JABUR 8
8
Kaagunganna Allah ban kabagusanna manossa
1Kaangguy pamimpinna koor. Menorot lagu Gitit. Jaburra Daud.
2Guste ALLAH, Pangeran kaula,
kakobasa'annepon Junandalem kasohor saantero bume!
Kaagungannepon Junandalem atenggiyan sareng langnge',
3 #
Mat. 21:16
enyanyeyagi na'-kana' sareng babaji'.
Pamarenta'annepon Junandalem koko ta' ekenneng gundhek moso.
Sadajana moso sareng Junandalem epata'bisa aguli.
4Manabi abdidalem adhanga nengale langnge' cepta'annepon Junandalem,
bulan sareng bintang se epasang sareng Junandalem,
5 #
Ayb. 7:17-18; Jab. 144:3; Ibr. 2:6-8 abdidalem apekker tadha' ambuna, pasera sanyataepon manossa ka'dhinto,
me' sareng Junandalem etolong terros, sareng Junandalem epeyara?
6Namong sareng Junandalem sadajana manossa eangkat kantos para' padha'a sareng Allah,#8:6 Allah, otaba: ba-diba, otaba: malaekat.
eparenge jamang kaagungan sareng kahormadan.
7 #
1Kor. 15:27; Ef. 1:22; Ibr. 2:8 Sareng Junandalem eparenge kobasa ngator alam saessena,
sadaja cepta'annepon Junandalem epakobasae ka manossa:
8dumba, sape sareng ebin sadajana,
jugan ban-keban se badha e ra-ara;
9mano' sareng juko', se raja sareng se kene',
sadajana mahlok e dhalem tase' raja.
10GUSTE, Pangeran kaula,
kaagungannepon Junandalem kasohor saantero bume!
Currently Selected:
JABUR 8: MAD
Highlight
Copy
Compare
Share
Want to have your highlights saved across all your devices? Sign up or sign in
