IsiHlabelelo seziHlabelelo 1
1
Umakoti ulangazelela umyeni
1Isihlabelelo sezihlabelelo esingesikaSolomoni.
Umakoti:
2Makangange ngokwanga komlomo wakhe!
Ngokuba uthando lwakho lumnandi kunewayini.
3Amafutha akho anephunga elimnandi;
igama lakho linjengamafutha athululiweyo;
ngalokho izintombi ziyakuthanda.
4Ngidonse emva kwakho, sigijime;
inkosi isingingenisile emakamelweni ayo.
Abangane:
Siyakujabula, sithokoze ngawe,
sikhulume ngothando lwakho kunewayini.
Umakoti:
Kufanele ukuba bakuthande.
5 Ngimnyama, kepha ngimuhle,
madodakazi aseJerusalema,
njengamatende akwaKedari,
njengezilenge zikaSolomoni.
6 Ningangibuki ukuthi ngimnyamana,
ngokuba ilanga lingifusile.
Amadodana kamame angifutha,
angenza umlindizivini,
kepha isivini esingesami angisilindanga.
7Ngitshele wena othandwa ngumphefumulo wami
ukuthi waluselaphi,
uphumuzaphi umhlambi emini,
ngokuba yini ukuba ngibe njengowesifazane odukileyo
ngasemihlambini yabangane bakho na?
Abangane:
8Uma ungakwazi
wena muhlekazi phakathi kwabesifazane,
phuma uhambe ezinyathelweni zomhlambi,
waluse amazinyane akho
ngasematendeni abelusi.
Ukuphendulana komyeni nomakoti.Umnyeni:
9 Ngikufanisa nehhashi lensikazi lezinqola zikaFaro,
sithandwa sami.
10Izihlathi zakho zinhle
kangakanani zinezintambo zobuhlalu,
nentamo yakho ineminaka.
11Siyakukwenzela izintambo zobuhlalu begolide,
namaqhosha esiliva.
Umakoti:
12Inkosi isahlezi ngasetafuleni layo
inadi* lami lathaphuka iphunga lalo.
13Othandiweyo wami ungumshuqulu
wemure* kimi,
olele phakathi kwamabele ami.
14Othandiweyo wami uyihlukuzo lezimbali zehena*
ezivinini zase-Eni Gedi.
Umnyeni:
15 Bheka, umuhle, sithandwa sami!
Bheka, umuhle!
Unamehlo amajuba.
Umakoti:
16Bheka, umuhle, othandiweyo wami!
Yebo, umnandi, nesilili sethu siluhlaza.
Umnyeni:
17Imishayo yendlu yethu iyimisedari,*
nemiqhadi iyimisayipuresi.*
Currently Selected:
IsiHlabelelo seziHlabelelo 1: ZUL59
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1959, 1997. Used with permission. All rights reserved.