AMSAL 4
4
Ka'untungan anu ohumpak i kapandean bapikin
1O to ana-anak, potombihing na pokinde' nu tuuma nu beleyum! O intomakon na aijo', sahingga beleyum timbali pande. 2Anu pinogulu'kumo aiya hi beleyum ma'ima', kalana aijo' boli beleyum montee. 3Tempo'nyo aku daagi' ise', anak sa'a-sa'angu'nyomo nu tu'anyongku, 4aku pinogulu'mo nu tuumangku. Ia notatae, “O'inau' na to poki-pokinde'ku, boli hondo-hondo okolilimi nu beleyum. Sabole-bole obau apaa na anu pinotiju'kumo, da mohumpak ka'ima'an na kantumuu'an nu beleyum. 5Timbaliakon pande ka' matajom na bapikin! Saja' o'inau' na to poki-pokinde'ku ka' boli o alin na aijo'.” 6O'angga'i na kapandean bapikin sahingga kapandean bapikin monjagaimo beleyum; oka'ima'i na ia sahingga nu jagai na beleyum da madi' ko anu mompoposia. 7Anu talalo hondo penting na momonanyo nu bau aijo'mo bala'usaha da jadi pande. Maumo pa' apaa na anu talalo nu usahakon panyo anu talalo hondo penting aijo'mo sabole-bole bala usaha da timbali mangalati'. 8Oholomati na kapandean bapikin, sahingga beleyum nupotala sanggoje. O ala bau sangalu na ia, sahingga kaholomatan nu potokamo mae hi beleyum. 9Nu bee'ije na beleyum bunga-bunga anu obau ka' ma'ima' hondo da bau makota' nu beleyum.
10Potombihing mae na aku, o anakku! O'intomakon ima-ima' na to poki-pokinde'ku, sahingga mantan na umun nu beleyum. 11Aku nompogulu'mo kapandean bapikin hi beleyum ka' nompotiju'mo mosia na kantumuu'an anu totu'u. 12De kantumuu'an nu beleyum sumo aijo', saba' madi' ko anu monsempuhi de beleyum lumajang ka' madi' tosumpun de mopadeka'. 13Saja' o'inau' na pangajalan anu i humpakmo nu beleyum hi belengku. Ojaga na aijo' ima-ima' kalana tiba pangajalan aijo' kantumuu'an nu beleyum mingkalianganmo. 14Boli montuluti mosia na kantumuu'an nu mian anu ma'idek na kinyonyoanyo, ka' boli montiho palabuatan nu aha. 15Boli lewa' mompasangkila pa' mosia na aha. Patikojo'on hi aha ka' lajang lau-laus! 16Mian anu ma'idek na kinyonyoanyo madi' to hoyot de ma'isa pe'e aha mombau anu ma'idek. Aha madi' matatundu' de ma'isa monsilakai mian sangga'at. 17Palabuatan anu ma'idek ka' saja' singgi sumomo anu okaan ka' anu o inum nu aha.
18-19Jalan nu mian anu ma'idek na kinyonyoanyo pintung sumomo londomi' de malomo. Aha tosumpun ka' motua' madi' nusumbu' nu aha. Panyo mule' ahi' jalan anu nutulu nu mian anu ma'ima' na kinyonyoanyo sumomo ahi' batu nu sinaa bete'mo mae; ko pipinnyo ko jingka-jingkanyomo, sahingga ahennyo mae majingkamo hondo.
20O'intomakon na potataengku haha aiya, o anakku! Potombihing mae na to poki-pokinde'ku. 21Boli o'alin na aijo', panyo saja' opo'una' na aijo' i uno nu kinyonyoa nu beleyum. 22Mian anu mompangalati'i han aijo' tumuu' ka' madi'mo lewa' masakit. 23Ojagai na kinyonyoa nu beleyum ima-ima', kalana kinyonyoa nu beleyum na montantukan jalan nu kantumuu'an nu beleyum. 24Boli hondo-hondo lewa' montaloakon apa-apaa anu madi' totu'u. Opimpali na saja' montaloakon anu madi' totu'u ka' potatae anu mon ponsaduakonmo da mian sala' na bapikin. 25Tionyo ahi' sahaya nu ohup nu beleyum saja' mompotoa kahodi'an nu kinyonyoa nu beleyum; madi' palalu beleyum mingadi-adi' au'aitu daagi' ko uhang i sambiha' nu batu. 26#Ibr. 12:13 O tutugi' pe'e ima-ima' atina'je ka' mombau apa-apaa sahingga nu humpak iwi-iwi na anu nu usahakon nu beleyum. 27Opimpali na palabuatan anu ma'idek ka' tumuu' hodi' na kinyonyoa. Boli hondo-hondo mosele mompala'imo jalan anu totu'u.
Currently Selected:
AMSAL 4: LAILOE
Highlight
Copy
Compare
Share
Want to have your highlights saved across all your devices? Sign up or sign in
AMSAL 4
4
Ka'untungan anu ohumpak i kapandean bapikin
1O to ana-anak, potombihing na pokinde' nu tuuma nu beleyum! O intomakon na aijo', sahingga beleyum timbali pande. 2Anu pinogulu'kumo aiya hi beleyum ma'ima', kalana aijo' boli beleyum montee. 3Tempo'nyo aku daagi' ise', anak sa'a-sa'angu'nyomo nu tu'anyongku, 4aku pinogulu'mo nu tuumangku. Ia notatae, “O'inau' na to poki-pokinde'ku, boli hondo-hondo okolilimi nu beleyum. Sabole-bole obau apaa na anu pinotiju'kumo, da mohumpak ka'ima'an na kantumuu'an nu beleyum. 5Timbaliakon pande ka' matajom na bapikin! Saja' o'inau' na to poki-pokinde'ku ka' boli o alin na aijo'.” 6O'angga'i na kapandean bapikin sahingga kapandean bapikin monjagaimo beleyum; oka'ima'i na ia sahingga nu jagai na beleyum da madi' ko anu mompoposia. 7Anu talalo hondo penting na momonanyo nu bau aijo'mo bala'usaha da jadi pande. Maumo pa' apaa na anu talalo nu usahakon panyo anu talalo hondo penting aijo'mo sabole-bole bala usaha da timbali mangalati'. 8Oholomati na kapandean bapikin, sahingga beleyum nupotala sanggoje. O ala bau sangalu na ia, sahingga kaholomatan nu potokamo mae hi beleyum. 9Nu bee'ije na beleyum bunga-bunga anu obau ka' ma'ima' hondo da bau makota' nu beleyum.
10Potombihing mae na aku, o anakku! O'intomakon ima-ima' na to poki-pokinde'ku, sahingga mantan na umun nu beleyum. 11Aku nompogulu'mo kapandean bapikin hi beleyum ka' nompotiju'mo mosia na kantumuu'an anu totu'u. 12De kantumuu'an nu beleyum sumo aijo', saba' madi' ko anu monsempuhi de beleyum lumajang ka' madi' tosumpun de mopadeka'. 13Saja' o'inau' na pangajalan anu i humpakmo nu beleyum hi belengku. Ojaga na aijo' ima-ima' kalana tiba pangajalan aijo' kantumuu'an nu beleyum mingkalianganmo. 14Boli montuluti mosia na kantumuu'an nu mian anu ma'idek na kinyonyoanyo, ka' boli montiho palabuatan nu aha. 15Boli lewa' mompasangkila pa' mosia na aha. Patikojo'on hi aha ka' lajang lau-laus! 16Mian anu ma'idek na kinyonyoanyo madi' to hoyot de ma'isa pe'e aha mombau anu ma'idek. Aha madi' matatundu' de ma'isa monsilakai mian sangga'at. 17Palabuatan anu ma'idek ka' saja' singgi sumomo anu okaan ka' anu o inum nu aha.
18-19Jalan nu mian anu ma'idek na kinyonyoanyo pintung sumomo londomi' de malomo. Aha tosumpun ka' motua' madi' nusumbu' nu aha. Panyo mule' ahi' jalan anu nutulu nu mian anu ma'ima' na kinyonyoanyo sumomo ahi' batu nu sinaa bete'mo mae; ko pipinnyo ko jingka-jingkanyomo, sahingga ahennyo mae majingkamo hondo.
20O'intomakon na potataengku haha aiya, o anakku! Potombihing mae na to poki-pokinde'ku. 21Boli o'alin na aijo', panyo saja' opo'una' na aijo' i uno nu kinyonyoa nu beleyum. 22Mian anu mompangalati'i han aijo' tumuu' ka' madi'mo lewa' masakit. 23Ojagai na kinyonyoa nu beleyum ima-ima', kalana kinyonyoa nu beleyum na montantukan jalan nu kantumuu'an nu beleyum. 24Boli hondo-hondo lewa' montaloakon apa-apaa anu madi' totu'u. Opimpali na saja' montaloakon anu madi' totu'u ka' potatae anu mon ponsaduakonmo da mian sala' na bapikin. 25Tionyo ahi' sahaya nu ohup nu beleyum saja' mompotoa kahodi'an nu kinyonyoa nu beleyum; madi' palalu beleyum mingadi-adi' au'aitu daagi' ko uhang i sambiha' nu batu. 26#Ibr. 12:13 O tutugi' pe'e ima-ima' atina'je ka' mombau apa-apaa sahingga nu humpak iwi-iwi na anu nu usahakon nu beleyum. 27Opimpali na palabuatan anu ma'idek ka' tumuu' hodi' na kinyonyoa. Boli hondo-hondo mosele mompala'imo jalan anu totu'u.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in