MARKUS ATOR MAMOLAN
ATOR MAMOLAN
Ketab Kabar Bagus se etotorragi Markus paneka emolae sareng parnyata'an: “Areya' Kabar Bagus parkara Isa Almasih, Pottrana Allah”. E dhalem Kabar Bagus gapaneka Isa eduduwagi menangka oreng se bannya' alampa'agi lalakon sareng se kobasa. Kobasana gapaneka katon e dhalem carana morok, e dhalem kobasana ka roh-erroh jahat, sareng e dhalem nyapora dusa. Isa kalowar noduwagi Salerana menangka Pottrana Manossa se massra'agi nyabana sopaja manossa epabebas dhari dusa.
Caretana Isa e dhalem ketab paneka etotorragi rang-terrangan, sarengngan pole caretana odhi'. Pa-ponapa se elampa'agi Salerana lebbi eduduwagi katembang dhabuna sareng pangajaranna. Saamponna notorragi sakone' parkara Yahya Pambaptis sareng Isa se ebaptis sarta coba'anna erroh jahat ka Salerana, Ketab Markus terros nyareta'agi parkara pangladinanna Isa, kong-langkong parkara se mabaras reng-oreng sake' sarta pangajarannepon. Sal-pasal e bagiyan aher nyareta'agi parkara kadaddiyan-kadaddiyan e dhalem menggu se paleng aher e dhalem odhi'epon Guste Isa e dunnya paneka, kong-langkong parkara Salerana se esalib sareng se odhi' pole dhari sedana.
E dhalem Ketab Markus paneka, e bagiyan bingkeng badha bagiyan dhadhuwa' se esaba' e dhalem tandha korong raja, omommepon eanggep tolesannepon oreng laen, banne tolesannepon se nyerrat Ketab Markus paneka.
Essena Ketab
Mamolan 1:1-13
Pangladinanna Isa e nga'-tengnga'anna masarakat Galilea 1:14–9:50
Dhari Galilea ka Yerusalim 10:1-52
Menggu dhi-budhina e Yerusalim ban e sabingkerra 11:1–15:47
Isa odhi' pole 16:1-8
Isa ngaton ban eangka' ka sowarga 16:9-20
Currently Selected:
MARKUS ATOR MAMOLAN: MAD
Highlight
Copy
Compare
Share
Want to have your highlights saved across all your devices? Sign up or sign in