JABUR 120
120
Du'a nyo'on partolongan
1Nyanyeyan ziyara.
E dhalem kasossa'an sengko' aserro ka PANGERAN,
ban Pangeran nyaodi sengko'.
2Adhu GUSTE, nyo'ona salamet abdidalem ka'dhinto
dhari oreng se lecegan sareng se dujan nepo.
3He tokang tepo, ba' epabaramma'a ba'na bi' Guste Allah?
Okoman apa ba'nengan se eparengngagiya ka ba'na?
4Bi' pana se tajem andhi'na parjurit,
bi' mardha se rabbang!
5Palang sengko' sabab kodu odhi' apolong ban ba'na;
tadha' bidana ban se enneng e Mesekh,
otabana apolong ban oreng Kedar.#120:5 Mesekh … Kedar: Dhaera dhadhuwa' se jau ella'na. Pandhudhu'na eanggep oreng se biyadhab.
6La cokop abit sengko' apolong
ban reng-oreng se ta' lebur odhi' rokon.
7Mon sengko' acaca parkara karokonan,
reng-oreng jareya terro ka perrang.
Currently Selected:
JABUR 120: MAD
Highlight
Copy
Compare
Share
Want to have your highlights saved across all your devices? Sign up or sign in
