YUNUS ḶOUNA IN SINGOG
ḶOUNA IN SINGOG
Buk tanaa noyoposi in buk mita in nabi ibanea kon Alkitab, sin diábí in koyow i nabi, táe mongongumanbí kon onu inta nobaḻí kon i Nabi Yunus, kon tungkuḷ in sia yumayú kon onu inta pinarenta i Allah. Ki Allah in nopotabá kon inia mayá in Niniwe, putod in Dodatuan in Asyur, musung in Israel. Táe ki Yunus in doíbí minayá in kotá tatua mopotaau in koyow i Allah, sin noyakinbí totok in sia kon aka intau in Niniwe mogogai mogaid kon dosa, yo ki Allah in diábí mopobayá in tomayá-Nea kon morimumud kon kotá tatua. Imbuitnea, naonda in nobaḻí in inta mokoherang, ki Yunus in dinumuduidon kon parenta i Tuhan, táe onda intua sinumorú in sia, popisí in Niniwe diá nobaḻí irimumud.
Buk Yunus in moposimantag kon naonda in ki Allah mokadai kon kawasa-Nea kon onu inta binaḻí-Nea. Táe noiḷontú kon tua, buk tanaa in mopotaau kon ki Allah Inta Totok in motabi bo inta moibog mongampung, ki Allah in moibo-ibogbí mongampung bo moposaḷamat kon bangusa tobatú dika in mohukum bo morimumud kon tua, umpakabí bangusa tatua musung in umat-Nea tontaní.
Tombonunea
Ki Yunus inoiní, táe doí nokidongog 1:1-17
Ki Yunus in nomanasaḷ bo pinosaḷamat 2:1-10
Indoyó inta pinoyaput i Yunus kon Niniwe 3:1-10
Niniwe inampungan i Allah 4:1-11
Currently Selected:
YUNUS ḶOUNA IN SINGOG: INOMOG
Highlight
Copy
Compare
Share
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.