BANGSALAN ATOR MAMOLAN
ATOR MAMOLAN
Ketab Bangsalan paneka aesse kompolanna pangajaran parkara carana odhi' se sae. Pangajaran-pangajaran gapaneka eotara'agi aropa babala'an, parebasan sareng ca'-oca'an. Kabannya'an e antarana kasambung sareng sadaja se kadaddiyan re-saarena e dhalem odhi' paneka. Ketab paneka emolae sareng parengeddan paneka, “Mon terro andhi'a elmo pangataowan, oreng kodu andhi' kaadha' parasa'an hormat ban tako' ka Pangeran.” Laen dhari parkara ra-carana odhi' se sae, ketab paneka ngajarragi sopaja oreng ngangguy pekkeran sehat sareng ngangguy tatakrama. Parebasannepon bannya' sareng noduwagi saponapa dhalemma pangataowannepon ru-guru Isra'il jaman dhimen parkara kadi ponapa salerressa tengka gulina oreng se bicaksana e dhalem kabadha'an se acem-macem. Babala'an gapaneka aropa acem-macem parkara se kasambung sareng odhi'na oreng e dhalem kalowarga, orosan dagang, tatakrama e dhalem oreng along-polong, parlona oreng ngobasane aba'. Laen dhari gapaneka, ketab paneka ngotara'agi jugan pat-sepat se sae, akadi ompamaepon: andhap asor, sabbar, ngargai oreng mesken sareng esto ka kanca.
Essena Ketab
Ngagungngagi hekmat 1:1–9:18
Babala'anna Sulaiman 10:1–29:27
Cap-ocabanna Agur 30:1-33
Cap-ocabanna Lemuwel 31:1-9
Pangalem ka bine se tenggi buddina 31:10-31
Currently Selected:
BANGSALAN ATOR MAMOLAN: MAD
Highlight
Copy
Compare
Share
Want to have your highlights saved across all your devices? Sign up or sign in