JABUR 137
137
Tangessa oreng e penggirra ngay-songay Babil
1E penggirra ngay-songay Babil
sengko' ban reng-oreng laenna toju' sambi nanges mon enga' ka Siyon.
2E ka-bungkana gandarusa e nagara jareya
sengko' ban reng-oreng laenna macangke' calempong andhi'na bang-sebang.
3Reng-oreng se nawan sengko' ban reng-oreng laenna
nyoro sengko' kabbi anyanye kaangguy reng-oreng jareya.
Reng-oreng se nendhes sengko' ban reng-oreng laenna
nyoro sengko' kabbi anyanye nyanyeyan-nyanyeyan se gumbira,
“Mara sengko' ban reng-oreng laenna anyanyeyagi
nyanyeyan-nyanyeyan dhari Siyon!”
4Baramma sengko' ban reng-oreng laenna
se bisa'a anyanye e nagara manca?
5Mandar sengko' ta' bisa'a anyanye pole,
mon sengko' sampe' loppa ka ba'na, Yerusalim!
6Mandar sengko' ta' bisa'a anyanye pole,
mon sengko' loppa ka ba'na ban ta' nganggep ba'na se masenneng tang ate!
7Kaemodi, GUSTE, ponapa se elakone oreng Edom
e bakto Yerusalim epamosna.
Reng-oreng gapaneka ngoca', “Pagujur,
pagujur sampe' ka sar-dhasarra!”
8 #
Why. 18:6
He Babil, ba'na bakal epaancora!
Pojur oreng se males ka kajahadanna ba'na,
kajahadan se eteba'agi ka sengko' sarta reng-oreng laenna.
9Pojur oreng se ngala' ji'-babaji'na ba'na
pas ngontallagi ji'-babaji' jareya ka gumo' bato!
Currently Selected:
JABUR 137: MAD
Highlight
Copy
Compare
Share
Want to have your highlights saved across all your devices? Sign up or sign in
