaya. Yóm fen mélék kul, Hisikaya yóm tau hol geta bélê le ne Asaraya yóm geta bè yó kem genlal bè Gónô Dwata.
14Wen sotu tau boluyen Kuri ngà Imna, sotu sfu Libay gel mentey bè yóm bak tikeb Fi Dmata Kdaw, du se nélék le mò mólól du yóm kdê gel blay le ke Dwata, ne yó kem basa le du, ne yó kem deng hetfing le ebéléen. 15Yó fen smugung béléen, duhen le Idén, ne Minamin, ne Jiswa, ne Simaya, ne Amariya ne Sikanaya. Lu fen mólól du bè yó kem fes lówó yó kem tau gel blóng ebè Dwata tebel bè benwu le yó kem basa, bede mlan bè bung le. Bè yóm kólól le du, tódô senged bè kem ngà ne kem tuha. 16Bud wen ólól le se kul yó kem ngà logi sfu Libay deng tlu halayen duhen ke mukas, yó kem logi gel mógów ebè Gónô Dwata ket kdaw na a mò du yóm kun nmò bè yó. Wen ólól le kul balù nô gónón nô boluy le bè lista yó kem gónó le gu tembong. 17Bud benlay le lu basa snéen yó kem tau gel blóng ebè Dwata deng snulat le boluy le bè lista yó kem gónó le gu semfu, dalang se yó kem sfu Libay deng lewu folò halay le duhen ke Mukas, yóm deng nô bè lista yóm kul gel nmò, ne yóm kul lumbuk. 18Gotu lista le lu yó kem tau gel blóng ebè Dwata, gomong yó kem ngà le hanà lemnek ne kem yehen le, ne yó kem ngà le logi, ne kem ngà le libun, yakà deng le gotu hfólós nim kdê le ni. 19Ne yó kem tau gel blóng ebè Dwata tbong Aron nô bè yó kem benwu lemnek laen dù bengen gu hmilol, wen se tau nélék le mò mólól du bè ket logi yóm kul ólól, ne bè yó kem dumu sfu Libay deng nô bè lista yó kem gónó le gu semfu yóm kul boluy.
20Ni se kmò kólól Hisikaya du bè klamang Juda yóm kdéen, gotu nmoen yóm hyu ne tedeng bè kton Dwata du. 21Yóm kdê nmoen bè yó bè Gónô Dwata ne bè yóm khotuhen gelen lemolò du yóm hlau Dwata ne yó kem hloloen kul, lemwót lem but blututen yóm kmoen du, ne yó gónón wen gendengen bè ket nmoen.
Currently Selected:
2 Tutul Israél 31: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
2 Tutul Israél 31
31
Kwit Hisikaya kul semfulék ebè Dwata yó kem tau Israél
1Timbow deng kmò le du yóm kehligal yó, yó nmò yó kem tau Israél nô bè yó, mógów le ebè yó kem syudad bè klamang Juda ne Bindyamin ne Ifraim ne Manasi, gotu lenusok le yó kem hehek botu, ne nofok le yó kem hehek yóm dwata libun boluyen Asira bè yó kem benwu yó, ne gotu kó le yó kem gónó le gel tmaba ebè dwata kéng, dalang se yóm gónó le gel demsù ebélê le. Tikóng deng gotu deng kegbà le kul, omin le mulék ebè kul benwu yó kem tau Israél yó.
2Yó nmò Hisikaya, nólólen lu bè bung le yó kem tau gel blóng ebè Dwata ne yó kem sfu Libay anì lu mò demsù yóm dsù hkekeb, ne yóm dsù mit sefyu ebè Dwata. Ne bud le gel tmaba ebè Dwata ne slamat le ebéléen, ne dóyón le bè yó kem bak tikeb bè Gónô Dwata. 3Wen kem kun ógóf blay yóm tau hol geta snéen mò hkekeb le bè yóm gel kedsù le hlafus ne kimel, sélétem mon mò dsù le bè yóm kehligal le bè Kdaw Kehegnô, ne bè yóm ksut Lomi Bulón, ne bè yó kem dumu gel kehligal nmò le ket halay, ulit le bè yóm deng snulat bè yóm bok gónón nô yó kem hlau Dwata kul. 4Bud hlolò yóm tau hol geta yó kem tau bè Jirusalim anì hol blay le bè yó kem tau gel blóng ebè Dwata ne bè yó kem sfu Libay yóm bad le bè yó kem gel ton le, anì yó hol hotu le nawa le lemolò du yóm hlau Dwata kul.
5Uni le mungol du kem tau Israél yóm yó, tódô le kendel bemlay, mahil bélê le bemlay yó kem tanay nuta le bè yó kem hulu le, ne bè yóm gel ninum le, ne bè hnolo ulib le, ne bè yó kem dumu tbas le. Ya tey kwenen yóm nwit le, yóm bad le ke Dwata bè kdê yó kem hulu le. 6Dalang se yó kem tau Israél fi bwak deng mili ebè Juda, ne yó kem tau bè Juda snéen, nwit le ebè yó se kul yóm bad le ke Dwata bè yó kem safì le ne bè yó kem ubiha le, ne yóm bad le bè yóm sana kul Dwata hol gónó mogot bè yó kem deng hetfing le ebéléen, ne gotu luduk le bè yó. 7Nbut le lemuduk du bè yóm getluhen bulón, ne song deng bè ghituhen bulón. 8Tikóng ton Hisikaya ne yó kem genlalen yóm tey luduk bong yó, tey keslamat le bè Dwata ne bè yó kem kun tau Israél.
9Yó snólók Hisikaya bè yó kem tau gel blóng ebè Dwata ne bè yó kem sfu Libay, “Gónó le gu lemwót nim kdéen ni?”
10Ne yó balà Asaraya du yóm tau hol geta bè yó kem tau gel blóng ebè Dwata, lemwót bè fes lówó Sadok, monen, “Lenwóten bè yóm kbut keblay le du bè Gónô Dwata yóm basa le ke Dwata yó kem tau, tey wen ken me, ne tey wen se lukasen, abay se tey któbóng Dwata kul yó kem kun tau.”
11Omin Hisikaya hmò kem dfél bè yó bè Gónô Dwata mò gónó le gel hemyu, ne tahu se, nmò le. 12Yóm kdê yó kem basa le ke Dwata ne yó kem bad le du, gotu nwit le ebè yó bè Gónô Dwata. Yóm sfu Libay boluyen Kunanaya fen geta mogot du, smugung béléen yóm twolihen Simi. 13Yó bud smugung bélê le mò tmóbóng kul, duhen le Jihiyél ne Asasaya ne Nahat ne Asahél ne Jirimut ne Jusabad ne Iliyél ne Ismakaya ne Mahat ne Binaya. Yóm fen mélék kul, Hisikaya yóm tau hol geta bélê le ne Asaraya yóm geta bè yó kem genlal bè Gónô Dwata.
14Wen sotu tau boluyen Kuri ngà Imna, sotu sfu Libay gel mentey bè yóm bak tikeb Fi Dmata Kdaw, du se nélék le mò mólól du yóm kdê gel blay le ke Dwata, ne yó kem basa le du, ne yó kem deng hetfing le ebéléen. 15Yó fen smugung béléen, duhen le Idén, ne Minamin, ne Jiswa, ne Simaya, ne Amariya ne Sikanaya. Lu fen mólól du bè yó kem fes lówó yó kem tau gel blóng ebè Dwata tebel bè benwu le yó kem basa, bede mlan bè bung le. Bè yóm kólól le du, tódô senged bè kem ngà ne kem tuha. 16Bud wen ólól le se kul yó kem ngà logi sfu Libay deng tlu halayen duhen ke mukas, yó kem logi gel mógów ebè Gónô Dwata ket kdaw na a mò du yóm kun nmò bè yó. Wen ólól le kul balù nô gónón nô boluy le bè lista yó kem gónó le gu tembong. 17Bud benlay le lu basa snéen yó kem tau gel blóng ebè Dwata deng snulat le boluy le bè lista yó kem gónó le gu semfu, dalang se yó kem sfu Libay deng lewu folò halay le duhen ke Mukas, yóm deng nô bè lista yóm kul gel nmò, ne yóm kul lumbuk. 18Gotu lista le lu yó kem tau gel blóng ebè Dwata, gomong yó kem ngà le hanà lemnek ne kem yehen le, ne yó kem ngà le logi, ne kem ngà le libun, yakà deng le gotu hfólós nim kdê le ni. 19Ne yó kem tau gel blóng ebè Dwata tbong Aron nô bè yó kem benwu lemnek laen dù bengen gu hmilol, wen se tau nélék le mò mólól du bè ket logi yóm kul ólól, ne bè yó kem dumu sfu Libay deng nô bè lista yó kem gónó le gu semfu yóm kul boluy.
20Ni se kmò kólól Hisikaya du bè klamang Juda yóm kdéen, gotu nmoen yóm hyu ne tedeng bè kton Dwata du. 21Yóm kdê nmoen bè yó bè Gónô Dwata ne bè yóm khotuhen gelen lemolò du yóm hlau Dwata ne yó kem hloloen kul, lemwót lem but blututen yóm kmoen du, ne yó gónón wen gendengen bè ket nmoen.
© 2007, Wycliffe Bible Translators, Inc. All rights reserved.