JABUR 15
15
Oreng se pantes monggu ka PANGERAN
1Jaburra Daud.
Adhu, GUSTE, pasera se kengeng ngampong e Kemahepon Junandalem
sareng se kengeng ngennengnge gumo'epon Junandalem se socce?#15:1 gumo'epon Junandalem se socce: Baca 2:6.
2Oreng se ros-terrosan ajalannagi dhabuna Allah, socce ban tadha' calena,
sarta jujur cacana;
3se ta' metenna sasamana,
ta' alako jahat ka kancana,
ban ta' aba'-juba'agi tatanggana;
4se nganggep maba oreng se etolak Allah,
tape hormat ka oreng se ta'at ka PANGERAN,
se neptebbi janji maske kodu nyandhang rogi,
5ta' menta budhu' mon maenjam pesse,
se ta' endha' narema go'-sogo'
kaangguy marogi oreng se ta' sala.
Oreng se kantha jareya
salanjangnga bakal taremtemma odhi'na.
Currently Selected:
JABUR 15: MAD
Highlight
Copy
Compare
Share
Want to have your highlights saved across all your devices? Sign up or sign in
