YESAYA 15
15
Tumpu mohansunimo Moab
1 #
Yes. 25:10-12, Yer. 48:1-47, Yeh. 25:8-11, Am. 2:1-3, Zef. 2:8-11 Sumo uuka na potuunon nu Tumpu mongkona aha Moab.
Kota' Ar tiba Kir ohansunimo ola oposampahu, ka' lipu' Moab timbalimo liing. 2Aha mian anu jojoong i Dibon mindakomo mamba ipuge'nyo da humangmo itampat ponsomban pilogot. Aha mian anu jojoong i Moab talalomo susa' na kinyonyoa kalana aitu aha montando'imo kota' Nebo tiba Medeba. Kinismo nu aha na ubak tiba jangkut nu aha salaku tanda kinyonyoa talalomo hondo' sinusa'. 3To mia-mian anu laja-lajang i jalan nompusokmo hude kalung tanda monsusa'akonmo kalana ko anumo sinilaka; mian lewa'mo tumando' na humang itanah lapang kabai aita ibangkala' nu laigan. 4Aha mian nu Hesybon tiba Eleale sola'mo molokuk sahingga kahongoanmo toka-toka i Yahas. Ka' mule' to sulu-suludadu ilakatnyomo; kalana aha madi'mo binaani.
5Aku molibosmo hi aha Moab! Mian anu jojoong ikiijo'nopalaimo namba ikota' Zoar tiba Eglat-Selisia. Daagi' ko anu nindako nontulu jalan mamba i Luhit ka' sola' humang; daagi' ko anu nalai namba i horonaim ka' sola'mo molokihis kalana tinokanmo nu balaa'. 6Uee nu Kaunyo Nimrim ka' hemput anu tinumuu' isonibinyo inanggasmo ahi' tala-talalo, madi'mo daagi' ko kau' kabai hemput anu molundo. 7To mia-mian motaapmo i gimpangnyo nu kaunyo Haarabim ka' bala usaha momposalamat halata' nu aha. 8Iyaya mae idaerah potempasan tiba Moab ihongomo na loboo'nu mian; Tando' nu aha aijo' kinahongoanmo i Eglaim tiba i Beer-Elim. 9I Dibon uee nu kaunyo nomea'mo kalana ginalo'anmo nu baso'. Ka' mule' Tumpu Allah mompotoka mule' mae hahan anu lebe okabuhuk mule' hi aha to mia-mian anu ikiijo' mae. Topo patei anu osai mae aijo'mo na mompatei iwi-iwi' na aha mian nu Moab anu daagi' tutuu'.
Currently Selected:
YESAYA 15: LAILOE
Highlight
Copy
Compare
Share
Want to have your highlights saved across all your devices? Sign up or sign in
