YUNUS 2
2
Sambayang i Yunus
1Nongkon bonu in sian in toyá tatua, ki Yunus nosambayang kon i Tuhan Allahnea. Kainia,
2“O Tuhan,
Kon bonu in rorigaku akuoi in mokuani kon ini-Mu
bo Iko in motubag kon inakó.
Nongkon dunia in intau minatoi akuoi mopoigum in totuḷung,
oigumku in inindongogan-Mu bo inindoian-Mu.
3Kon tampat modaḷom akuoi pinogonag-Mu,
nodapot kon apad in dagat.
Kon tua torú in tubig iḻimibu kon inakó,
bokoḷ bo ḻimboknea nopogambat kon inakó.
4Akuoi in nosingog kon bonu in ginaku:
Ki Tuhan in nopoguntundon kon inakó naa nongkon tayowon-Nea.
Diádon in akuoi mokoontong bui
kon baḷoi pogogutunan-Nea inta motusi.
5Tubig in dagat noponik nodapotdon in bibigku,
baḷangon in noḻingkupdon kon sinangkub in awakku,
ḷumut in dagat noibakutdon kon uḷuku.
6-7Akuoi in iḷumanduk noidapot kon apad in tombuḷud,
kon dunia inta bonawangnea kinunsían modapot in singgai tumi. #2:6-7: kon dunia … tumi: imakusud kon naa in dunia in intau minatoi.
Dimukudku in moḷopídon totok kon bonu in awakku,
bo kinotoropankudon bo nokuani kon ini-Mu.
Dá noiyaputdon in sambayangku kon ini-Mu,
kon bonu in Baḷoi-Mu inta mokudus.
Bo pinopoponik-Mudon in akuoi nongkon bonu in dagat,
o Tuhan Allahku!
8Mososumba mita kon berhala inta diá in baragunanea,
in nonaḷámaidon kon ini-Mu bo diádon notoḷutui.
9Táe akuoi in mopodondongbí in dodayow mita kon ini-Mu
bo moposumba in kuruban kon ini-Mu.
Bayongan in dandiku in aidankubí.
Ikobí in ki Tuhan inta noposaḷamat.”
10Onda intua, podudui kon parenta i Tuhan, toyá tatua noḷuádon kon i Yunus kon toba.
Currently Selected:
YUNUS 2: INOMOG
Highlight
Copy
Compare
Share
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.
