JABUR 149
149
Nyanyeyan pojiyan
1Molja'agi PANGERAN!
Mara anyanye lagu se anyar kaator ka PANGERAN,
molja'agi Salerana e dhalem kompolanna ommadda.
2Mara paperak, Isra'il, lantaran Se Nyepta'agi ba'na;
mara pasenneng pandhudhu' Siyon, lantaran Ratona ba'na!
3Molja'agi asmana ngangguy ri-tariyan,
molja'agi Salerana ngangguy calempong ban terbang.
4PANGERAN kasokan ka ommadda;
oreng se andhap asor eparenge kamennangan.
5Dina ommadda Allah me' olle anga-bunga lantaran kajaja'anna,
ban anyanye kalaban senneng ate samalem benteng.
6Dina reng-oreng jareya me' olle ngagungngagi Allah kalaban sowara se ranyeng,
sambi neggu' peddhang se la egangse
7kaangguy males ka sa-bangsa
ban ngokom ku-suku bangsa;
8kaangguy ngalenthong to-rato
ban arantay para pangobasana;
9kaangguy ngokom sa-bangsa kalaban dhabuna Allah.
Jareya kamennanganna ommat se ekataresnae Salerana.
Molja'agi PANGERAN!
Currently Selected:
JABUR 149: MAD
Highlight
Copy
Compare
Share
Want to have your highlights saved across all your devices? Sign up or sign in
