YESAYA 12
12
Dondong Sukur
1Moiangoibí in wakutunea moiko in modondong:
“Tuhan, akuoi mopoyaput in sukur kon ini-Mu,
Sin Iko in noḻipoi kon inakó.
Koḻipod Iko in sinumorú kon inakó,
táe tanaa in noinggamádon in torú-Mu.
2 #
Iḷn. 15:2; Mzm. 118:14 Totuu, ki Allah tua in mopoposaḷamatku,
akuoi in mopirisaya kon i-Nia.
Akuoi in diábí moondok,
sin Sia in moginropot kon inakó.
Mopoposaḷamatku in ki Allah,
Kon i-Nia in popoyaputanku in dondong.
3Naonda bo tubig motumping mokoguḻí kon rogang in intau,
natuata in moiko in moposanang kon gina,
popisí in pinosaḷamat i Allah.”
4Moiangoibí in wakutunea moiko in moguman,
“Posukurdon kon i Tuhan,
bo sumbadon in Sia.
Potaaudon kon bangusa mita
koagungan bo bayongan in inta inaidan-Nea.
5Podondongdon kon i Tuhan,
sin Sia in nomiadon kon nobayong in inta mokoherang.
Pomayádon mako in sinangkub in dunia
mokodongog kon onu inta inaidan-Nea.
6Ponggoḷokapdon ei intau mita in Sion,
podondongdon takin sanang in gina.
Ki Allah mokudus in israel totuu kon momulia,
Sia in nogutun kon yua-yuak monimu.”
Currently Selected:
YESAYA 12: INOMOG
Highlight
Copy
Compare
Share
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.
YESAYA 12
12
Dondong Sukur
1Moiangoibí in wakutunea moiko in modondong:
“Tuhan, akuoi mopoyaput in sukur kon ini-Mu,
Sin Iko in noḻipoi kon inakó.
Koḻipod Iko in sinumorú kon inakó,
táe tanaa in noinggamádon in torú-Mu.
2 #
Iḷn. 15:2; Mzm. 118:14 Totuu, ki Allah tua in mopoposaḷamatku,
akuoi in mopirisaya kon i-Nia.
Akuoi in diábí moondok,
sin Sia in moginropot kon inakó.
Mopoposaḷamatku in ki Allah,
Kon i-Nia in popoyaputanku in dondong.
3Naonda bo tubig motumping mokoguḻí kon rogang in intau,
natuata in moiko in moposanang kon gina,
popisí in pinosaḷamat i Allah.”
4Moiangoibí in wakutunea moiko in moguman,
“Posukurdon kon i Tuhan,
bo sumbadon in Sia.
Potaaudon kon bangusa mita
koagungan bo bayongan in inta inaidan-Nea.
5Podondongdon kon i Tuhan,
sin Sia in nomiadon kon nobayong in inta mokoherang.
Pomayádon mako in sinangkub in dunia
mokodongog kon onu inta inaidan-Nea.
6Ponggoḷokapdon ei intau mita in Sion,
podondongdon takin sanang in gina.
Ki Allah mokudus in israel totuu kon momulia,
Sia in nogutun kon yua-yuak monimu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.