YESAYA 32
32
Tomundo' anu adin hondo
1Soba toa, tokaje mae na tempo'nyo samian na tomundo' adinmo hondo na mompalentah ka' mule' to pola-polaya' nu bansa mompojalanmo ahi' ka'adilan. 2Aha toto samian salakumo ahi' tampat pihohungan da madi' nu kona nu antong anu makansang hondo. Aha sumomo ahi' kaunyo anu mo ilimo mamba i padang bone', sumomo ahi' batu anu daka' hondo na mongkongi mae itano' anu nategesmo. 3Mian anu nontoamo madi'mo daagi' mompipidi'akon matanyo ka' anu nohongomo mompalahatikanmo. 4Mian anu naipuan mae saja' nu saduakon nu napisu na mombau apa-apaa panyo saidi' mae sabanmo ka' kopangalati'anmo. Mian anu motatae madi' talalo soa' saidi mae motatae manasamo. 5Mian anu ponga' madi'mo daagi' o, anggap mian anu oholomati, ka' mian anu saja' mongakali madi'mo daagi osanggohi mian anu hodi' na kinyonyoanyo. 6Mian anu ponga' montaloakon potatae anu ponga' ka' saja' montanga'i palabuatan anu ma'idek. Maumo ahi' pa' apaa na anu nu bau kabai anu nu taloakon saja' mompopo ise' Tumpu. Madi' toho' ia mombee'i mongkaan mian anu mo'ohop kabai mompo inumi mian anu megotmo. 7Ka' mule' mian anu saja' mongakali mompopikilakon ka' mombau palabuatan anu ma'idek. Ia molio kapandean pa' mosia na monsilakai mian anu kasiasi nu potataenyo anu toto bale-baleko' ka' montewa' aha da madi' mohumpak hak' nu aha. 8Panyo anu manonnong nakalakuannyo na saja' ahi' montanga'i palabuatan manonong ka' mombau apa-apaa saja' ahi' manonong.
Pomputusianmo ka' po'ule'mo opokopiani
9Potombihing mae o, belemiu to bou-boune anu tumuu' sanang, madi' mongoa'i kasusa'an! 10Uuka aiya belemiu madi'mo ko anu nompoposia panyo daagi' kila-kila sataun madi'mo daagi' ko anu ohala-halap nu belemiu, kalana madi'mo daagi' ko anggur anu otipu, ka' mule' isi nu ale' sangga'at imadi'anmo. 11Sampe tempo uuka aiya kantumuu'an nu belemiu sanang madi'mo nolasai kasusa'an. Panyo uuka aiya nu lakatmo kalana mabuhukmo! Ukatakon na baju' nu belemiu ka' posasa' na hude kalung ikompong nu belemiu. 12Haangi na ale' nu belemiu iwi-iwi' anu toto lumba-lumba' ka' iwi-iwi' na ale' nu anggur nu belemiu anu toto maha-mahampe na bua'nyo, 13kalana tano' nu aha bansang-Ku nu tumuu'imo nu hemput tiba kuhat anu kohii'nyo. Ya, haangimo na laigan nu belemiu iwi-iwi' tampat sola' binalasana-sanangan ka' mule' kota' anu kaho kalame'an. 14Ka' mule' laigan nu tomundo' saidi' mae opala'imo ka' ikota' anu lame' timbalimo liing hondo. Puge'nyo tiba laigan toto tangka-tangkas tampat pontanggalakonan sampobali opohatamo susumo tano' sampe toka sidu-sidutu'. Keledai anu toto ela-ela' tiba domba saidi' mae sumolinsapmo ikiijo' ka' mongototmo hemput ikiijo.
15Panyo daagi' ahi' minsan na Tumpu saidi' mae toka tibamo kakuasa'an-Nyo. Sahingga padang tampat anu mateges timbalimo ale' anu toto lumba-lumba' ka' ale' iwi-iwi' saidi' mae sumomo alas. 16Isongko-songko na lipu' madi'mo daagi' ko anu tageo' nakinyonyoa nu aha ka' daagi'mo ko ka adilan. 17Batu-batu mian mombaumo palabuatan anu totu'u sahingga daagi'mo ko kantumuu'an ma'ima' ka' madi'mo ko anu mombau kahengge'an sampe toka sidu-sidutu'. 18Mian anu palesayamo hi Tumpu bebasmo ikasusa'an ka' tumuu'mo itampat anu madi' ko anu mompoposia ka' madi'mo ko anu mombau kahengge'an. 19-20Memang sanangmo na kantumuu'an nu belemiu iwi-iwi' kalana sukup na uee bau ponguei tano' nu belemiu, ka' pompo inum potuu'on nu belemiu timbalimo mongotot iyaya mae madi' ko anu mompoposia. Panyo sampobali' nu belemiu sumomo ahi' alas anu nutuda'imo nu ujan batu ka' mule' kota nu aha ohansunimo.
Currently Selected:
YESAYA 32: LAILOE
Highlight
Copy
Compare
Share
Want to have your highlights saved across all your devices? Sign up or sign in
