MAZMUR 122
122
Pompuji' Yerusalem
1Nyanyian i Daud mamba i tampat anu ko balakatnyo.
Aku lame' hondo salatan mian nompoto'imo hi belengku,
“Imbo' da kita mambamo i Laigan nu Tumpu!”
2Uuka aiya kami tinokamo
i sabatan daka' nu kota' Yerusalem.
3Yerusalem anu binau salaku kota'
pinaha posusunmo ima-ima.
4I aiyamo na katokaan mae nu tulunan nu to bansa-bansa,
tulunan nu to bansa-bansa anu pinile'anmo nu Tumpu,
da montalima kaseh hi Ia
susumo anu pinalentahkon-Nyomo.
5I aiyamo na to tomu-tomundo lee' mae i Daud;
no bee'i hukuman layatnyo.
6Odo'akon na Yerusalem da mohumpak ka'imaan,
“O' amalakon da iwi-iwi' na mian anu mongka'ima'i beleyum mohumpak kantumuu'an mai maima.
7O' amalakon da ko kadamean i uno nu da'erah nu beleyum,
ka' madi' ko anu mompoposia benteng miu iwi-iwi'.”
8Kona hi to utu-utus ka' to sanga-sangalungku
aku motatae, “O' amalakon da beleyum mohumpak kantumuuan ma'ima'!”
9Kona hi Laigan nu Tumpu, Tumpu-nto,
aku balado'a da beleyum mohumpak ka'imaan.
Currently Selected:
MAZMUR 122: LAILOE
Highlight
Copy
Compare
Share
Want to have your highlights saved across all your devices? Sign up or sign in
