ROMA ATOR MAMOLAN
ATOR MAMOLAN
Serradda Paulus ka Jema'at e Roma ekerem sopaja jema'at gapaneka bisa aya-sadhiya sabellunna Paulus meyos apanggiya sareng reng-oreng gapaneka. Menorot rancana, Paulus sabatara bakto badhi ngastanana lalakon e antarana reng-oreng Kristen e ka'dhissa', saamponna gapaneka kalaban bantowanna jema'at e Roma gapaneka terro meyosa ka Spanyol. Paulus akerem serrat paneka kaangguy ajarna'agi pangarteyanna parkara agama Kristen sareng gugadan-gugadan se praktis kaangguy odhi'epon reng-oreng Kristen.
Saamponna apareng salam ka reng-oreng jema'at e Roma, sareng notorragi parkara du'ana kaangguy reng-oreng gapaneka, Paulus notorragi temaepon serradda, enggi paneka: “Kalaban Kabar Bagus rowa Allah noduwagi baramma carana hubunganna manossa ban Allah daddi bagus pole; carana iya areya kalaban parcaja ka Allah, dhari parmola'an sampe' aher” (1:17).
Saamponna gapaneka Paulus ajarna'agi temana gapaneka. Sadajana oreng – Yahudi otaba banne Yahudi – parlo epateppa' hubunganna sareng Allah, sabab sadaja padha badha e dhalem kakobasa'anna dusa. Hubunganna manossa sareng Allah bagus pole manabi manossa parcaja ka Isa Almasih. Saamponna gapaneka Paulus ajarna'agi bab odhi' se anyar se ealame manossa manabi manyettong sareng Isa Almasih. Odhi' se anyar gapaneka tombu polana badhana hubungan se anyar sareng Allah. Oreng se ampon parcaja ka Isa, odhi' taremtem sareng Allah, sareng Erroh Allah mabebas aba'na dhari kakobasa'anna dusa sareng pate. E dhalem pasal 5-8 Paulus ajarna'agi jugan tojjuwanna Kom-hokomma Allah sareng kobasana Errohna Allah e dhalem odhi'na oreng se parcaja. Saamponna gapaneka Paulus nerrangngagi ja' oreng Yahudi ban oreng se banne Yahudi ampon tamaso' e dhalem rancanana Allah kaangguy nolong manossa adhasar ka rahmadda kalaban parantara'anna Isa Almasih. Paulus yakin ja' oreng Yahudi ta' saterrossa nolaga Isa. Dhi-budhina Paulus nyerrat parkara kadi ponapa koduna odhi'na oreng Kristen, bi-lebbi carana ajalannagi kataresna'an e dhalem hubunganna sareng reng-oreng laen. Kaangguy kaparlowan gapaneka Paulus mele ko'-poko' akantha e baba paneka: ngabdi ka Allah, kawajibanna oreng Kristen ka nagarana, sareng ka sasamana se padha Kristen, sareng acem-macem parkara kasambung sareng essena ate. Paulus notop serradda sareng sen-pessen dhari salerana dibi' sarta sareng ji-pojiyan kaator ka Allah.
Essena Ketab
Mamolan ban tema 1:1-17
Kabutowanna manossa ka kasalameddan 1:18–3:20
Jalan kasalameddan dhari Allah 3:21–4:25
Odhi' anyar polana manyettong ban Almasih 5:1–8:39
Isra'il e dhalem rancanana Allah 9:1–11:36
Tengka gulina oreng Kristen 12:1–15:13
Panotop ban salam pribadhi 15:14–16:27
Currently Selected:
ROMA ATOR MAMOLAN: MAD
Highlight
Copy
Compare
Share
Want to have your highlights saved across all your devices? Sign up or sign in