YESAYA 12
12
Nyanyian bau pontalima kaseh
1Tokaje mae na tempo'nyo belemiu manyanyimo:
“O, Tumpu aku montalima kasehmo hi Belento,
kalana Belento nohase'mo mae aku.
Naipuan mae Belento nontambuha'imo mae aku,
panyo uuka aiya Belento madi'mo notambuha'.
2 #
Kel. 15:2, Mzm. 118:14 Memang totu'u Tumpu aijo' anu Momposalamat aku,
aku palesayamo hi Ia.
Aku madi'mo mabuhuk,
kalana Ia nompohosonmo mae aku.
Anu momposalamat aku aijo'mo Tumpu,
aku manyanyimo nyanyian bau pontalima kaseh hi Ia.
3Susumo uee lop momposanang kinyonyoa nu mian anu negotmo,
sumo aijo'mo na belemiu lame'mo
kalana nu posalamatmo nu Tumpu.”
4Tokaje mae na tempo'nyo belemiu motataemo,
“Pontalima kaseh hi Tumpu,
ka' sombahmo na Ia.
Bebakonmo hi aha to bansa-bansa na
katalasanggoan ka' mule'
iwi-iwi' na anu binau-Nyomo.
5Panyanyimo da bau pontalima kaseh hi Tumpu,
kalana Ia nombaumo manjoo' na anu okabangangi.
Bakas da songko-songko na dunia,
mohongo mo palabuatan-Nyo.
6Pontaligalaimo o, belemiu anu jojoong i Sion,
opolame' ahi na manyanyi.
Tumpu nu aha Israel anu susi' memang talasanggo hondo,
Ia jojoongmo atina' hi belemiu.”
Currently Selected:
YESAYA 12: LAILOE
Highlight
Copy
Compare
Share
Want to have your highlights saved across all your devices? Sign up or sign in
