YESAYA 34
34
Tumpu mohukumo anu monsampobali' Ia
1Imbo' sihuk mae, o, to bansa-bansa, ka' potombihing mae. Bakas da songko-songko na dunia ka' mule' iwi-iwi' na anu tumuu' i unonyo tokamo mae ka' mompotombihing. 2Tumpu nontambuha'imo iwi-iwi' na bansa ka' mule' hi iwi-iwi' na gombuan nu suludadu nu aha. Ia mohukumo ka' mule' monsilakaimo aha. 3Iwi-iwi' na bangke' nu aha saidi' mae madi'mo olamun, panyo olamo ahi' opojohok da mahutak ka' mabusikmo. Iwi-iwi na bungkutnyo singkapmo momea' kalana nu iaba'imo nu baso' nu aha. 4#Mat. 24:29, Mrk. 13:25, Luk. 21:26, Why. 6:13-14 Batu nu sinaa, bitu'on ka' mule' iwi-iwi na mandala' hansunmo. Langit olulunmo susumo lulunan nu kalatas. Iwi-iwi na mandala' singkapmo manabu' susumo hon nu kau' anu mohontangmo.
5 #
Yes. 63:1-6, Yer. 49:7-22, Yeh. 25:12-14, 35:1-15, Am. 1:11-12, Ob. 1:14, Mal. 1:2-5 Tumpu nomposadiamo bajak-Nyo kiita' isuluga', ka' uuka aiya bajak aijo' montuda'mo bansa Edom anu binee'anmo hukuman ka' osilakaimo. 6Bajak nu Tumpu aijo' nu kampuhimo nu baso' ka' kahomo lompo' nu aha, sumomo ahi' baso' tiba lompo' nu binatang anu kinolobanakonmo. Kalana Tumpu nomposadiamo koloban i Bozra ka' nompahangkolotakonmo manjoo' hondo itano' nu Edom. 7To mia-mian silakamo susumo sapi' anu ma'ela' ka' sapi' anu daagi' bata'nyo. Lipu' nu aha momea'mo nu baso' ka' kahomo lompo. 8Aijo'mo na tempo'nyo nu tinjohimo nu Tumpu na Sion ka' mombalosakonmo idek nu kinyonyoa-Nyo hi aha anu monsampobali' mae.
9Iwi-iwi na kaunyo nu Edom mongabali'mo sumomo ter, ka' tano'nyo timbalimo belerang. Ahennyo songko-songko na lipu' moakmo susumo ter opapuimo. 10#Why. 14:11, 19:3 Sinaa tiba pihi moaknyo aijo' madi' mopoho' ka' mule' tibuknyo tumipuhamo lengkat mae aijo', sampe toka sidu-sidutu'. Tano' aijo' opala'imo madi'mo ko anu monjojoongi ka' mategesmo sampe molundu-lundu na tulunan ka' mule' madi'mo daagi' ko mian anu montulu ikiijo'. 11Tomonsi' undan tiba landak na jojoongmo ikiijo', mongkoek tiba papaa' na suele jojoong ikiijo. Tano' aijo' nu pokalangkabutmo nu Tumpu ka' madi'mo ko anu monjojoongi susumo ma'isa pe'e dunia pinotimbali. 12Madi'mo ko tomundo' mompalentah lipu' aijo' ka' iwi-iwi' na to pola-polaya'nyo imadi'anmo. 13Iwi-iwi' na tampat bapilogotan nu aha ka' mule' iwi-iwi na kota'nyo anu ko bentengnyo nu tumuu'imo nu kuhat anu kohii'nyo tiba hemput ka' mule' nu jojoongimo nu dedeng nu kuhat tiba tomonsi' unta. 14Binatang anu toto maha-mahangas sumisingkapmo i unonyo; te mongkoek mompaha tataamimo ka' mongkoek de pihimo moliomo ka uhomannyo. 15Tampat aijo' baumo pimpetan nu ulo anu kobisa'nyo, minggalau', momanas ka' mule' mompotuu' to ana-anaknyo. Tomonsi' alap-alap suel sihukmo ikiijo' moto-moto osoa.
16Soba lio ka' basa' i uno nu Kitab nu Tumpu; Madi' ko sa'angu' pe'e na binatang haha aijo iwi-iwi' ko anu molapus kabai anu madi' moto osoa. Kalana memang sumo aijo'mo ahi' na palentah nu Tumpu ka' posi Ia ahi' na nomposihukmo aha. 17Tumpu na mombagimo lipu' aijo' hi aha ka' toto samian mohumpakmo pombagiannyo. Aha jojoongmo ikiijo' sampe toka sidu-sidutu', ka' mule' tano' timbalimo anu nu aha sampe molundu-lundu na tulunan.
Currently Selected:
YESAYA 34: LAILOE
Highlight
Copy
Compare
Share
Want to have your highlights saved across all your devices? Sign up or sign in
