AMSAL 3
3
Pokinde' kona hi to oli-olitau ka' hi to lalangkoyang
1Boli okolilimi na anu ingajankumo hi belemiu, o anakku. Saja' o'inau' na anu pinalentahkonkumo, 2da mantan na umun nu belemiu ka' mohumpak kantumuu'an ma'ima' na belemiu. 3Tionyo ahi' belemiu saja' palesaya ka' tulu-tulutan hi Tumpu Allah ka' hi bubu' belemiu. O'inau' na aijo' ka' o una' i kinyonyoa nu belemiu, 4#Luk. 2:52 da belemiu nuka'ima'i ka' nu angga'i nu Tumpu Allah ka' mule' manusia.
5Opalesaya na Tumpu nu kinyonyoa totu-totu'u ka' boli montaha'imani posi pangalati'an nu belemiu. 6O'inau' na Tumpu i sinin na han apaa na kahanda' nu bau, sahingga Nu potiju'je hi belemiu mosia na kantumuu'an anu talakana'. 7#Rm. 12:16 Boli monsangka' butong nu belemiu lebe pande molingkuduimo anu memang ahi' sahondo-hondonyo; otuluti na Tumpu ka' opimpali' na anu ma'idek. 8Palabuatan nu belemiu atina' timbalimo susumo pakuli' hi belemiu anu mompa'alinmo butong nu belemiu ka' momposanangmo kinyonyoa nu belemiu. 9O adati na Tumpu nu anu osombahkon hi Ia, anu talalo hondo ma'ima' na halata' ka' isi nu ale' nu beleyum, 10sahingga iwi-iwi' na alang nu belemiu mobuke'mo nu gandum ka' anggur nu belemiu manjoo'mo hondo sahingga madi'mo ko tampat pongisian.
11 #
Ayb. 5:17
#Ibr. 12:5-6 De Tumpu mondoke belemiu, o anakku, otalima na aijo' salaku sa'angu' na pokinde', ka' boli belemiu mompele-pele' i ajalan-Nyo aijo'. 12#Why. 3:19 Tumpu mondoke mian anu Nu kanonongi, susumo tuuma mondoke anak anu nu kalibosi. 13Mohumpak dale' na mian anu pinandemo ka' timbalimo moko ala mongalati'. 14Ka'untungannyo lebe daka' molingkudui salaka anu i humpaknyomo ka' lebe ko angga'nyo molingkudui mosoni'. 15Kapandean bapikin lebe ko angga'nyo molingkudui batu mainan; iwi-iwi' na anu nu kahanda'i madi' ko anu mongkakanai. 16Kapandean bapikin mompomantan umun nu belemiu, kakaya'an, ka' da o'adati nu mian. 17Kapandean bapikin momposanang kantumuu'an nu belemiu ka' ka'ima'an nu kantumuu'an. 18Mian anu mintoong dodo-dodo i kapandean bapikin saidi' mae mongoa'ije kantumuu'an anu sahondo-hondonyo ka' ma'ima'.
19Kalana kapandean, bapikin sahingga Tumpu nompotimbalimo tano';
kalana pikilan-Nyo anu ma'ima' Ia nompobimo langit aita' i tampat-Nyo.
20Kalana ilimu'-Nyo Ia nompotimbalimo iwi-iwi' na mata nu uee i aluk nu tano' nobiha'mo ka' no ilimo na ueenyo ka'
kundom aita' i langit nombubusakonmo mae uee aiya i tano'.
21Kalana aijo', otoongi na kapandean bapikin anu madi'mo sala' na mompopikilakon, o anakku! Boli hondo-hondo olapasakon, 22sahingga kantumuu'an saja' sabole-bole bau bahagian nu beleyum – ma'ima' ka' sanang na mongoa'i. 23Beleyum mamba pa' moya madi' ko anu mopoposia ka' madi' tosumpun. 24Belemiu mamba pa' hoyot madi' ko anu okabuhuk ka' belemiu hoyot sampahu na bobogon. 25Bolimo belemiu mongkabuhuk balaa' anu saintolo-tolo montokaimo mae susumo tombusisi', ka' nontuda'mo to mia-mian anu ma'idek na kinyonyoanyo. 26Tumpu na monjagai belemiu. Madi' Nu pojohok na belemiu nukona nu so'o.
27De beleyum moko ala mombau han anu ma'ima' hi mian anu mompalalui palabuatan anu ma'ima' hi belemiu boli motunde na mombau han aijo'. 28Boli mompoto'i hi bubu' belemiu montanda'i sampe dodop de memang uuka aiya belemiu moko alamo montulungi ia. 29Bo li mombau tanga'an apa-apaa anu mompolugi' belemiu, anu jojoong mompaha ohani belemiu ka'anu madi' mombata-batai belemiu. 30Boli lewa' painggaga de madi' ko anu monsabapi tiba samian anu madi' toho' nombau anu ma'idek hi belemiu. 31Boli ma'idekan na kinyonyoa hi miana nu talalo mompakisa mian, ka' boli montiho kalakuan nu aha. 32Kalana Tumpu mongka'ideki mian anu mombau anu ma'idek, panyo mompahakona hondo tiba mian anu hodi' na kalakuannyo. 33Tumpu montuda'i balaa' laigan nu mian anu ma'idek na kinyonyoanyo, panyo mombalakati laigan nu mian anu tulu-tulutan hi Ia. 34#Yak. 4:6, 1Ptr. 5:5 Tumpu mongka'ideki mian anu buulon, panyo mombalakati mian anu madi' buulon. 35Mian anu pande mompaka talasanggomo na sanggonyo, panyo mian anu ponga' saja'mo o alu.
Currently Selected:
AMSAL 3: LAILOE
Highlight
Copy
Compare
Share
Want to have your highlights saved across all your devices? Sign up or sign in
AMSAL 3
3
Pokinde' kona hi to oli-olitau ka' hi to lalangkoyang
1Boli okolilimi na anu ingajankumo hi belemiu, o anakku. Saja' o'inau' na anu pinalentahkonkumo, 2da mantan na umun nu belemiu ka' mohumpak kantumuu'an ma'ima' na belemiu. 3Tionyo ahi' belemiu saja' palesaya ka' tulu-tulutan hi Tumpu Allah ka' hi bubu' belemiu. O'inau' na aijo' ka' o una' i kinyonyoa nu belemiu, 4#Luk. 2:52 da belemiu nuka'ima'i ka' nu angga'i nu Tumpu Allah ka' mule' manusia.
5Opalesaya na Tumpu nu kinyonyoa totu-totu'u ka' boli montaha'imani posi pangalati'an nu belemiu. 6O'inau' na Tumpu i sinin na han apaa na kahanda' nu bau, sahingga Nu potiju'je hi belemiu mosia na kantumuu'an anu talakana'. 7#Rm. 12:16 Boli monsangka' butong nu belemiu lebe pande molingkuduimo anu memang ahi' sahondo-hondonyo; otuluti na Tumpu ka' opimpali' na anu ma'idek. 8Palabuatan nu belemiu atina' timbalimo susumo pakuli' hi belemiu anu mompa'alinmo butong nu belemiu ka' momposanangmo kinyonyoa nu belemiu. 9O adati na Tumpu nu anu osombahkon hi Ia, anu talalo hondo ma'ima' na halata' ka' isi nu ale' nu beleyum, 10sahingga iwi-iwi' na alang nu belemiu mobuke'mo nu gandum ka' anggur nu belemiu manjoo'mo hondo sahingga madi'mo ko tampat pongisian.
11 #
Ayb. 5:17
#Ibr. 12:5-6 De Tumpu mondoke belemiu, o anakku, otalima na aijo' salaku sa'angu' na pokinde', ka' boli belemiu mompele-pele' i ajalan-Nyo aijo'. 12#Why. 3:19 Tumpu mondoke mian anu Nu kanonongi, susumo tuuma mondoke anak anu nu kalibosi. 13Mohumpak dale' na mian anu pinandemo ka' timbalimo moko ala mongalati'. 14Ka'untungannyo lebe daka' molingkudui salaka anu i humpaknyomo ka' lebe ko angga'nyo molingkudui mosoni'. 15Kapandean bapikin lebe ko angga'nyo molingkudui batu mainan; iwi-iwi' na anu nu kahanda'i madi' ko anu mongkakanai. 16Kapandean bapikin mompomantan umun nu belemiu, kakaya'an, ka' da o'adati nu mian. 17Kapandean bapikin momposanang kantumuu'an nu belemiu ka' ka'ima'an nu kantumuu'an. 18Mian anu mintoong dodo-dodo i kapandean bapikin saidi' mae mongoa'ije kantumuu'an anu sahondo-hondonyo ka' ma'ima'.
19Kalana kapandean, bapikin sahingga Tumpu nompotimbalimo tano';
kalana pikilan-Nyo anu ma'ima' Ia nompobimo langit aita' i tampat-Nyo.
20Kalana ilimu'-Nyo Ia nompotimbalimo iwi-iwi' na mata nu uee i aluk nu tano' nobiha'mo ka' no ilimo na ueenyo ka'
kundom aita' i langit nombubusakonmo mae uee aiya i tano'.
21Kalana aijo', otoongi na kapandean bapikin anu madi'mo sala' na mompopikilakon, o anakku! Boli hondo-hondo olapasakon, 22sahingga kantumuu'an saja' sabole-bole bau bahagian nu beleyum – ma'ima' ka' sanang na mongoa'i. 23Beleyum mamba pa' moya madi' ko anu mopoposia ka' madi' tosumpun. 24Belemiu mamba pa' hoyot madi' ko anu okabuhuk ka' belemiu hoyot sampahu na bobogon. 25Bolimo belemiu mongkabuhuk balaa' anu saintolo-tolo montokaimo mae susumo tombusisi', ka' nontuda'mo to mia-mian anu ma'idek na kinyonyoanyo. 26Tumpu na monjagai belemiu. Madi' Nu pojohok na belemiu nukona nu so'o.
27De beleyum moko ala mombau han anu ma'ima' hi mian anu mompalalui palabuatan anu ma'ima' hi belemiu boli motunde na mombau han aijo'. 28Boli mompoto'i hi bubu' belemiu montanda'i sampe dodop de memang uuka aiya belemiu moko alamo montulungi ia. 29Bo li mombau tanga'an apa-apaa anu mompolugi' belemiu, anu jojoong mompaha ohani belemiu ka'anu madi' mombata-batai belemiu. 30Boli lewa' painggaga de madi' ko anu monsabapi tiba samian anu madi' toho' nombau anu ma'idek hi belemiu. 31Boli ma'idekan na kinyonyoa hi miana nu talalo mompakisa mian, ka' boli montiho kalakuan nu aha. 32Kalana Tumpu mongka'ideki mian anu mombau anu ma'idek, panyo mompahakona hondo tiba mian anu hodi' na kalakuannyo. 33Tumpu montuda'i balaa' laigan nu mian anu ma'idek na kinyonyoanyo, panyo mombalakati laigan nu mian anu tulu-tulutan hi Ia. 34#Yak. 4:6, 1Ptr. 5:5 Tumpu mongka'ideki mian anu buulon, panyo mombalakati mian anu madi' buulon. 35Mian anu pande mompaka talasanggomo na sanggonyo, panyo mian anu ponga' saja'mo o alu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in