PANGKOTBAH ATOR MAMOLAN
ATOR MAMOLAN
Ketab Pangkotbah paneka aesse panggaliyanna “Se Ahli Pekker”. Oreng gapaneka mekker ce' dhalemma saponapa pandha'na odhi'na manossa e dunnya paneka, se possa' sareng kabadha'an saleng amosowan, sabarang se ta' adil sareng sadajana parkara se malarat epahame. Pas epapandha' enyata'agi ja' “odhi' paneka tadha' gunana”. Oreng gapaneka ta' ngarte ka se elampa'agi Allah e dhalem nantowagi odhi'na manossa. Sanare sapaneka reng-oreng eparenge oneng sopaja padha'a bajeng alalakon sareng sopaja epabannya' sareng epaabit ngarassa'agi kobassana paparengnga Allah.
Pamanggina Se Ahli Pekker gapaneka kabannya'an katon ta' lerres, la'-mala' noduwagi potossa pangarep. Namong manabi epekker ja' ketab paneka tamaso' e dhalem Alketab, noduwagi ja' iman se adhasar Alketab cokop lebar kaangguy nembang jugan kamangmangan sareng potossa pangarep se kadi gapaneka. Bannya' oreng se maos ketab paneka arassa talepor atena, sabab reng-oreng gapaneka katon nengale pat-sepadda dibi' e dhalem ketab Pangkotbah paneka. Reng-oreng gapaneka apangrasa ja' Alketab se noduwagi gi-pamanggi se katon ta' lerres gapaneka, jugan aberri' pangarebban parkara Allah, pangarebban se aberri' artena odhi' se salerressa.
Currently Selected:
PANGKOTBAH ATOR MAMOLAN: MAD
Highlight
Copy
Compare
Share
Want to have your highlights saved across all your devices? Sign up or sign in