AYUB 5
5
1Potataemo daka-daka' Ayub, pa' daagi ko anu montaami?
Malaikat iyamae na pinomoitanmo tulung nu beleyum?
2Ola mian anu ponga'
na sinilaka kalana nusaduakon nu kinyonyoa anu madi'mo sanang.
3Toho'mo tinoangku na mian ponga';
kantumuu'annyo otoa sukupmo hondo;
panyo monti-montiik
tinotobi'akonkumo na kajojoongannyo.
4Sahingga to ana-anaknyo madi' toho' ko anu nontoakon da boli opoposia
madi' ko anu nonsangaja'i aha tempo'nyo ingulus nu mian kopian.
5Apaa na anu pinadak'nyomo i ale' nu aha,
ola iningkot kinaan nu mian anu i longkangmo na kompongnyo.
Ka' mule' gandum anu kiijo' i kuhat,
ningkotmo kinajoko'an nu mian anu no'ohopmo.
Apa-apaa na anu nu aha ka' kakaya'an nu aha
nu inde'imo nu mian anu mompai alamo halata'.
6Misa' lengkat mae i dunia na han anu ma'idek;
misa' lengkat mae i tano' na kalubatan nu kasusa'an.
7Misa'! Panyo lengkat mae hi manusia
na anu mompotoka mae balaa' hi butongnyo,
susumo bohotika' nu apu
lengkat mae i apu aijo'.
8De aku susumo ahi' beleyum,
hi Tumpu Allah na tantu pomoitanku tulung.
Hi la na pompoto'ianku hanku aiya
ka' ku bee'mo da pa' oposiaje na ulusanku.
9Iwi-iwi' na anu binaumo nu Tumpu Allah talalo hondo oka bangangi;
madi' opoko ala osumbu-sumbu'to.
Anu okabangangi iwi-iwi' bibinau-Nyomo
madi' opoko ala osumbu'to na konjoo'nyo ka' madi' ko kamingkotannyo.
10Ia nontudunakonmo mae ujan i dunia aiya,
sahingga ale' ka' padang i humpismo na dinudu'an-Nyo.
11Iamo na Tumpu Allah anu mohangkat mian anu madi' talakana',
ka' mombee'i kabilahian hi mian anu susa'.
12-13 #
1Kor. 3:19
Madi' pinobee'-Nyo na mian anu pande mongakali, sahingga usaha nu aha madi' noko ala nombau apa-apaa.
Sinumbu'mo ka' i humpaknyomo na mian anu pande na monggoliliakon potataenyo,
sahingga iwi-iwi na tanga'an nu aha madi' nongkaliangan,
ka' aha ingakalanmo nu kapandean nu aha.
14De sinaamo aha nu konamo mae nu pintung
maha kanyanganmo susumo anu pihimo.
15Panyo Tumpu Allah nomposalamatmo;
mian kasiasi da boli mate anu sinilakamo
mian anu madi' talakana' ka' da bolimo sakisa.
16Uuka aiya ko anumo otaha'imani
nu mian anu madi' ko halata'nyo.
Ka' mian anu uwesan nomohokotmo madi'mo lewa' motatae,
kalana ginunggumanmo nu Tumpu Allah na nganga'nyo!
17 #
Ams. 3:11-12, Ibr. 12:5-6 Untung na beleyum de daagi' nupisala'i nu Tumpu Allah na beleyum!
Boli ise-ise' na kinyonyoa de nu alu na beleyum.
18 #
Hos. 6:1
Kalana Tumpu Allah na nomposakiti
ia mule' ahi' na mompakuli'i.
Ka' limanyo na nondoke,
limanyo mule' ahi' na po'ule' mompo'alin.
19De ko balaa' anu montokai mae,
saja' beleyum na oposalamat.
20De tokamo na tempo'nyo kasusa'an ia nu o kaan
beleyum madi' silaka nu ohop.
Maumo mian mahampate taha-tahahumo hondo na kinosidanyo
madi' ko anu moko ala mompatei beleyum.
21Beleyum ojagai da boli nu kona nu pitana' ka' oka'ideki nu mian;
beleyum mongahopi balaa' anu montokai mae madi' mabuhuk.
22De kasansala'an ka' tempo' nu kasusa'an i anu o kaan montokai mae
ola nusabaanakon nu beleyum ka' kumojo.
Beleyum madi' mabuhuk ka' madi' bata-bata,
mongahopi binatang anu mahangas hondo.
23Ale' anu nu pajekomo madi'mo ko batunyo;
binatang anu ma'ela' madi' toka mae mompoposia beleyum.
24Madi'mo ko anu mompoposia beleyum jojoong i kemah nu beleyum;
ka' de mamba nu toa na domba nu beleyum iwi-iwi',
iwi-iwi' daagi' tumuu' madi' maga'a.
25To maku-makumpu nu beleyum madi'mo opoko bilang,
konjoo'nyo nu aha sumomo hemput anu tumuu' i padang.
26Sumomo gandum anu nahamo, opadakmo toka i tempo'nyo,
suele beleyum tumuu' mahoson sampe langkai'.
27O Ayub, iwi-iwi' lewa'mo pinokilawa mami.
Potatae aijo' memang totu'u, jadi simpalamo.”
Currently Selected:
AYUB 5: LAILOE
Highlight
Copy
Compare
Share
Want to have your highlights saved across all your devices? Sign up or sign in
