HOSEYA 12
12
Isra'il ban Yehuda eokom
1PANGERAN adhabu, “Bangsa Isra'il dujan lecek ban nepo; bangsa Yehuda paggun ta' endha' atoro' ka Sengko', Allah Se Socce ban esto. 2Sabarang se elakone oreng Isra'il dhari gi' laggu sampe' malem tadha' gunana ban mamosna'an akantha angen nemor. Karoceyan ban kakejjemman sajan atamba e antarana reng-oreng jareya. Bangsa Isra'il mabadha parjanjiyan-parjanjiyan ban Asyur sarta ngeba mennya' ka Messer menangka tandha parsobadan.” 3#Kad. 25:26 PANGERAN aparkara ban bangsa Yehuda; Isra'il eokoma keya polana tengkana. Lalakonna bangsa jareya bakal eparengngana babales. #Kad. 32:24-26 4#Kad. 28:10-22 Molae gi' badha e dhalem gandhu'anna ebuna, Yakub nyarobot Esau taretan kembarra, ban saellana dibasa, Yakub abuwang ban Allah. 5Abuwang ban malaekat, ban Yakub mennang. Saellana jareya Yakub molar sarta nyo'on berkat. Saellana jareya e Betel, Allah rabu manggi'i Yakub pas abu-dhabu ban salerana. 6Allah reya PANGERAN, Allah Se Mahakobasa. Asmana iya reya PANGERAN. Kalaban asma jareya Salerana kodu esemba. 7Daddi ba'na, he, toronanna Yakub, paparcaja ka Allahna ban abali ka Salerana. Mara odhi pataresna ban pajujur, nante' pasabbar sampe' Allahna ba'na alampa'agi karsana.
Potosan terrosanna parkara okomanna Isra'il
8PANGERAN adhabu ka bangsa Isra'il, “Ba'na roce akantha oreng Kana'an; gang-dagangnga ba'na dujan co-ngoco langgananna bi' tembangan se ta' bendher. 9#Im. 23:42-43 ‘Sateya sengko' la sogi’, ca'na reng-oreng jareya. ‘Sengko' ontong! Tadha' oreng se bisa ngarane ja' sengko' sogi polana ta' jujur.’ 10Tape Sengko', GUSTE Allahna ba'na, se makalowar ba'na dhari Messer; bi' Sengko' ba'na epaennengnga e mah-kemah pole akantha lamba' e bakto Sengko' entar ka ba'na e ra-ara.
11Sengko' la acaca ka bi-nabbi, sarta aberri' pangaton sabannya'na ka bi-nabbi jareya. Kalaban parantara'anna bi-nabbi jareya Sengko' malae ba'na parkara pa-apa se ekasajja Sengko' kaangguy ba'na, Tang ommat, 12#Kad. 29:1-20 tape maske bariya gi' badha se nyemba arca e Gileyad, ban ngeba kurban sape se esaba' e attassa mezba e Gilgal. Tape reng-oreng se nyemba brahala jareya bakal mateya, ban ba-mezba e Gilgal rowa bakal daddiya tombuganna bato e gal-teggal.”
13 #
Kal. 12:50-51
Yakub bangatowana sengko' ban ba'na buru ka Mesopotamia; e jadhiya, se terro olleya bine ngabdi ka oreng daddi tokang ngowanna ba-dumbana. 14PANGERAN ngotos nabbi se epamakalowara oreng Isra'il dhari odhi'na se ekadunor oreng e Messer, sarta kaangguy ajaga reng-oreng Isra'il jareya. 15Oreng Isra'il mapeggel PANGERAN ce' sarana; daddi patot eokom lantaran kajahadanna jareya. PANGERAN bakal ngokoma reng-oreng jareya polana daddi lantaranna oreng laen ya-nyeya Pangeran.
