YESAYA 8

Pottrana Yesaya menangka tandha ka bangsa jareya

1PANGERAN adhabu ka sengko', “Kassa' ngala' papan bato se raja, pas tolese ngangguy aksara se terrang: ‘Parampasan se Gancang, Parampogan se Ceppet.’#8:1 Parampasan se Gancang, Parampogan se Ceppet: E dhalem basa Ibrani: Maher-Syalai ban Hasy-Bas. 2Ajak oreng se ekenneng parcaja kadhuwa kagabay sakse, iya areya Imam Uriya ban Zakhariya, ana'na Yeberekhya.”

3Ta' saapa abidda dhari jareya tang bine ngandhung. E bakto tang ana' la lahir, PANGERAN adhabu ka sengko', “Ana'na ba'na jareya nyamae ‘Parampasan se Gancang, Parampogan se Ceppet.’ 4Sabellunna kana' jareya cokop rajana kaangguy ngolok ‘Eppa'’ ban ‘Ebu’, sakabbinna dhi'-andhi'na Damsyik ban barang rampasanna Samaria bakal eangko'a ka rato Asyur.”

Rato Asyur rabu

5PANGERAN adhabu pole ka sengko', 6dhabuna, “Sarrena bangsa reya nolak aeng se tadha' omba'na dhari Songay Kene' Syilowah,#8:6 cangkana Songay Syilowah: Cangkana songay se agili dhari settong somber se raja e temora Yerusalim. ban lebur ka Rato Rezin sarta Rato Pekah, 7Sengko', PANGERAN, madhatengnga rato Asyur ban tantarana kaangguy nyerrang Yehuda. Reng-oreng jareya bakal majuwa akantha Songay Efrat se banjir wa-ngalowa dhari bun-tabunna. 8Reng-oreng jareya bakal nganyo'a Yehuda akantha banjir sampe' satenggina le'er sampe' apa'a bai padha katotoban aeng.”

Allah asarengnge sengko' ban ba'na! Kalembangnga mekkar ngaobi nagarana sengko' ban ba'na.

9Mara akompol kalaban ate se tako', sakabbinna bangsa! Mara edhingngagi, co'-konco'na bume! Mara asadhiya kaangguy aperrang, tape kalaban ate se tako'! Onggu, mara asadhiya, tape kalaban ate se tako'! 10Maske ba'na la ngator apa se daddi sajjana, kabbi ta' kera ahasel. Maske ba'na la nantowagi potosan, ta' kera badha gunana, sabab Pangeran asarengnge tang bangsa.

PANGERAN apareng parengeddan ka Yesaya

11Sengko' ekobasae PANGERAN sarta eparenge parengeddan sopaja ta' nerowe jalanna bangsa rowa. Dhabuna, 12#1Ptr. 3:14-15 “Ja' ro'-noro' asakongkel ban reng-oreng jareya, ban ja' tako' ka apa se ekatako'e reng-oreng jareya. 13Kaenga'e, ja' Sengko', PANGERAN Se Mahakobasa reya socce. Pera' Sengko' se kodu ekatako'e ba'na. 14#1Ptr. 2:8 Sarrena Sengko' ce' soccena, Sengko' daddi bato se matatandhungan bangsa Yehuda ban Isra'il, ban daddi jebbak se ajira' reng-oreng Yerusalim. 15Bannya' oreng se labuwa tatandhung sampe' loka. Reng-oreng jareya bakal tabalusoga ka dhalem jebbak.”

Larangan menta petodu ka dhukon

16Ba'na kabbi, tang red-mored, sempen pateppa' e dhalem atena sen-pessen se eparengngagi Allah ka sengko' reya. 17#Ibr. 2:13 PANGERAN Se Mahakobasa ngetek, ta' ngaton ka ommadda, tape sengko' parcaja ban ngarep ka Salerana.

18 # Ibr. 2:13 Areya' sengko' ban tang na'-ana' se eparengngagi PANGERAN ka sengko'. PANGERAN Se Mahakobasa se marenta e Gumo' Siyon, ngotos sengko' ban tang na'-ana' reya menangka tandha ka ommat Isra'il.

19Tape reng-oreng nyoro ba'na menta petodu ka kon-dhukon se mo'-kemo'an sambi ato'-koto'. Reng-oreng jareya bakal ngoca'a kantha reya, “Masthena sengko' ban ba'na menta petodu ka wah-arwah kaangguy kaparlowanna oreng odhi'.”

20Saodi kantha reya, “Edhingngagi pangajaranna PANGERAN! Oreng se acaca ta' menorot pangajaran jareya, ta' andhi' pangarebban.”

Jaman karekongan

21E nagara jareya bakal bannya'a oreng se palang ban lapar se ajalan car-kalacer ta' etemmo karowanna. Polana kalaparan, reng-oreng jareya apeggellan sampe' abasto ratona ban Allahna. Mon reng-oreng jareya ngabas dha' emma'a bai, ka attas 22otaba ka baba, se etangale'e tadha' laen kajabana karekongan ban papetteng sarta kabadha'an orem se nako'e. Reng-oreng jareya bakal ebuwanga ka kennengngan se petteng jareya.

23Tape ta' salanjangnga nagara jareya ngadhebbana karekongan.

Rato se bakal dhateng

Dhaera se ekennengnge ku-suku Zebulon ban Naftali tao ekababa'agi bi' PANGERAN. Tape e bakto se bakal dhatengnga, Pangeran bakal aparenga kahormadan ka saantero dhaera dhari Tase' Tengnga ka temor sampe' ka temorra Songay Yordan, la'-mala' sampe' ka Galilea se ekennengnge oreng manca.

Currently Selected:

YESAYA 8: MAD

Highlight

Copy

Compare