1 KORINTUS 13
13
Kalibosan
1Mau mule' aku moko ala basisik tiba ngangahan basa' nu mian, kabai o tiba basa' nu malaikat, panyo aku madi' mongkalibosi mian sangga'at, saba' anu saja' kutaloakon aijo' ola onyi' anu linsingan panyo madi' ko alati'nyo. 2#Mat. 17:20, 21:21, Mrk. 11:23 Mau mule' aku pande na mompotokakon lele lengkat mae hi Tumpu, ka' monsumbu' iwi-iwi' ilimu', ka' monsumbu' iwi-iwi na apaa, ka' mule' talalo palesaya hi Tumpu sahingga timbali moko ala molalin bungkutnyo, panyo aku madi' mongkalibosi to mia-mian sangga'at, saba' aku madi' ko alati'nyo apa-apaa! 3Mau mule' iwi-iwi' na anu daagi' hi belengku kubee' hi mian kasiasi, ka' kubee' na butongku da opapui, panyo aku madi' mongkalibosi to mia-mian sangga'at, saba' iwi-iwi' aijo' madi' hondo ko kaliangannyo.
4Mian anu mongkalibosi to mia-mian sangga'at, sabaan ka' ma'ima' na kinyonyoa. Ia madi' pangka'ideki mian, madi' malambubut, madi' kobubuun. 5Ia madi' mingkadaka'an, madi' laloasa, ia madi' mompakisa mian sangga'at da mombatuki posi pongka'oho'nyo, madi' mule' malia' monipis na bihing, ka' mongingu. 6Mian anu mongkalibosi to mia-mian sangga'at, madi' mongka'ima'i ka'idekan, ia ola mongka'ima'i ka'ima'an. 7Ia moko ala montahan mongahopi iwi-iwi na apa-apaa, ka' mongka'oho' palesaya hi anu talalo ma'ima' hi batu-batu mian; i uno nu han mau mule' pa' mosiamo, mian anu ko kalibosan aijo' madi' toho' mongkolilimi apaa na anu nutaha'imani, ka' sabaan montanda'i iwi-iwi na apa-apaa.
8Madi' toho' ko tempo'nyo na mian madi'mo palalu mompaha kali-kalibosi. Uuka aiya daagi' ko mian anu pande na mompotokakon lele lengkat mae hi Tumpu, panyo saidi' mae ia madi'mo mompotoka lele aijo'. Uuka aiya daagi' ko anu pande basisik mongangahan na basa' anu okabangangi, panyo saidi' mae ia madi'mo basisik nu basa' haha aijo'. Uuka aiya manjoo' na mian anu monsumbu' lupa-lupa na han, panyo saidi' mae apaa na anu nusumbu' nu aha aijo' po'ule'mo okolilimi. 9Kalana anu osumbu'to tiba anu opoko ala opotoka na lele lengkat mae hi Tumpu, ma'isa talalo sukup. 10Tokaje uuka mae na tempo'nyo Tumpu mombaumo iwi-iwi' aijo' sukupmo, ka' anu madi' sukup aijo' o alinmo.
11Tempo'nyo aku daagi' anak, aku basisik sumo anak, aku mingkinyonyoa sumo anak ka' aku bapikin sumo anak. Uuka aiya aku dinaka'mo, kalakuanku anu mingana-anak ingalinkumo. 12Apaa na anu otoanto uuka aiya daagi' sumo lolung anu madi' manasa i uno nu mongkitaan. Panyo saidi' mae otoantoje mana-manasa. Uuka aiya ma'isa kusumbu' iwi-iwi', panyo saidi' mae kusumbu'je iwi-iwi', pokakana sumo Tumpu monsumbu' songko-songko butongku.
13Jadi, tempo' aiya totolu' na han anu tionyo saja' obaunto: palesaya, montaha'imani, ka' mompaha kali-kalibosi. Anu talalo hondo penting i anu totolu' aiya, aijo'mo, mongkalibosi to mia-mian sangga'at.
Currently Selected:
1 KORINTUS 13: LAILOE
Highlight
Copy
Compare
Share
Want to have your highlights saved across all your devices? Sign up or sign in
