YEREMIA 43
43
Ki Yeremia in dinia minayá in Mesir
1Koyow in Tuhan Allah in Israel, inta musti potaauku kon rayat in nodaitkudon pinotaau. 2Bo ki Azarya ki adí i Hosaya bo ki Yohanan ki adí Kareah takin bayongan in intau inta mododia tua in noguman kon inakó, “Mouboḷ in iko. Ki Tuhan Allah naton in diábí nopotabá kon inimu moḷamboi kon inami in mayá mogutun kon Mesir. 3Ki Barukhbí ki adí i Neria tua in nondodak kon inimu kon monayow kon inami, sinbá kami kawasaan in intau in Babel bo mokoḻimod andeka mogakut kon inami pobayá in Babel.” 4Pinomayá ki Yohanan andeka bayongan in porwira bo rayat in doíbí dinumudui kon parenta i Tuhan kon tantú mogutun kon Yohuda. 5#Dat.2. 25:26 Ki Yohanan bo bayongan in porwira tatua in nodia minayá in Mesir in bayongan in intau inta oyúonpa kon Yohuda, bo bayongan doman intau inta ain nobui nongkon butá ibanea inta kinoraritan monia. 6Ḷoḷaki, bobay, mongoadí mita bo ki adí mita bobay i datu inta inogoi i Nebuzaradan kon i Gedalya, takin doman akuoi bo ki Barukh, komintan dinia minayá in Mesir. 7Mosia in noḷawang kon parenta i Tuhan, bo minayá in Mesir nodapot in kotá in Tahpanhes.
8Kon tua ki Tuhan in noguman kon inakó, 9“Pogamádon kon batu mita mongoḷoben, bo ḷobongdon kon bonu in butá kon tayowon in ngara tumuot in baḷoi in pomarenta in kotá tatua. Ḷongasi sinbá intau mita in Yohuda mokoontong kon onu inta inaidanmu tatua. 10Bo pogumandon kon i monia kon Akuoi, ki Tuhan Inta Totok in mokawasa, Allah in Israel, in mopoangoibí in mogogundoi-Ku ki Nebukadnezar datu in Babel, kon tampat tatua. Bo kon tudu in batu mita inta iḷobongmu kon butá tatua, posindogonneabí in tampat pomomarentaannea bo mosongká kon ḷoḷaigan in dodatuannea. 11Ki Nebukadnezar in mamangoibí bo monaḷow kon Mesir. Bo intau mita inta ain sinantú kon matoi popisí in yampoi in takit in matoibí popisí in yampoi in takit. Mosia inta sinantú kon akuton saḷaku inta dinakop in akutonbí saḷaku intau dinakop, bo inta sinantú kon matoi kon bonu in parang in matoibí kon bonu in parang. 12Akuoi#43:12: Podudui in tongonumai in terjemahan dungkuḷmai: Akuoi: podudui in naska in Ibrani: Sia. in mopoyongkitbí in tuḷú kon kuil mita in dewa mita in Mesir, bo ki datu in Babel in momokakbí kon patong mita in berhala bo kuil mita andeka akutonnea pobayá in butánea. Naonda bo gombala tobatú mondarit kon pakeangnea nongkon kutu, natua doman in datu in Babel in monimpat mokopodarit kon Mesir bodongka mobuat bui takin diábí in monuyayow kon inia. 13Tugu mita in berhala kon Heliopolis#43:13: Heliopolis: Podudui in naska in Ibrani “Betsyemes”. táe deemanbí Betsyemes inta kon Palestina. kon Mesir, in rimumudonbí, bo kuil mita in dewa mita in Mesir pokakonbí komintan.”
Currently Selected:
YEREMIA 43: INOMOG
Highlight
Copy
Compare
Share
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.
