YESAYA 56
56
Iwi-iwi' na bansa minsoopmo i lekengan nu miana nu palesayamo hi Tumpu
1Tumpu notatae hi mian anu palesayamo hi Ia,
“Baumo apaa na anu adin
ka' anu situju hi atulan-Ku.
Kalana madi'mo daagi' pin Aku tokamo mae momposalamat belemiu
ka' ka'adinan-Ku oponyata'mo.
2Ku balakatimo na mian anu toka i sinaa nu Sabat
ka' madi' mohumimi'i sinaa aijo'.
Mian anu madi' mombau palabuatan ma'idek,
ku kalesangmo ima-ima'.”
3Mian anu isalipu'an mae mogalumo tiba mian anu palesayamo hi Tumpu
madi' timbali motatae,
“Tumpu madi' mompoloas aku
monsombah Ia hingga-hinggat tiba mian anu palesayamo hi Ia.”
Miana nu tinoku'imo madi' timbali bapikin
“Aku madi'mo timbali sangalu nu mian anu palesayamo hi Tumpu,
kalana aku madi' timbali mohumpak lee'.”
4Tumpu notatae hi aha,
“De belemiu mompahatikan sinaa nu Sabat,
de belemiu tulu-tulutan ahi' i palajanjian-Ku
ka' mombau apaa na anu moko sanang kinyonyoang-Ku,
5saba' sanggo nu belemiu madi' okolilimi i uno nu Laigan-Ku,
ka' mule' hi aha bansang-Ku.
Aijo' na lebe ma'ima' nalingkudui na mohumpak anak
to momo'ane ka' to bou-boune.
Belemiu ku bee'imo sanggo sidu-sidutu',
anu madi'mo okolilimi.”
6Tumpu notatae hi mian anu isalipu'an mae,
anu ninsoopmo lekengan nu mian anu palesayamo hi Tumpu,
anu mongka'ima'imo Tumpu ka' saja' monsombah Ia,
anu mongangga'i sinaa nu Sabat,
ka' tulu-tulutan hi palajanjian-Nyo,
7 #
Mat. 21:13, Mrk. 11:17, Luk. 19:46 “Belemiu Ku boamo mamba i Sion i bungkutnyo anu susi' anu Aku na tumpunyo
ka' Ku bee'imo kalame'an i laigan-Ku ponso-ponsoban Aku.
Koloban iwi-iwi' anu osombahkon nu belemiu i mezbah-ngKu, Ku talimamo.
Laiganku osanggohimo laigan balado'an nu iwi-iwi' na bansa.”
8Sumo uukamo na potatae nu Tumpu Anu Matangkas na Kuasanyo
anu nolaya'mo Israel ninsusule' mae lengkat i tampat pinompojongan aha,
“Aku momboamo aha to mia-mian sangga'at
da mogalumo hi aha anu sinuhukmo mae.”
To pola-polaya' nu Israel i hukumo
9Tumpu nompokaumo to bansa-bansa anu isalipu'an mae da toka susumo binatang anu mahangas da monsilakaimo miannyo anu palesayamo hi Ia. 10Koonyo nu Tumpu, “To pola-polaya' nu bansang-Ku atina'mo na to mia-mian anu mapisok! Aha madi' monsumbu' apa-apaa. Aha susumo dedeng anu momo' anu madi' mohu'akon panyo ola ahi' hoyot ka' mongipi. Sanang hondo na aha hoyot! 11Aha susumo ahi' dedeng anu majoko' anu madi' toho' mobosu. To pola-polaya' haha aijo' madi' mangalati'. Toto samian mombau apaa na anu nu kai' ma'i nu aha ka' molio posi ka'untungan nu aha. 12Anu topo palangu haha aijo' notatae, ‘Imbo' da kita monginum anggur ka' monginum sampe ma'osa! Dodop na lebe' mule' ma'ima' nulingkudui na sinaa uuka aiya!’ ”
Currently Selected:
YESAYA 56: LAILOE
Highlight
Copy
Compare
Share
Want to have your highlights saved across all your devices? Sign up or sign in
