1 KORINTUS 16
16
Pontulungi sangko sangalu mian Kristen
1 #
Rm. 15:25-26
Uuka aiya mongkona doi anu kahanda' obee' miu pontulungi sangko sangalu mian Kristen, kupoto'i da aijo' obau miu pokakana sumo sonto' anu pinoto'ingkumo hi to jama-jama'at kiijo' mae i Galatia. 2Sinaa momona anu i sa'angu' na duminggu aijo', kita Utus iwi-iwi' toto samian montoukaimo ahi' doi anu oposi po'iwi'mo sitimbang tiba polioannyo. Po'una na doi aijo' sampe aku toka, da toka i tempo'nyo madi'mo palalu molimu' doi na komiu. 3De aku tokamo kusaije na to mia-mian anu sinitujuanmo miu. Kubee'ije na aha sulat pongantan, da nu boa nu aha na doi anu bau pontulungi aijo' kiijo' mae i Yerusalem. 4Otoaje de maluanyo tionyo ahi' mamba tiba aku yo aku mambaje hingga-hinggat tiba aha.
Tanga'an i Paulus
5 #
Kis. 19:21
Aku mambaje hi komiu de aku moko lapasmo sonsoo' i Makedonia, kalana aku ko niat sonsoo' i kiijo' mae. 6Ihe na monsumbu' ugaat aku daagi' jojoong sasaingoni' tiba komiu, kugantang kopinnyo otoaje i tempo' nu bakin. Lapas aijo' tulungije miu mae na aku molausakon kalambanan i tampat sangga'at. 7Aku madi' mamba hi komiu ola asan sonsoo'. De nusitujui nu Tumpu gagalanku jojoong gagana pin tiba komiu.
8 #
Im. 23:15-21, Ul. 16:9-11 #Kis. 19:8-10 Hau-haunyo aijo' aku jojoong pe'e i kota Efesus aiya, sampe toka i Sinaa nu Pentakosta. 9Manjoo' na kasampatan i aiya mombau kalaja anu mingguna, mau mule' manjoo' suele na anu madi' mongka'ima'i.
10 #
1Kor. 4:17
De i Timotius tokamo itina', otalima na ia ma'i-ma'ima' da ia mongoa'i sanang itina' hi komiu, kalana ia pokakanamo sumo aku suele mokalaja mompojalan palentah nu Tumpu. 11Boli ko anu ola montee ia. Tulungi na ia da ia timbali moko ala molausakon lajangnyo minsusule' mae hi belengku ma'i-ma'ima' kalana aku montanda'i katokaannyo tiba to Utu-utus sangga'at.
12Mongkona utusto i Apolos, saja'mo kupoto'i na ia, da ia tiba to Utu-utusto sangga'at mamba molenga komiu. Panyo ia ma'isa talalo junjuhi' na mamba uuka aiya. Panyo de ko tempo'mo tantu ia tokaje itina'.
Pontudui sulat
13O jaga mae ahi' na komiu ka' opohoson na kapalesaya'an i uno nu kantumuu'an salaku mian Kristen. Obau babaani ka' boli mabuhuk na palesaya. 14Iwi-iwi' na anu obau miu, obau kalana mongoa'i molibos.
15 #
1Kor. 1:16
Kita Utus tantu monsumbu' i Stefanus ka' aha sa'anakan; aha na momonanyo tinimbali Kristen i Akhaya. Buke-buke' na kinyonyoa nu aha nokalaja samata-mata mongatun mian anu palesayamo hi Tumpu Allah. 16Totu-totu'u kupoto'i da komiu mohongo-hongo pongatun nu to mia-mian anu sumo aijo', tiba to mia-mian sangga'at anu mompahakalaja mompolele Lele Ma'ima' ka' mongatun hingga-hinggat tiba aha.
17Sanang na aku kalana tinokamo na i Stefanus, i Fortunatus ka' i Akhaikus. Aha sumo-sumomo komiu na tinoka mae hi belengku. 18Aha nompolame'mo kinyonyoangku, sumo aha nompolame'mo kinyonyoa miu. To mia-mian anu susumo aijo' tionyo ahi' o'angga'i.
19 #
Kis. 18:2
To jama-jama'at i Asia mompotoka salan do'a nu aha hi komiu. I Akwila ka' i Priskila tiba Jama'at anu sinihuk i laigan nu aha suele nompakatu mae salan do'a daka-daka' salaku salan do'a nu mian Kristen. 20Iwi-iwi' na to Utu-utus i aiya mompotoka salan do'a hi komiu.
Mompaha sala-salan do'ai nu kalibosan susumo poto utusan nu mian Kristen.
21Kupaka tuangi i aiya nu salan do'a anu pinosi tulisku: Salan do'a lengkat hi belengku, i Paulus.
22Mian anu madi' mongkalibosi Tumpu, nukutuki nu Tumpu na ia!
Maranatha – Tumpu mami, tinokamo!
23O amalakon da Tumpunto i Yesus mombalakati kita Utus.
24Ka' mule' kalibosanku toka hi komiu Utus iwi-iwi' anu nosa'angu'mo tiba i Kristus Yesus.
Tabea' mami, I Paulus 47
Currently Selected:
1 KORINTUS 16: LAILOE
Highlight
Copy
Compare
Share
Want to have your highlights saved across all your devices? Sign up or sign in
