NEHEMIA 3
3
Nompoko ima'imo pagan mesen nu Yerusalem
1Aiyamo na lelenyo mosia na mesen nu kota' Yerusalem pinokoima'anmo. I Imam Daka' Elyasib ka' to sanga-sangalunyo po'ule'mo nombau Sabatan Daka' Domba, nompokonamo tumbannyo ka' sinombahkonmo nu aha hi Tumpu. Aha nompoko'ima'imo ka' sinombahkonmo nu aha na pagan mesen toka-toka i Laigan tangka-tangkas sa'atu ka' toka-toka i Laigan tangka-tangkas Hananeel.
2-16Misa' ola to ima-imam, panyo suele tiba to mia-mian sangga'at nompoko'ima'imo pagan mesen nu kota' ka' mule' sabatan daka' iwi-iwi' nu kota', ka' laigannyo anu to tangka-tangkas, anu tinulis sumo uuka na nombagi:
To mia-mian nu Yerikho,
i Zakur anak i Imri
Aha sa'anakan mae i Senaa: Sabatan Daka' Ikan, tibamo balaknyo iwi-iwi', tumban nu sabatan iwi-iwi', paku'nyo anu toto daka-daka, ponsupatinyo iwi-iwi'.
I Meremot anak i Uria ka' makumpu i Hakos.
I Mesulam anak i Berekhya ka' makumpu i Mesezabeel.
I Zadok anak i Baana. Mian anu jojoong i kota' Tekoa (to tu'a-tu'anyo nu kota' aijo' madi' mongka'oho' mokalaja anu maboat).
I Yoyada anak i Paseah ka' i Mesulam anak i Besoja: Sabatan Daka' Yesyana tiba to bala-balaknyo, tumban nu sabatan iwi-iwi', paku'nyo anu toto daka-daka' ka' ponsupatinyo.
I Melaca anu lengkat mae i Gibeon ka' i Yadon anu lengkat mae i Meronot.
To mia-mian nu Gibeon ka' to mia-mian nu Mizpa: pagan mesen toka-toka i laigan nu Gubernur nu aha Efrat sasu Kinsoban.
I Uziel, tukang montutuk mosoni', anak i Harhaya.
I Hananya, mian anu saja' mombau minya-minya'; toka-toka i Pagan mesen anu Bola-bolaa.
I Refaya anak I Hur, anu mompalentah mintonga' na distrik Yerusalem.
I Yedaya anak I Harumaf: pagan mesen anu mompaha ohani tiba laigannyo.
I Hatus anak i Hasabneya
I Malkia anak i Harim tiba i Hasub anak i Pahat-Moab: pagan mesen tusanannyo tiba laigan Tangka-tangkas Pomposulian.
I Salum anak i Halohes, anu mompalentah suele mule' mintonga' na distrik Yerusalem ka' anu mombantu aijo'mo to ana-anaknyo anu to bou-boune.
I Hanun tiba mian anu jojoong i Zanoah: Sabatan Daka' Bangka'nyo ka' tumban nu sabatan iwi-iwi', paku'nyo anu toto daka-daka' ka ponsupatinyo iwi-iwi'.
Ka' mule' pagan mesen anu ko mantannyo 440 m toka-toka i Sabatan Daka' Duhehe.
I Malkia anak i Rehab anu mompalentah distrik Bet-Kerem: Sabatan Daka' Duhehe tiba tumban nu sabatan iwi-iwi', paku'nyo toto daka-daka' na ponsupatinyo.
I Salum anak i Kolhoze, anu mompalentah distrik Mizpa: Sabatan Daka' i Matanyo nu Uee tibamo atopnyo tumban nu sabatan iwi-iwi', paku'nyo anu toto daka-daka' ka ponsupatinyo.
Ka' suele pagan mesen nu Kolam Selah anu koko ale' nu bunga-bunga kiijo' i laigan nu tomundo' toka-toka i ojan anu mokaiyongmo lengkat mae aita' i kota' Daud.
I Nehemia anak i Azbuk, anu mompalentah mintonga' na distrik Bet-Zur; pagan mesen toka-toka i hagum nu aha salaigan i Daud, kolam anu binau tiba laigan nu to sulu-suludadu.
To mia-mian nu aha Lewi anu suele nombau pagan mesen nu kota'
17-21To pia-piangkuka na bahagiannyo na pagan mesen te tusanannyo anu binaumo nu to ima-imam Lewi, aha tinulis sumo uuka na nombagi:
I Rehum anak i Bani
I Hasabya, anu mompalentah mintonga' na distrik Kehila. Bahagian pagan mesen anu posi Distriknyo.
I Binui anak i Yenadad, anu mompalentah mintonga' na Distrik Kehila.
I Ester anak i Yesua, anu mompalentah Mizpa: pagan mesen i Sikunyo nu jalan mompaha ahop tiba gudang anu pompo una'an toongon anu bau pahampate.
I Burukh anak i Zabai: pagan mesen lengkat mae i sikunyo nu jalan toka-toka i sabatan nu laigan i Elyasib toka-toka i pusnyomo nu laigan aijo'.
To ima-imam anu suele nombau pagan mesen nu kota
22-26To pia-piangkuka na bahagiannyo na pagan mesen, te tusanannyo anu binau nu to ima-imam, aha tinulis sumo uuka na nombagi:
To ima-imam anu kajojoongan nu aha madi' majo'on lengkat i Yerusalem
I Benyamin ka' i Hasub: pagan mesen anu mompaha'ahop tiba laigan nu aha.
I Azarya anak i Maaseya anak i Ananya: pagan mesen koko laigannyo.
I Binui anak i Henadad: pagan mesen lengkat mae i laigan i Azariah toka-toka i pasu'nyo nu pagan mesen.
I Patal anak i Uzai: pagan mesen lengkat mae i pasu'nyo nu pagan mesen ka' laigan tangka-tangkas kiijo' i laigan nu tomundo' sasu aita' mae i buannyo, koko popasan anu ko tampat ponjagaan.
I Pedaya anak i Paros: pagan mesen toka-toka i ahop nu Sabatan Daka' Uee sasu Kabete'an ka' laigan tangka-tangkas bau ponjagaian Laigan nu Tumpu. (Madi' majo'on lengkat i kiijo' daagi' ko da'erah sanggonyo Ofel, tampat nu to mia-mian anu mokalaja i Laigan nu Tumpu).
To mia-mian sangga'at anu suele nokalajamo
27-32To pia-piangkuka na bahagiannyo na pagan mesen te tusanannyo anu binaumo nu to ima-imam, aha tinulis sumo uuka na nombagi:
Mian anu jojoong i kota' Tekoa: pagan mesen lengkat mae i ahop nu laigan tangka-tangkas ponjagaian Laigan nu Tumpu toka-toka i pagan mesen da'erahmo nu Ofel. Aha to ima-imam anu jojoong koko Sabatan Daka' Ajahan: pagan mesen anu mompaha ahop tiba laigan nu aha toto samian lengkat mae i sabatan daka-daka aijo' toka-toka i sasu utara.
I Zadok anak Imer: pagan mesen anu mompaha ahop tiba laigannyo.
I Semeya anak i Sekhanya, anu monjagai Sabatan Daka' Kabete'an: pagan mesen anu mompaha ahop tiba laigannyo.
I Hananya anak i Salemya ka' i Hanun anak i Salaf anu ko anomnyo.
I Mesulam anak i Berekhya: pagan mesen anu mompaha ahop tiba laigannyo.
I Malkia, tukang montutuk mosoni': pagan mesen toka-toka i palung nu to mia-mian anu mombau Laigan nu Tumpu ka' to lai-laigan nu aha anu badagang mompaha ahop Sabatan Daka' Mifkad, toka-toka i koko salipi'nyo anu aita' i buannyo anu i pasu'nyo nu pagan mesen sasu kabete'an aijo' mae sasu ambai.
Aha to tuka-tukang anu montutuk mosoni' ka' anu badagang: bahagian pagan mesen anu i pupuusnyomo, lengkat pe'e mae i salipi'nyo anu aita' i buannyo, anu i pasu'nyo nu pagan mesen toka-toka i Sabatan Daka' Domba.
Currently Selected:
NEHEMIA 3: LAILOE
Highlight
Copy
Compare
Share
Want to have your highlights saved across all your devices? Sign up or sign in
