JABUR 82
82
Allah, Rato Se Agung
1Jaburra Asaf.
Allah mimpin partemmowan illahi e sowarga,
pas apareng potosanna:
2“Ba'na ja' paroce pole mon ngadili,
sarta ja' nolonge oreng jahat pole.
3Billai na'-kana' jatim ban oreng se ta' andhi' kakowadan,
paadil ka oreng mesken ban nyangsara.
4Pabebas reng-oreng se ta' kowat ban ta' bisa apa-rapa,
palopot kabbi dhari tanangnga oreng daraka.
5Ba'na ta' tao pa-apa, budhu ban posang,
polana ba'na, atoranna masarakat ta' etemmo karowanna.
6 #
Yah. 10:34
Sengko' la ngoca' ja' ba'na reya illahi,
ba'na kabbi tra-pottrana Allah Se Mahatenggi.
7Tape ba'na bakal mateya akantha manossa,
akantha saneyap pangraja, ba'na bakal mateya keya.”
8Ngereng, ka ka'dhinto, Guste, hakime dunnya ka'dhinto,
sabab sadajana bangsa kaagunganna Junandalem.
Currently Selected:
JABUR 82: MAD
Highlight
Copy
Compare
Share
Want to have your highlights saved across all your devices? Sign up or sign in
