JABUR 13
13
Du'ana oreng se etendhes
1Kaangguy pamimpinna koor. Jaburra Daud.
2Kantos bilaepon Junandalem ta' emoda ka abdidalem, GUSTE?
Kantos bilaepon Junandalem ta' kasokana ngaton ka abdidalem?
3Kantos bilaepon abdidalem kodu nanggung sossa,
ate sompek seyang sareng malem?
Kantos bilaepon abdidalem ekobasa'ana moso terros?
4Oladi abdidalem, GUSTE Allah, Pangeran kaula,
kasokana ajawab du'a abdidalem.
Kakowadan abdidalem kasokana pabali one,
sopaja abdidalem ta' kantosa mate.
5Ja' kantos moso abdidalem ngoca'
abdidalem ampon epakala.
Ja' kantos abdidalem erak-sorak sareng reng-oreng gapaneka.
6Sabab abdidalem ngandellagi kataresna'annepon Junandalem,
daddi abdidalem talebat peragga
lantaran Junandalem marenge abdidalem kasalameddan.
Sengko' anyanyeya amolja'agiya PANGERAN,
sabab Pangeran marenge sengko' kabecce'an.
Currently Selected:
JABUR 13: MAD
Highlight
Copy
Compare
Share
Want to have your highlights saved across all your devices? Sign up or sign in
