JABUR 6
6
Du'a e dhalem kasossa'an
1Kaangguy pamimpinna koor. Eerenge calempong. Menorot lagu se nomer ballu'. Jaburra Daud.
2 #
Jab. 38:2
Adhu GUSTE, abdidalem ja' ajar sanare Junandalem duka,
abdidalem ja' okom sanare Junandalem ce' benduna.
3Kabellasi abdidalem, PANGERAN, sabab abdidalem ampon ce' lempona;
parenge abdidalem kakowadan, sabab abdidalem ampon ce' lessona.
4Abdidalem ce' bingongnga;
kantos bilaepon abdidalem edinggallagiya sapaneka?
5Ngereng abali, GUSTE, palopottagi abdidalem,
pasalamettagi abdidalem lantaran kataresna'annepon Junandalem.
6Sabab e alam maot Junandalem ta' ekaemodi oreng;
tadha' se moji Junandalem e dunnyaepon oreng mate.
7Sengko' ce' lessona se aserrowan;
seyang malem aeng mata agili tadha' ambuna
sampe' tang ranjang bacca.
8Tang mata rabeng lantaran sossa terros,
bureng polana tang so-moso.
9 #
Mat. 7:23; Luk. 13:27 Reng-oreng se jahat, mara padha nyese,
sabab Guste ALLAH la meyarsa tang tanges.
10PANGERAN meyarsa tang parnyo'onan,
ban narema tang du'a.
11Tanto takerjat ban todhus kabbi tang moso,
sarta pas nyorot lantaran malo.
Currently Selected:
JABUR 6: MAD
Highlight
Copy
Compare
Share
Want to have your highlights saved across all your devices? Sign up or sign in
