JABUR 11
11
PANGERAN kennengnganna pangaoban
1Kaangguy pamimpinna koor. Jaburra Daud.
Sengko' ngaop ka PANGERAN;
tadha' gunana ngoca' ka sengko',
“Ba'na nyare salamet
akantha mano' se ngabber ka gunong.
2Sabab oreng jahat menthang gandhibana
ban masang panana,
eacettagiya ka oreng se jujur atena,
dhari pangeteggan e pettengnga.
3Mon tata tartebba masarakat ta' etemmo karowanna,
oreng becce' ta' bisa apa-rapa.”
4PANGERAN badha e Padalemmanna se socce,
korse karaja'anna badha e sowarga.
PANGERAN ngoladi manossa
ban ngagali sabarang tengkana.
5PANGERAN ngoji oreng se becce' ban oreng se jahat,
sarta baji' ka oreng se dujan ngalakone kakerrasan.
6Oreng jahat eokom eparenge balai,
epadhatengnge apoy, balirang ban angen se ngello' sabarang se badha.
7Sabab PANGERAN reya adil ban sae,
taresna ka oreng se alako becce';
oreng jujur bakal nangaleyana ban kennala ka PANGERAN.
Currently Selected:
JABUR 11: MAD
Highlight
Copy
Compare
Share
Want to have your highlights saved across all your devices? Sign up or sign in
