JABUR ATOR MAMOLAN
ATOR MAMOLAN
Ketab Jabur paneka bagiyanna Alketab se aropa ketab nyanyeyan sareng ketab du'a. Ketab paneka eanggit sareng pan-saponapan bujangga e dhalem bakto se ce' abidda. Nyanyeyan-nyanyeyan sareng sadajana du'a paneka epakompol sareng oreng Isra'il pas eangguy e dhalem kabakteyanna, kantos dhi-budhina laju epamaso' ka dhalem Alketab.
Ir-syi'ir kaagama'an paneka acem-macem: badha nyanyeyan pojiyan ban badha nyanyeyan se eangguy abakte ka Allah; badha se aropa du'a kaangguy nyo'on partolongan, nyo'on pangaoban sareng kasalameddan; du'a nyo'on saporana dusa; nyanyeyan kaangguy asokkor kaangguy rahmattepon Allah, parnyo'onan sopaja moso eokoma. Du'a-du'a gapaneka badha se sepattepon pribadhi, badha se nasional. E antaraepon badha se notorragi parasa'annepon oreng se paleng dhalem, dineng laennepon anyata'agi kabutowan sareng parasa'annepon sadajana ommat Allah.
Bur-jabur eagem sareng Isa Almasih, epetthel sareng reng-oreng se nyerrat Parjanjiyan Anyar, sareng daddi ketab kabakteyan se sanget eargai sareng Gereja Kristen dhari dha'-adha'na.
Essena Ketab
Jabur se bannya'na saratos saeket meggi' paneka ebagi epadaddi lema pantha otabana lema ketab, kadi ka'dhinto:
Ketab se kapeng settong : Jabur 1–41
Ketab se kapeng dhuwa' : Jabur 42–72
Ketab se kapeng tello' : Jabur 73–89
Ketab se kapeng empa' : Jabur 90–106
Ketab se kapeng lema' : Jabur 107–150
Currently Selected:
JABUR ATOR MAMOLAN: MAD
Highlight
Copy
Compare
Share
Want to have your highlights saved across all your devices? Sign up or sign in