JABUR 98
98
Allah pangobasana dunnya
1Jabur.
Mara anyanye nyanyeyan se anyar kaator ka PANGERAN,
polana lalampa'anna se makasambu' ate!
Kalaban kobasa ban kakowadanna dibi'
Pangeran ngaolle kamennangan.
2PANGERAN aberta'agi kamennanganna;
ban anyata'agi kaadilanna ka sa-bangsa.
3Salerana emot ka kataresna'an ban kaestowanna
ka Isra'il, ommadda.
Sakabbinna bangsa e bume
la nangale kamennanganna Allahna sengko' ban ba'na.
4Mara asorak kaator ka PANGERAN, saantero bume!
Poji Pangeran ban nyanyeyan sarta sorak se gumbira.
5Mara anyanye nyanyeyan pojiyan kaator ka PANGERAN,
sambi nabbu calempongnga.
6Tope tarompet ban sangkakala,
asorak kaator PANGERAN, Ratona sengko' ban ba'na.
7Mara agarudhu', tase' ban essena,
bume ban kabbi se badha e dhalemmanna.
8Dina ngay-songay me' olle padha akopa',
ban mo'-gumo' padha rak-soragan e ajunanna PANGERAN.
9Sabab Pangeran rabu ahakimana bume;
sa-bangsa ehakimana kalaban bendher ban adil.
Currently Selected:
JABUR 98: MAD
Highlight
Copy
Compare
Share
Want to have your highlights saved across all your devices? Sign up or sign in
