NYANYIAN ANU TALASANGGO 3
3
1Pihi-pihi ikoingku,
aku nongipi au'aitu aku noliomo sindua'anku;
iliongku na ia panyo madi' kino hasinnyo.
2Aku kahanda'mo nobula ka' ilumajang sinongko na kota' nolajangi
iwi-iwi' na jalan daka' tiba jalan anu toto ise-ise'.
Aku noliomo anu ku una' i uno nu kinyonyoangku;
iliongku panyo madi' kino hasinnyo.
3Aku siningkabotan nu anu moronda kota' ka' pinokilawangkumo;
“Pa' belemiu nontoa anu ku una' ikinyonyoangku?”
4Salaje pinala'ianku na aha,
ku singkaboti na anu ku una' i uno nu kinyonyoangku
Ia tinoongankumo ka' madi'mo ilapasakonku;
sampe binoangkumo ilaigan nu tinangku,
no kiijo' isalipi' nu mian anu nompohampe aku.
5Balajanji'mo na belemiu to lalangkoyang nu Yerusalem;
tiba to jonga-jonga ka' to kija-kijang i padang,
saba' belemiu madi'mo mongganggu basindua'an sampe ia ma osamo.
Nyanyian kototolu'nyo
Boune
6Pa' aijo' anu tinoka lengkat i padang anu mateges;
susumo tibuk nu apu anu butolu?
Nohongnyo sumomo mur ka' kamangian,
tiba iwi-iwi' na bada' anu manohong lengkat mae hi mian anu badagang.
7Toa aijo' na kasuhangan i Salomo;
tinikuban nu mian aha anompulu' anu to babaani,
mian haha aijo' anu to babaani i hi aha Israel,
8anu monsumbu'mo mosia na mahampate.
Aha iwi-iwi' nontakosmo bajak,
sasadiamo mongahopi mian anu montumbuhi mae de maluannyo pihi.
9I Salomo nokibaumo sa'angu' na kasuhangan anu biasa olemban,
Kau' anu mahoson na pinoki baunyo ka' angga'nyo mahan.
10Tengke'nyo salaka na tinutuk;
ka' patisehannyo mosoni' na tinutuk.
Kasuhangannyo buhitnyo mingkamumu'
ka' atas kasanangan nu kinyonyoa nu aha to lalangkoyang
nu Yerusalem na nonsuji.
11Posabatmo mae na belemiu to lalangkoyang nu Sion,
tonto'i na i Tomundo' Salomo
nomposongko'mo makota' anu
pinosongko'mo nu tinanyo
isinaa pinonika'an ia isinaa ia ilame'mo.
Currently Selected:
NYANYIAN ANU TALASANGGO 3: LAILOE
Highlight
Copy
Compare
Share
Want to have your highlights saved across all your devices? Sign up or sign in
