2 Tutul Israél 19
19
Kélék Jihusafat kem tau kmukum
1Bè yóm kulék Jihusafat yóm tau hol geta ebè Jirusalim, laen kô dù hemenen. 2Senlong Jihu yóm tau wen hton Dwata du, ngà Hanani. Yó mon Jihu mò du, “Moen du ke mom tnóbóngem yó kem tau gel mò sidek, fen kenbong nawahem yó kem tau kmutó nawa ke Dwata? Lemwót bè nim nmoem ni, gbunuem ne yóm kebut Dwata kóm. 3Okóm wen se hyu bè yó kem gel nmoem, duhen yóm kkóhem du bè klamang Juda yó kem hehek yóm dwata kéng boluyen Asira. Ne sotuhen yóm hol knóen bè nawahem yóm kebelem du yóm kun kóyô Dwata.”
4Bè yó bè Jirusalim gónó Jihusafat nô, okóm tendo gel mógów elem blóng yó kem tau nogoten, lenwóten bè Birsiba efet kól etu bè yó kem benwu lem bulul bè tonok Bindyamin. Yó nmoen, gendufen yó kem tau anì mulék le ebè Dwata yóm Dwata yó kem tehe fù le. 5Ket syudad mbegel bè klamang Juda, sal wen kem tau kmukum néléken suen du, 6ne yó hol hloloen kul, monen, “Bè yóm gel kkukum ye, na ye hol gel hendem gu laan ye là deng hemdeng du. Hol bê ye abay klifót. Bè yóm gel kkukum ye, là kô yó du yóm gel hnebel ye ke hefligal ye tau, okóm Dwata se yóm gel hefligal ye. Angat nô bélê ye Dwata bè ket kehedeng ye du yóm kkukum ye. 7Dwata dé hol knikò ye, ne hol ten-gama ye yóm nmò ye, abay se bè Dwata kun yóm Dwata hol gónó tekuy mogot, là kóen móyô du yóm kukum là tedengen, ne ke wen nfi ye, ne ke wen gel nwa ye mò wa nawa ye.”
8Bè yó bè Jirusalim, bud wen kem sfu Libay ne kem tau gel blóng ebè Dwata ne kem tau malak bè ket tbong nélék Jihusafat mò kmukum ke wen gónó le seglius bè yóm ketngón le du yóm hlau Dwata, ne mò kmukum yó kem tau gel mò sidek bè yó kem dumu tau. 9Yó hol hloloen kul, monen, “Ni se mò hol nmò ye. Bè yóm gel kkukum ye, hol knikò ye Dwata, ne hol nimón ye bè kdê yó kem gel nmò ye. 10Ke wen knukum gefet bélê ye lemwót bè yó kem dumu ye nô bè yó kem dumu benwu hmilol kuy, ke gbak bè kesbonok, duhen ke bè kulé le yó kem hlau Dwata ne yó kem hloloen kul, hol eles hetgama ye kul bê le abay gemsalà bè Dwata. Abay se ke yó nmò le, gbunù ye yóm kebut Dwata kuy dalang se yó kem dumu ye. Hol nmò ye nim ni anì là gemsalà ye bè Dwata.
11Ke wen knukum ye gbak bè yó kem kun hlau Dwata, hendeng Amariya yóm geta bè yó kem tau gel blóng ebè Dwata. Ke wen se knukum ye gbak bè yóm sidek nmò tau, Sibadaya ngà Ismaél fen hemdeng du yóm fen malak bè yó kem ból Juda. Ne yó kem sfu Libay mò fen tmóbóng kul anì dohò kbayaden yóm tau knukum le. Hol hfól ye nawa ye bè yóm gel kkukum ye, ne Dwata he tendo nô bè yó kem tau mò du yóm tedeng.”
Currently Selected:
2 Tutul Israél 19: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
2 Tutul Israél 19
19
Kélék Jihusafat kem tau kmukum
1Bè yóm kulék Jihusafat yóm tau hol geta ebè Jirusalim, laen kô dù hemenen. 2Senlong Jihu yóm tau wen hton Dwata du, ngà Hanani. Yó mon Jihu mò du, “Moen du ke mom tnóbóngem yó kem tau gel mò sidek, fen kenbong nawahem yó kem tau kmutó nawa ke Dwata? Lemwót bè nim nmoem ni, gbunuem ne yóm kebut Dwata kóm. 3Okóm wen se hyu bè yó kem gel nmoem, duhen yóm kkóhem du bè klamang Juda yó kem hehek yóm dwata kéng boluyen Asira. Ne sotuhen yóm hol knóen bè nawahem yóm kebelem du yóm kun kóyô Dwata.”
4Bè yó bè Jirusalim gónó Jihusafat nô, okóm tendo gel mógów elem blóng yó kem tau nogoten, lenwóten bè Birsiba efet kól etu bè yó kem benwu lem bulul bè tonok Bindyamin. Yó nmoen, gendufen yó kem tau anì mulék le ebè Dwata yóm Dwata yó kem tehe fù le. 5Ket syudad mbegel bè klamang Juda, sal wen kem tau kmukum néléken suen du, 6ne yó hol hloloen kul, monen, “Bè yóm gel kkukum ye, na ye hol gel hendem gu laan ye là deng hemdeng du. Hol bê ye abay klifót. Bè yóm gel kkukum ye, là kô yó du yóm gel hnebel ye ke hefligal ye tau, okóm Dwata se yóm gel hefligal ye. Angat nô bélê ye Dwata bè ket kehedeng ye du yóm kkukum ye. 7Dwata dé hol knikò ye, ne hol ten-gama ye yóm nmò ye, abay se bè Dwata kun yóm Dwata hol gónó tekuy mogot, là kóen móyô du yóm kukum là tedengen, ne ke wen nfi ye, ne ke wen gel nwa ye mò wa nawa ye.”
8Bè yó bè Jirusalim, bud wen kem sfu Libay ne kem tau gel blóng ebè Dwata ne kem tau malak bè ket tbong nélék Jihusafat mò kmukum ke wen gónó le seglius bè yóm ketngón le du yóm hlau Dwata, ne mò kmukum yó kem tau gel mò sidek bè yó kem dumu tau. 9Yó hol hloloen kul, monen, “Ni se mò hol nmò ye. Bè yóm gel kkukum ye, hol knikò ye Dwata, ne hol nimón ye bè kdê yó kem gel nmò ye. 10Ke wen knukum gefet bélê ye lemwót bè yó kem dumu ye nô bè yó kem dumu benwu hmilol kuy, ke gbak bè kesbonok, duhen ke bè kulé le yó kem hlau Dwata ne yó kem hloloen kul, hol eles hetgama ye kul bê le abay gemsalà bè Dwata. Abay se ke yó nmò le, gbunù ye yóm kebut Dwata kuy dalang se yó kem dumu ye. Hol nmò ye nim ni anì là gemsalà ye bè Dwata.
11Ke wen knukum ye gbak bè yó kem kun hlau Dwata, hendeng Amariya yóm geta bè yó kem tau gel blóng ebè Dwata. Ke wen se knukum ye gbak bè yóm sidek nmò tau, Sibadaya ngà Ismaél fen hemdeng du yóm fen malak bè yó kem ból Juda. Ne yó kem sfu Libay mò fen tmóbóng kul anì dohò kbayaden yóm tau knukum le. Hol hfól ye nawa ye bè yóm gel kkukum ye, ne Dwata he tendo nô bè yó kem tau mò du yóm tedeng.”
© 2007, Wycliffe Bible Translators, Inc. All rights reserved.