YIA̒APO 32
32
Susuu-kuwaalo bangusa lo Isirai̒lu to ambahu tiimuru lo Dutulaa Yordan
(Tin. 3:12-22)
1Susuu-kuwaalo Ruben wau Gad obibiahu laba-labaalo daatalio. Tou̒ timongolio loo̒onto mao̒ donggo boli piohio huta lo Yaejer wau huta lo Gilead u pomiyahelo, 2yi malono̒ mota timongolio lotaalua wolei Musa, Iimamu Eleajar, wau mongo tau̒wa wewolio lonto Isirai̒lu. Uali mongolio mao̒, 3-4“Huta lo kokoo-tawaalo Atarot, Dibon, Yaejer, Nimra, Hesybon, Eleale, Sebam, Nebo wau Beon u mahiluloa̒ lo Isirai̒lu wolo tilulungia mai lo Eeya, mopiohe daa̒ u pomiyahelo. Wau sababu bibiahu lamiaatia dadaata daa̒, 5yi amiaatia momolohone alihu huta botie wudua mai ode lamiaatia mowali miliki lamiaatiatia. Diila mao̒ pei̒ limbata amiaatia ode ngotuali lo Dutulaa Yordan.”
6Tametao̒ lei Musa, “Diila pongalo aakali timongoli ohilaa motibiluloa̒a tewe, hiambola tau-tauwalo ngobangusamu mota mopaatea? 7Yilongola timongoli ohilaa mohutu bangusa lo Isirai̒lu moohe u mobalanga Dutulaa Yordan wau tumuwota ode lipu uilohi mai lo Eeya ode limongolio? 8Mongo tiyamamu helohutu odito olo, tou̒ watia lolao olimongolio lonto Kades-Barnea u lonao̒ demola tataa-mbatiyalo u molamingo udiila gambangi nao̒olo tolipu boito. 9Timongolio malei dungga ode Lumbaya Eskol wau maloo̒onto olo huta boito. Bo tou̒ timongolio luli lohualingai, timongolio helohutu bangusa lo Isirai̒lu yiloohe u tumumuwotao̒ ode huta uilohi mai lo Eeya ode limongolio. 10-11Yi malo muluka Eeya tou̒ boito tilinggula Tio lotahuda, ‘Tau-tauwala boito diila tatapu wau molotolo hilao to Olau̒. Masababu uito Wau̒ motadia mai deu̒ monto olimongolio tamaai̒lo umulu dulopulu lotaunu ode yitaato tou̒ timongolio lololaa mao̒ Masiri, diaaluo tamaa tumuwota ode lipu u pilodanti-U̒ mao̒ odelei Abraham, Isihaka wolei Yako.’ 12Ngoa̒amila tau otuhata lohukuumani boito ngopohia tei Kale walae̒e Yepune, taulo Kenas, wau tei Yosua walae̒e Nun, sababu tiomongolio duulota tatapu wau molotolo hilao to Eeya. 13Eeya lomuluka tobangusa lo Isirai̒lu tilinggula Tio lopoluli mao̒ olimongolio lonao̒ ode utoonulalo mao̒ tohuta datahu wau luasi udelita wopato pulu lotaunu mola hiheolio tunggula ngoilanggubu diti tamalo malakala to olio yilate ngoa̒amilalo. 14Wau botia, timongoli momalakala debo odelo mongo tiyamamu! Timongoli memangi ngopolemboa̒ tau-tauwalo odusa tahe lohutu omuluka lo Eeya wali-walihuhu poli tobangusa lo Isirai̒lu! 15Wonu timongoli mobolio̒ diila momandangi to Eeya, yi ngoilanggubu bangusa botie mapoluli-Lio lebe mohiheo tohuta datahu wau luasi udelita, wau timongolilo tamoo̒ sababu obobinasa limongolio!”
16Lapatao̒ tau-tauwalo lei Ruben wau tau-tauwalo lei Gad boito lohimbideo̒ olei Musa wau loloi̒ya, “Opiohelio amiaati meimulo momongu mao̒ lalaa-ntungaalo u odingingo meeseli ode lamiaatia, wau kokoo-tawaalo obintengi ode walao̒ wau dile lamiaatia. 17Amiaatia mamo tidapa-dapato u hua̒a mota mopaatea pee̒-pee̒enta wolo mongo wutato lamiaati. Amiaatia mamo titau̒wa u moluhu wau modelo olimongolio tumuwota ode lipu umowali miliki limongolio. Sambela uito walao̒ wau dile lamiaatia mowali motibiluloa̒ tewe, to kokoo-tawaalo obintengi, aamani monto luhua lotuango lipu botie. 18Amiaatia diila tamo hualingo ode bele lamiaatia tou̒ ngoa̒amila taulo Isirai̒lu ohuta u mowali miliki pusakaalio. 19Amiaatia diila mohuto mololimo penu boli ngoi̒di mao̒ monto huta limongolio to ngotuali lo Dutulaa Yordan, sababu malo lolimo tayadu lamiaatia tewe, to ambahu tiimuru lo Dutulaa Yordan.”
20Tametao̒ lei Musa, “Wonu timongoli tio̒otutua ohilaa motidapa-dapato u motuuhua duo̒lo Eeya, 21wau ngoa̒amila towolota limongoli tamowali mopaatea mobalangao̒ Dutulaa Yordan, wau totibawa tau̒wa lo Eeya moluhu mumuu-suwaalo tunggula Eeya mopolahi olimongolio, 22tilinggula lipu boito taa̒aluku to Olio, yi timongoli mowali mohualingo, wau malo lopato timongoli monto uwajibu olimongoli ode Eeya wau ode mongo wutatumu, wau Eeya mamongohi mai huta to ambahu tiimuru botie mowali milikiimu. 23Bo eelai mao̒, wonu timongoli diila moe̒elao̒ dantimu, timongoli odusa to Eeya wau mamoo̒tapu hukuumani sababu dusamu boito. 24Ponao̒lo potihula mao̒ kokoo-tawaalo wan lalaa-ntungaalo himba limongoli, wau diila mao̒ palonga moe̒elao̒ wolo u mapilodanti limongoli boito!”
25Lapatao̒ tau-tauwalo lei Gad wau tau-tauwalo lei Ruben loloi̒ya mao̒, “Tuani, amiaatia mamohutu mao̒ wolo upilo malentao̒ li Tuani. 26Walao̒ wau dile lamiaatia wau bibiahu sapi wau himba lamiaatia mamotitola mao̒ tewe, to kokoo-tawaalo Gilead. 27Bo amiaatia botie dapa-dapato u mota motuuhua to tau̒wa lo Eeya. Amiaatia mamo balango Dutulaa Yordan wau mopaatea debo odelo u mailoi̒ya mao̒ li Tuani.”
28Yi tei Musa longohi mao̒ palenta botie odeli Iimamu Eleajar, Yosua wau mongo tau̒wa lo Isirai̒lu, 29“Wonu tau-tauwalo lei Gad wau tau-tauwalo lei Ruben modudua̒ palenta lo Eeya wau mobalangao̒ Dutulaa Yordan mota mopaatea, wau wonu to bubantu limongolio timongoli ohaasili mohama lipu boito, yi huta lo Gilead musi wohi mao̒ limongoli ode limongolio mowali miliki limongolio. 30Bo wonu timongolio diila mobalangao̒ Dutulaa Yordan mota mopaatea pee̒-pee̒enta woli mongoli, yi timongolio musi mololimo mao̒ tayadu huta pusaka tolipu lo Kanaa̒n, tutuuwauwa debo odelo timongoli.”
31Tametao̒ lotau-tauwalo lei Gad wau tau-tauwalo lei Ruben, “Tuani, amiaatia mamohutu mao̒ wolo upilo malentai lo Eeya. 32To tau̒wa lo Eeya amiaatia mamo balanga ode lipu lo Kanaa̒n wau momaju mopaatea, bo mamusi huta to ambahu tiimuru lo Dutulaa Yordan botie debo mowali miliki lamiaatia.”
33Lapatao̒ tei Musa lohudu mao̒ ode susuu-kuwaalo Gad wau Ruben wau ngobutao̒ duluo suku Manasye ngoilanggubu madala Sihon, olongia Amori, wau madala Og, olongia Basan, leituwoto kokoo-tawaalo wau huta topalitio. 34Suku Gad luli lomongu kota Dibon, Atarot, Aroer, 35Atarot-Sopana, Yaejer, Yogbeha, 36Bet-Nimra, wau Bet-Haran odelo kokoo-tawaalo obintengi wau odelo tambati lalaa-ntungaalo himba. 37Suku Ruben luli lomongu kokoo-tawaalo Hesybon, Eleale, Kiryataim, 38Nebo, Baal-Meon, wau Sebam. Kokoo-tawaalo u luli pilotihuli mongolio boito tiluloo̒ limongolio tanggulio.
39Kaumu Makhir, walae̒e Manasye, loluhu huta lo Gilead, lapatao̒ lohama mao̒ wau lopolahi tau-tauwalo Amori tawoluo mota teto. 40Sababu uito tei Musa longohi mao̒ huta lo Gilead ode kaumu Makhir wau timongolio lotitatapu mota teto. 41Tei Yair, lonto suku Manasye, loluhu wau lohama dengolo kambungu, lapatao̒ longunte mao̒ “Kakaa-mbunguwalo lei Yair”. 42Tei Nobah loluhu wau lohama Kenat wolo kakaa-mbunguwalo topalitio, lapatao̒ longunte mao̒ Nobah, lodudua̒ tanggulio lohihilao.
Currently Selected:
YIA̒APO 32: LAIGOR
Highlight
Copy
Compare
Share
Want to have your highlights saved across all your devices? Sign up or sign in
YIA̒APO 32
32
Susuu-kuwaalo bangusa lo Isirai̒lu to ambahu tiimuru lo Dutulaa Yordan
(Tin. 3:12-22)
1Susuu-kuwaalo Ruben wau Gad obibiahu laba-labaalo daatalio. Tou̒ timongolio loo̒onto mao̒ donggo boli piohio huta lo Yaejer wau huta lo Gilead u pomiyahelo, 2yi malono̒ mota timongolio lotaalua wolei Musa, Iimamu Eleajar, wau mongo tau̒wa wewolio lonto Isirai̒lu. Uali mongolio mao̒, 3-4“Huta lo kokoo-tawaalo Atarot, Dibon, Yaejer, Nimra, Hesybon, Eleale, Sebam, Nebo wau Beon u mahiluloa̒ lo Isirai̒lu wolo tilulungia mai lo Eeya, mopiohe daa̒ u pomiyahelo. Wau sababu bibiahu lamiaatia dadaata daa̒, 5yi amiaatia momolohone alihu huta botie wudua mai ode lamiaatia mowali miliki lamiaatiatia. Diila mao̒ pei̒ limbata amiaatia ode ngotuali lo Dutulaa Yordan.”
6Tametao̒ lei Musa, “Diila pongalo aakali timongoli ohilaa motibiluloa̒a tewe, hiambola tau-tauwalo ngobangusamu mota mopaatea? 7Yilongola timongoli ohilaa mohutu bangusa lo Isirai̒lu moohe u mobalanga Dutulaa Yordan wau tumuwota ode lipu uilohi mai lo Eeya ode limongolio? 8Mongo tiyamamu helohutu odito olo, tou̒ watia lolao olimongolio lonto Kades-Barnea u lonao̒ demola tataa-mbatiyalo u molamingo udiila gambangi nao̒olo tolipu boito. 9Timongolio malei dungga ode Lumbaya Eskol wau maloo̒onto olo huta boito. Bo tou̒ timongolio luli lohualingai, timongolio helohutu bangusa lo Isirai̒lu yiloohe u tumumuwotao̒ ode huta uilohi mai lo Eeya ode limongolio. 10-11Yi malo muluka Eeya tou̒ boito tilinggula Tio lotahuda, ‘Tau-tauwala boito diila tatapu wau molotolo hilao to Olau̒. Masababu uito Wau̒ motadia mai deu̒ monto olimongolio tamaai̒lo umulu dulopulu lotaunu ode yitaato tou̒ timongolio lololaa mao̒ Masiri, diaaluo tamaa tumuwota ode lipu u pilodanti-U̒ mao̒ odelei Abraham, Isihaka wolei Yako.’ 12Ngoa̒amila tau otuhata lohukuumani boito ngopohia tei Kale walae̒e Yepune, taulo Kenas, wau tei Yosua walae̒e Nun, sababu tiomongolio duulota tatapu wau molotolo hilao to Eeya. 13Eeya lomuluka tobangusa lo Isirai̒lu tilinggula Tio lopoluli mao̒ olimongolio lonao̒ ode utoonulalo mao̒ tohuta datahu wau luasi udelita wopato pulu lotaunu mola hiheolio tunggula ngoilanggubu diti tamalo malakala to olio yilate ngoa̒amilalo. 14Wau botia, timongoli momalakala debo odelo mongo tiyamamu! Timongoli memangi ngopolemboa̒ tau-tauwalo odusa tahe lohutu omuluka lo Eeya wali-walihuhu poli tobangusa lo Isirai̒lu! 15Wonu timongoli mobolio̒ diila momandangi to Eeya, yi ngoilanggubu bangusa botie mapoluli-Lio lebe mohiheo tohuta datahu wau luasi udelita, wau timongolilo tamoo̒ sababu obobinasa limongolio!”
16Lapatao̒ tau-tauwalo lei Ruben wau tau-tauwalo lei Gad boito lohimbideo̒ olei Musa wau loloi̒ya, “Opiohelio amiaati meimulo momongu mao̒ lalaa-ntungaalo u odingingo meeseli ode lamiaatia, wau kokoo-tawaalo obintengi ode walao̒ wau dile lamiaatia. 17Amiaatia mamo tidapa-dapato u hua̒a mota mopaatea pee̒-pee̒enta wolo mongo wutato lamiaati. Amiaatia mamo titau̒wa u moluhu wau modelo olimongolio tumuwota ode lipu umowali miliki limongolio. Sambela uito walao̒ wau dile lamiaatia mowali motibiluloa̒ tewe, to kokoo-tawaalo obintengi, aamani monto luhua lotuango lipu botie. 18Amiaatia diila tamo hualingo ode bele lamiaatia tou̒ ngoa̒amila taulo Isirai̒lu ohuta u mowali miliki pusakaalio. 19Amiaatia diila mohuto mololimo penu boli ngoi̒di mao̒ monto huta limongolio to ngotuali lo Dutulaa Yordan, sababu malo lolimo tayadu lamiaatia tewe, to ambahu tiimuru lo Dutulaa Yordan.”
20Tametao̒ lei Musa, “Wonu timongoli tio̒otutua ohilaa motidapa-dapato u motuuhua duo̒lo Eeya, 21wau ngoa̒amila towolota limongoli tamowali mopaatea mobalangao̒ Dutulaa Yordan, wau totibawa tau̒wa lo Eeya moluhu mumuu-suwaalo tunggula Eeya mopolahi olimongolio, 22tilinggula lipu boito taa̒aluku to Olio, yi timongoli mowali mohualingo, wau malo lopato timongoli monto uwajibu olimongoli ode Eeya wau ode mongo wutatumu, wau Eeya mamongohi mai huta to ambahu tiimuru botie mowali milikiimu. 23Bo eelai mao̒, wonu timongoli diila moe̒elao̒ dantimu, timongoli odusa to Eeya wau mamoo̒tapu hukuumani sababu dusamu boito. 24Ponao̒lo potihula mao̒ kokoo-tawaalo wan lalaa-ntungaalo himba limongoli, wau diila mao̒ palonga moe̒elao̒ wolo u mapilodanti limongoli boito!”
25Lapatao̒ tau-tauwalo lei Gad wau tau-tauwalo lei Ruben loloi̒ya mao̒, “Tuani, amiaatia mamohutu mao̒ wolo upilo malentao̒ li Tuani. 26Walao̒ wau dile lamiaatia wau bibiahu sapi wau himba lamiaatia mamotitola mao̒ tewe, to kokoo-tawaalo Gilead. 27Bo amiaatia botie dapa-dapato u mota motuuhua to tau̒wa lo Eeya. Amiaatia mamo balango Dutulaa Yordan wau mopaatea debo odelo u mailoi̒ya mao̒ li Tuani.”
28Yi tei Musa longohi mao̒ palenta botie odeli Iimamu Eleajar, Yosua wau mongo tau̒wa lo Isirai̒lu, 29“Wonu tau-tauwalo lei Gad wau tau-tauwalo lei Ruben modudua̒ palenta lo Eeya wau mobalangao̒ Dutulaa Yordan mota mopaatea, wau wonu to bubantu limongolio timongoli ohaasili mohama lipu boito, yi huta lo Gilead musi wohi mao̒ limongoli ode limongolio mowali miliki limongolio. 30Bo wonu timongolio diila mobalangao̒ Dutulaa Yordan mota mopaatea pee̒-pee̒enta woli mongoli, yi timongolio musi mololimo mao̒ tayadu huta pusaka tolipu lo Kanaa̒n, tutuuwauwa debo odelo timongoli.”
31Tametao̒ lotau-tauwalo lei Gad wau tau-tauwalo lei Ruben, “Tuani, amiaatia mamohutu mao̒ wolo upilo malentai lo Eeya. 32To tau̒wa lo Eeya amiaatia mamo balanga ode lipu lo Kanaa̒n wau momaju mopaatea, bo mamusi huta to ambahu tiimuru lo Dutulaa Yordan botie debo mowali miliki lamiaatia.”
33Lapatao̒ tei Musa lohudu mao̒ ode susuu-kuwaalo Gad wau Ruben wau ngobutao̒ duluo suku Manasye ngoilanggubu madala Sihon, olongia Amori, wau madala Og, olongia Basan, leituwoto kokoo-tawaalo wau huta topalitio. 34Suku Gad luli lomongu kota Dibon, Atarot, Aroer, 35Atarot-Sopana, Yaejer, Yogbeha, 36Bet-Nimra, wau Bet-Haran odelo kokoo-tawaalo obintengi wau odelo tambati lalaa-ntungaalo himba. 37Suku Ruben luli lomongu kokoo-tawaalo Hesybon, Eleale, Kiryataim, 38Nebo, Baal-Meon, wau Sebam. Kokoo-tawaalo u luli pilotihuli mongolio boito tiluloo̒ limongolio tanggulio.
39Kaumu Makhir, walae̒e Manasye, loluhu huta lo Gilead, lapatao̒ lohama mao̒ wau lopolahi tau-tauwalo Amori tawoluo mota teto. 40Sababu uito tei Musa longohi mao̒ huta lo Gilead ode kaumu Makhir wau timongolio lotitatapu mota teto. 41Tei Yair, lonto suku Manasye, loluhu wau lohama dengolo kambungu, lapatao̒ longunte mao̒ “Kakaa-mbunguwalo lei Yair”. 42Tei Nobah loluhu wau lohama Kenat wolo kakaa-mbunguwalo topalitio, lapatao̒ longunte mao̒ Nobah, lodudua̒ tanggulio lohihilao.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in