YEREMIA 15
15
Yehuda ihukumo
1 #
Kel. 32:11-14, Bil. 14:13-19, 1Sam. 7:5-9 Tumpu notataemo mae hi belengku, “Aku madi'mo daagi' mongkalibosi bansa aiya, maumo ahi' i Musa tiba i Samuel tuminjomo i aiya momoita mae da Ku kalibosi na aha. Saimo na bansa aiya da mambamo, madi'mo Ku ka'ima'i na montoa aha! 2#Why. 13:10 De nu pokilawa nu aha hi beleyum, pa' moya na tionyo ahi' kalambanan nu aha, taami sumo uuka,
‘Tumpu notatae,
anu tinantukanmo silaka kalana masakit
bakasmo da ia silakamo nu panyakit.
Anu tinantukanmo silaka i uno nu pahampatean
bakasmo da ia silaka i uno nu pahampatean.
Anu tinantukanmo silaka kalana mo ohop
bakasmo da ia silakamo nu ohop!
Anu tinantukanmo da ia ohakopmo,
bakasmo da ia oboamo salaku miana nu ihakopmo!’
3Aku, Tumpu, nontantukanmo taalu' tampat nu hukuman anu okabuhuk hondo saidi' mae nu ta upmo nu aha; aha silakamo i uno nu pahampatean, bangke' nu aha nu hela'mo nu dedeng, nu tolukmo nu tomonsi', ka' nu ingkotimo nu binatang anu mahangas. 4#2Raj. 21:1-16, 2Taw. 33:1-9 Ku pojadimo na bansa iwi-iwi' idunia aiya meatmo na montoa aha. Iwi-iwi' aijo' Ku pojadimo kalana palabuatan i Manasye anak mo'ane i Hizkia kiijo' i Yerusalem salatan ia jinadimo tomundo' nu aha Yehuda.”
5Tumpu notatae,
“O mian anu jojoong i Yerusalem,
ihe na saidi' mae mongkalibosi belemiu?
Ihe na anu mongka'oho' susa' na kinyonyoa tiba belemiu?
Ihe na anu mongka'oho' sonsoo' mompokilawa pa' nosiamo na belemiu?
6Belemiu madi'mo nontalima ka' mule' nompala'imo Aku,
kalana aijo' Ku tangkakonmo na limang-Ku da mohansunimo belemiu,
kalana na osamo na Aku nongintim tambuha'-Ku.
7Toto sa'angu' na kota ilipu' aiya,
na pongalapan-Ku anu o alin susumo haat.
Maumo ahi' belemiu mian anu palesayamo hi beleng-Ku
panyo Ku silakaimo na belemiu tiba to ana-anak nu belemiu
kalana belemiu madi'mo mongka'oho' mongabali jalan nu kantumuu'an nu belemiu.
8Lipu' nu belemiu saidi' mae kahomo balu,
nu lingkuduimo na konjoo'nyo nu bone' ibiwi nu ambai.
To mia-mian Ku pateimo ma'isa pe'e langkai' ka' bengkele'
sahingga tina nu aha sansalamo.
Salatan sinaamo Ku potokamo mae hi aha samian na anu mompatei,
sahingga aha mabuhukmo ka' mangada'mo.
9Tina nu anak, anu popitu' na anaknyo mo'ane sinilakamo
pinoso'mo kalana binotmo na ningkinyonyoa.
Kantumuu'annyo madi'mo binalasahaya
ingoa'annyo ia madi'mo ingadatan ka' mule' ingambanganmo.
Sampobali' nu belemiu pinalentah-ngKumo da mompateimo
anu daagi tumuu' atina' hi belemiu.
Aku, Tumpu, notataemo.”
I Yeremia notusa'mo hi Tumpu
10Memang aku aiya sinoe'mo! Apaa na gunanyo aku pinohampe nu tinangku? Ka' mule' batu-batu mian ilipu' aiya tionyo aku painggaga ka' paimpisa-pisala'an. Maumo ahi' aku madi' toho' nonsabolakon kabai nonsabon, panyo aku kinutukanmo mae nu mian iwi-iwi'. 11O Tumpu de aku madi' ahi' nompojalan pakalaja'anku na'i-na'ima' ka' madi' ahi' nontinjohi sampobali' i ahop nu Belento tempo'nyo aha nohumpakmo balaa' ka' kasusa'an, yo bakasmo da pinongkutuki mae nu mian haha aijo' totu-totu'u jadimo mae. ( 12Madi' ko samian moko ala mompato' besak, lebe-lebe besak anu nolengkat mae isasu utara anu ginalo'anmo nu tambaga.)
13Tumpu notataemo mae hi belengku, “Ku saimo na sampobali' da momboamo kakaya'an tiba halata' nu mian anu palesayamo hi beleng-Ku salaku baumo pohukum dosa-dosa' anu binaumo nu aha isongko-songko na lipu'. 14Ilipu' nu mian anu isalipu'an ka' madi' nusumbu' nu aha, Ku pojadimo na aha posaihon nu to sampo-sampobali' nu aha, kalana tambuha'-Ku kinosuhu-suhutmo susumo apu anu binanggelo-gelosmo ka' madi'mo mongka'oho' mopoho'.”
15Lantas aku notataemo, “O Tumpu, Belento mangalati'. Inau'akon mae ka' tulungiakon mae na aku. Balosakon na aha nololoimo mae ka' mule' nonsakisamo mae aku. Tokolo' talalo monsabaanakon aha sahingga aha saidi' mae timbalimo mompatei aku. Inau'akon mae saba' kalana Belento sahingga ingambanganmo mae na aku. 16Belento nompoto'imo mae hi belengku, ka' ihongongkumo na potatae nu Belento toto sa'angu'. Aku aiya belentomo na tumpunyo o Tumpu Allah Anu Balakuasa hondo kalana aijo' sinin na potatae nu belento nomposanangmo ka' nompobilahimo mae aku. 17Aku madi' suele balasana-sanang tiba to mia-mian anu sinihukmo lewa kumojo. Kalana montuluti Belento sahingga aku nanintademo kalana mongoa'i pusa. 18Kadaka' aku saja'mo mongoa'i sansala? Kadaka' belangku talalomo ahi' tinadok ka' madi'mo dongan ma'alin? Pa' Belento ko kahanda'mo ahi' mompopato kinyonyoangku susumo kaunyo anu mo'otimo itempo' nu posinaa?”
19Tinaaman mae nu Tumpu, “De beleyum po ule'mo mae minsusule', Ku talimamo na beleyum. Beleyum po ule'mo timbali posaihon-Ku. De beleyum mombebakonmo hahan anu mingkaliangan ka' misa' ahi' ola anu madi' totu'u saba' beleyum timbali poule' jadi nabing-Ku. Aha to mian-mian toka mule' mae hi beleyum, ka' madi'mo palaluu' beleyum mamba hi aha. 20Beleyum Ku potimbalimo sumo benteng tambaga da madi'mo nu poko pinsoopi mae nu aha. Aha saidi' mae mompahampateakonmo beleyum panyo madi' ahi' moko ala mompatundu' beleyum. Ku sangaluimo na beleyum da ojagai ka' momposalamat beleyum. 21Aku mompobebasamo beleyum da madi' nu kuasai nu aha to mia-mian anu ma'idek na palabuatan nu aha ka' talalo ahi' singgi. Aku, Tumpu, notataemo.”
Currently Selected:
YEREMIA 15: LAILOE
Highlight
Copy
Compare
Share
Want to have your highlights saved across all your devices? Sign up or sign in
