YESAYA 11
11
Dodatuan in Dame
1 #
Why. 5:5, 22:16 Buí i Datu Daud naonda bo pangkoi in kayu inta ain pinupuḷ. Táe ná doman onda nongkon tuodnea nomuká in poḻimping mobagu, natua doman nongkon buí i Daud in moiangoi in datu tobatú.
2Kawasa i Tuhan in mokapit kon inia,
mopobaḻí kon inia mopia bo mobijaksana,
mopandoi monimpod kon tosingogon bo mopoaid intua;
monotaau kon ibog i Allah bo mopirisaya kon i-Nia.
3Koibognea in motoindudui kon i Tuhan.
Sia in diábí monisig tongá indoian mako natua
andeka podoyon kon singog in intau.
4 #
Tes.2. 2:8
Intau bogá ihakimnea kinoadil,
intau inta diá kodaya dinuḷuannea takin gina motuḻid;
intau kotaḷá ihukum podudui in parentanea,
intau moraat iyompatnea.
5 #
Ep. 6:14
Sia in mogaid pongin moadil bo motoindudui
kon bayongan yagi-yagi.
6 #
Yes. 65:25
Ungkú in kayuon in mogutundon moyotakin in domba,
macan tutul mosiug kon diug in bembé.
Ki adí in sapi in moranut kon bonok#11:6: Podudui in tongonumai in terjemahan dungkuḷmai: in moranut kon bonok; podudui in naska in Ibrani: bobiagon inta moḷomumu mita. moyotakin in singa,
bo mongoadí in modia kon i monia.
7Sapi in moranutbí kon bonok moyotakin in beruang,
ki adí mita monia mosiug moyotakin.
Singa in mokaan kon wawa naonda bo sapi.
8Nodapot in adí mointok diábí tompaḻían
aka mogogitog kon diug in uḷag mobisa.
9 #
Hab. 2:14
Kon Sion, Buḷud Motusi i Allah,
diábí in moraat andeka momoguyaat.
Dunia naa in mopuḻingbí in sinotaau soaḷ ki Allah,
naonda bo tubig momuḻing kon dagat.
Bangusa inta iḷumbú mobuidon mangoi
10 #
Rm. 15:12
Moiangoibí in wakutunea datu tobatú buí i Daud in tantú tontongan in bangusa mita. Mosia in mamangoibí kon inia, bo pogogutunannea in tango-tangoionbí. 11Kon singgai tatua ki Tuhan in buipa doman momaké kon kawasa-Nea bo modia mobui kon umat-Nea inta kinotaḷáan kon Asyur bo kon Mesir, kon butá mita in Patros, Sudan bo Elam, kon Babel, Hamat bo ḻibuton mita inta mongoyayú. 12Ki Tuhan in mopoponikbí in bandera kon bangusa mita. Tuata in nobaḻí tomponuot kon Sia in mosipun bui kon bangusa in Israel bo Yohuda inta noirarit kon bayongan dunia bo modia kon i monia mobui. 13Dodatuan in Israel in diá bidon mointoi kon Yohuda, bo Yohuda in diá bidon mosaturu kon Israel. 14Mosia in moyotakin bidon in monubu kon intau in Pilistin kon toyopan bo mogagow kon bangusa mita kon pomukaan. Mosia in monaḷowbí kon bangusa in Edom bo Moab, bo bangusa in Amon in tumungkudbí kon i monia. 15#Why. 16:12 Ki Tuhan in monggiotbí kon Ḷuok in Suez. Baḻíon-Nea in tompot mopatú mogirup dá Ongkag in Eprat mobaḻí pitu notanga in tubig inta mobabow, bo batúan in intau mokoḷoḷanbí kon tua takin momaké in aip in sioḷ. 16Bo kon umat-Nea inta ki agatnea in ogoianbí in daḷan moḷoben sin ḷuaian nongkon Asyur, ná kon tungkuḷ in Israel iḻumuai nongkon Mesir.
Currently Selected:
YESAYA 11: INOMOG
Highlight
Copy
Compare
Share
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.
YESAYA 11
11
Dodatuan in Dame
1 #
Why. 5:5, 22:16 Buí i Datu Daud naonda bo pangkoi in kayu inta ain pinupuḷ. Táe ná doman onda nongkon tuodnea nomuká in poḻimping mobagu, natua doman nongkon buí i Daud in moiangoi in datu tobatú.
2Kawasa i Tuhan in mokapit kon inia,
mopobaḻí kon inia mopia bo mobijaksana,
mopandoi monimpod kon tosingogon bo mopoaid intua;
monotaau kon ibog i Allah bo mopirisaya kon i-Nia.
3Koibognea in motoindudui kon i Tuhan.
Sia in diábí monisig tongá indoian mako natua
andeka podoyon kon singog in intau.
4 #
Tes.2. 2:8
Intau bogá ihakimnea kinoadil,
intau inta diá kodaya dinuḷuannea takin gina motuḻid;
intau kotaḷá ihukum podudui in parentanea,
intau moraat iyompatnea.
5 #
Ep. 6:14
Sia in mogaid pongin moadil bo motoindudui
kon bayongan yagi-yagi.
6 #
Yes. 65:25
Ungkú in kayuon in mogutundon moyotakin in domba,
macan tutul mosiug kon diug in bembé.
Ki adí in sapi in moranut kon bonok#11:6: Podudui in tongonumai in terjemahan dungkuḷmai: in moranut kon bonok; podudui in naska in Ibrani: bobiagon inta moḷomumu mita. moyotakin in singa,
bo mongoadí in modia kon i monia.
7Sapi in moranutbí kon bonok moyotakin in beruang,
ki adí mita monia mosiug moyotakin.
Singa in mokaan kon wawa naonda bo sapi.
8Nodapot in adí mointok diábí tompaḻían
aka mogogitog kon diug in uḷag mobisa.
9 #
Hab. 2:14
Kon Sion, Buḷud Motusi i Allah,
diábí in moraat andeka momoguyaat.
Dunia naa in mopuḻingbí in sinotaau soaḷ ki Allah,
naonda bo tubig momuḻing kon dagat.
Bangusa inta iḷumbú mobuidon mangoi
10 #
Rm. 15:12
Moiangoibí in wakutunea datu tobatú buí i Daud in tantú tontongan in bangusa mita. Mosia in mamangoibí kon inia, bo pogogutunannea in tango-tangoionbí. 11Kon singgai tatua ki Tuhan in buipa doman momaké kon kawasa-Nea bo modia mobui kon umat-Nea inta kinotaḷáan kon Asyur bo kon Mesir, kon butá mita in Patros, Sudan bo Elam, kon Babel, Hamat bo ḻibuton mita inta mongoyayú. 12Ki Tuhan in mopoponikbí in bandera kon bangusa mita. Tuata in nobaḻí tomponuot kon Sia in mosipun bui kon bangusa in Israel bo Yohuda inta noirarit kon bayongan dunia bo modia kon i monia mobui. 13Dodatuan in Israel in diá bidon mointoi kon Yohuda, bo Yohuda in diá bidon mosaturu kon Israel. 14Mosia in moyotakin bidon in monubu kon intau in Pilistin kon toyopan bo mogagow kon bangusa mita kon pomukaan. Mosia in monaḷowbí kon bangusa in Edom bo Moab, bo bangusa in Amon in tumungkudbí kon i monia. 15#Why. 16:12 Ki Tuhan in monggiotbí kon Ḷuok in Suez. Baḻíon-Nea in tompot mopatú mogirup dá Ongkag in Eprat mobaḻí pitu notanga in tubig inta mobabow, bo batúan in intau mokoḷoḷanbí kon tua takin momaké in aip in sioḷ. 16Bo kon umat-Nea inta ki agatnea in ogoianbí in daḷan moḷoben sin ḷuaian nongkon Asyur, ná kon tungkuḷ in Israel iḻumuai nongkon Mesir.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.