HOSEA 1

1 # 2 Ra. 14:23-29, 15:1-7, 15:32-38, 16:1-20, 18:1–20:21; 2 Kro. 26:1-23, 27:1-8, 28:1-27, 29:1–32:33 Jetoh peteh je inenga Tuhan akan Hosea anak Beeri intu katika karajaan Yuda tuntu-tuntut irentah awi raja Usia, Yotam, Ahas, tuntang Hiskia, tinai karajaan Israel irentah awi Yerobeam anak Yoahas.

Sawan Hosea tuntang kare anake

2Katika Tuhan solak-solake hamauh dengan bangsa Israel hajamban aku, Tuhan hamauh, “Hosea, keleh kawin dengan oloh bawi je rajin malontei, tuntang kare anakm kea kareh jari kilau ie. Ungkup-Ku sama kilau sawam te; ewen dia baketep dengang-Ku, tuntang malihi Aku.”

3Palus aku kawin dengan ije biti oloh bawi arae Gomer anak Diblaim. Limbah te ie manak anak ikei je solake, ije biti anak hatue, 4#2 Ra. 10:11 Tuhan hamauh dengangku, “Nggare anakm te Yisreel awi dia tahi tinai aku mahukum raja Israel, awi pampatei je ilalus Yehu, tato hiange, intu Yisreel.#1:4: Yisreel: Intu lewu te Yehu mampatei raja Israel tuntang hapus keluarga raja te. Palus Yehu manjadi raja aje solake bara dinasti je taheta (ite 2 Ra. 9-10). Aku akan mapahapus turonan Yehu marentah.#1:4: Yehu marentah: atawa Karajaan Israel. 5Hong katika te intu Janah Yisreel aku kareh mambinasa kaabas Israel.”

6Limbah te sawangku te manak anak ikei je kadue, ije biti anak bawi. Tuhan hamauh dengangku, “Hosea, nggare anak te ‘Je Dia Iasi’, awi aku dia tinai masi bangsa Israel, tuntang samasinde dia akan mampun ewen. 7Tapi bangsa Yehudi kareh mandino asi bara Aku. Aku Tuhan, Hatallan ewen, akan manyalamat ewen, tapi dia dengan parang, tuntang dia kea dengan padang atawa panah atawa kuda dengan oloh je manongkange.”

8Limbah anak ikei je kadue malekak tuso, sawangku batihi tinai palus manak ije biti anak hatue. 9Tuhan hamauh dengangku, “Nggare anakm te, ‘Dia ungkup-Ku’, awi oloh Israel dia ungkup-Ku tuntang Aku dia Hatallan ewen.”

Pambelom Israel ihalalian

10 # Rm. 9:26 Bangsa Israel akan jadi sama karee kilau baras intu saran tasik, sampai dia tau inakar atawa iise. Toh Hatalla mahamen dengan ewen, “Keton dia ungkup-Ku,” tapi akan sampai katikae Ie hamauh dengan ewen, “Aku Hatalla je belom, tuntang keton kare anak-Ku!” 11Suku Yuda tuntang bangsa Israel akan impahinje haluli. Ewen akan mangkat ije biti pamimpin, tuntang ewen akan miar tuntang sanang tinai intu tanah ewen. Toto, andau Yisreel#1:11: Yisreel: Ite 1:4. kareh jari andau je hai!

Currently Selected:

HOSEA 1: NIJ

Highlight

Copy

Compare