YIA̒APO 31
31
Popaatea polomalasi totaulo Midian
1 Eeya lotahuda mai odelei Musa, 2“Ponao̒owalo polomalasi to taulo Midian sababu wolo u mapilohutu limongolio tobangusa lo Isirai̒lu. Lapatao̒ utio yio̒ maamate.”
3Yi tei Musa loloi̒ya mao̒ ode bangusa lo Isirai̒lu, “Potidapa-dapatolo u mopaatea; timongoli musi moluhu taulo Midian u moponao̒ hukuumani lo Eeya toli mongolio. 4Monto timii̒du suku bangusa lo Isirai̒lu, musi podapata mao̒ limongoli ngolihu lota pajule u momaju mopaatea.”
5Yi tulaotilo ngolihu lota monto timii̒du suku lo Isirai̒lu, ngoa̒amilalo ngojumula mopulaa dulo lihu lota tadapa-dapato u mopaatea. 6Tei Musa lopoa̒hu olimongolio mopaatea pee̒-pee̒enta wolei Pinehas walai̒ Iimamu Eleajar. Tei Pinehas helodelo uu̒u-pangowalo umantali wau totoo-rompetiyalo u longohi tutuu-otalo. 7Tutuuu̒de wolo palenta mai lo Eeya odelei Musa, taulo Isirai̒lu loluhu taulo Midian wau helomate ngoa̒amila mongo lolai̒ yila-yilateelo mao̒, 8leituoto limolota olongia lo Midian, deu̒yito-yito tei Ewi, Rekem, Jur, Hur wolei Reba. Tei Bileam, walae̒e Beor, olo pilatelio yila-yilateelo mao̒.
9Tau-tauwalo Isirai̒lu helo lawalo mongobua wau mongo walao̒ lo Midian, wau ngoa̒amila okokaya limongolio. 10Kokoo-tawaalo wau kekee-mawaalo limongolio olo pilobulio. 11Lapatao̒ uito tau-tauwalo Isirai̒lu helohama ngoa̒amila tilapulo u yilambata boito, leituoto tahi tawalowa wau binatangi, 12lapatao̒ dilelolio mota odelei Musa wau odeli Iimamu Eleajar wau ode ngoilanggubu umati lo Isirai̒lu. Tou̒ boito timongolio donggo hemotikema todatahu lo Moab, tobiihu lo Dutulaa Yordan, totili lokota Yerikho.
Suludadu lo Isirai̒lu luli lohualingo
13Yi tei Musa, ti Iimamu Eleajar wolo ngoa̒amila tau̒wa wewolio lonto umati lo Isirai̒lu yilumualao̒ lonto kema mota lolutulai suludadu lo Isirai̒lu. 14Tei Musa loingo mao̒ tomongo polowila, mongo tau̒wa lo pasuukani wau tau̒wa lo suludadu taboheli lohualingai lonto popaatea. 15Ualio mao̒ ode limongolio, “Yilongola timongoli helo poluli mao̒ mongobua boito hitumula? 16Diila mamongobua boito tahelo dudua̒ nasehati lei Bileam, tilinggula malomiyo umati lo Isirai̒lu to Peor u mololaa mao̒ to Eeya? Wau ui-uitolo uloo̒ toduo mai baala to umati lo Eeya! 17Naa, botia pateyalo mate-mateelo mao̒ timii̒du mongo lolai̒ wau mongobua tadiilalo tadulahu. 18Bo ngoa̒amila mongobua u donggo tadulahu mowali hamaa mao̒ limongoli ode limongoli. 19Wau timongoli ngoa̒amila tamalomate tau yila-yilateelo mao̒ meaalo loo̒dedeta milate musi motitolaa to bulemengo kema ngotilonggadu pituhui mola. Todulahee u otolulio wau u opitulio timongoli wau ngoa̒amila mongobua tatilawalo lomongoli boito musi mohutu mao̒ upacala pomantaliyalo batanga. 20Timii̒du pakeyangi ngopata wau penu boli wolo wambai̒o monto walito, lambuto batade meaalo ayu, musi pomantaliyola olo.”
21Lapatao̒ ti Iimamu Eleajar loloi̒ya mao̒ ode tau-tauwalo taboheli lohualingai lonto popaatea boito, “Uti-utieelo wuwuu-uduwaalo uilohi mai lo Eeya odelei Musa. 22-23Totoonulalo hitua-tuawua udiila mowalimopobu lotulu, debo odelo hulawa, talaa̒, tombaha, wate, timohe moputio̒ wau timohe moitomo, musi pomantaliyola wolo mohutu mao̒ todelomo tulu. Lapatao̒ uu̒u-pangowalo boito musi popoo-mantaliyola olo wolo taluhu lo upacala pomantaliyola alihu diilalo najisi. 24Todulahee u opitulio timongoli musi momoboa̒a pakeyangi limongoli, deu̒ito timongoli diilalo najisi, wau mowali tumuwotao̒ ode delomo kema.”
Tayadu balangi u yilambato
25 Eeya lotahuda mai odelei Musa, 26“Yio̒ woli Iimamu Eleajar, pee̒-pee̒enta wolo mongo tau̒wa wewolio monto umati lo Isirai̒lu, musi moyiyaa̒apao̒ ngoa̒amila u yilambato, leituwoto tahe tilawalo wau binatangi. 27Tilapulo u yilambata boito musi tayade mao̒ limongoli duluo u tutuuwauwa daatalio; ngotayade ode mongo pajule wau ngotayade poli ode umati lebelio. 28Duo̒lo wowohi poheetu ode ola-U̒, Eeya, monto tayadio lomongo pajule boito musi hamaamu mao̒ tuwau monto timii̒du limo lohetuto – mopio monto tau-tauwalo tahe tilawalo, meaambo monto sapi, kolodai, himba wau batade. 29Wudua mao̒ uito odeli Iimamu Eleajar odelo dewo poheetu ode ola-U̒, Eeya. 30Monto tayadu uwohi mao̒ ode umati lo Isirai̒lu, musi hamaamu mao̒ tuwau monto timii̒du limo lopulu, mopio tau-tauwalo tahe tilawalo, meaambo monta sapi, kolodai, himba wau batade. Wuduawalo ngoa̒amilalo boito ode taulo Lewi tamo nguulusi Kema-U̒.” 31Tei Musa woli Iimamu Eleajar helohutu mao̒ debo odelo upilo malentao̒ lo Eeya.
32-35Ngopohia u mahilama mao̒ lomongo pajule ode limongolio lohihilao, tilapulo u yilambata boito ngojumula: 675.000 himba wau batade, 72.000 sapi, 61.000 kolodai wau 32.000 lota tadulahu. 36-40Ngobutaa̒ duluo monto jumulaa boito wohi mao̒ ode mongo pajule wolo toyunutio odie: 337.500 himba wau batade, monto jumulaa boito 675 duo̒lo wowohi poheetu ode Eeya; 36.000 sapi, 72 duo̒lo wowohi poheetu ode Eeya; 30.500 kolodai, 61 duo̒lo wowohi poheetu ode Eeya; 16.000 lota tadulahu, 32 lota duo̒lo wowohi poheetu ode Eeya. 41Lapatao̒ wowohi poheetu ode Eeya, debo odelo upilo malentai lo Eeya.
42-46Tayadu ode ulipu tutuuwauwa daatalio wolo tayadu ode pajule: 337.500 himba wau batade, 36.000 sapi, 30.500 kolodai, wau 16.000 lota tadulahu. 47Debo odelo upilo malentai lo Eeya, tei Musa helohama mao̒ tuwau lonto timii̒du limo lopulu lota tawalo wau binatangi, tulusi lohudu mao̒ ode tau-tauwalo Lewi tao̒ tuugasi to Kema lo Eeya.
48Lapatao̒ mongo polowila tamalo titau̒wa to suludadu lo Isirai̒lu, lonao̒ mai odelei Musa 49wau lopo duloheo̒, “Tuani, amiaatia malo yia̒apo mongo pajule totibawa lamiaatia. Malo ilaalo jumulaa limongolio wimu-wimumuto, diaaluo penu boli ngotaa mao̒ tailooli. 50Sababu uito amiaatia lodelo mai papaa-keyaalo hulawa, pateda lo uluu̒, pateda lo oa̒ato, hua̒limo, ante-ante wau maina u mahilama lo tangota-ngota. Ngoa̒amila botie wuduo mao̒ lamiaatia ode Eeya odelo dewo lamiaatia, alihu Eeya debo moduo̒lai olamiaatia.” 51Lapatao̒ tei Musa woli Iimamu Eleajar lololimo mao̒ hulawa boito, ngoa̒amilalo todelomo moodeli lopake. 52Dewo lomongo polowila boito buheetio ngopee̒ dulo hetuto kilo. 53Bo mongo pajule boito ngota-ngota malohama mao̒ tilapulo u yilambata boito ode batanga limongolio lohihilao. 54Yi tei Musa woli Iimamu Eleajar lodelo mota hulawa boito ode Kema lo Eeya alihu Eeya moduo̒lai bangusa lo Isirai̒lu.
Currently Selected:
YIA̒APO 31: LAIGOR
Highlight
Copy
Compare
Share
Want to have your highlights saved across all your devices? Sign up or sign in
YIA̒APO 31
31
Popaatea polomalasi totaulo Midian
1 Eeya lotahuda mai odelei Musa, 2“Ponao̒owalo polomalasi to taulo Midian sababu wolo u mapilohutu limongolio tobangusa lo Isirai̒lu. Lapatao̒ utio yio̒ maamate.”
3Yi tei Musa loloi̒ya mao̒ ode bangusa lo Isirai̒lu, “Potidapa-dapatolo u mopaatea; timongoli musi moluhu taulo Midian u moponao̒ hukuumani lo Eeya toli mongolio. 4Monto timii̒du suku bangusa lo Isirai̒lu, musi podapata mao̒ limongoli ngolihu lota pajule u momaju mopaatea.”
5Yi tulaotilo ngolihu lota monto timii̒du suku lo Isirai̒lu, ngoa̒amilalo ngojumula mopulaa dulo lihu lota tadapa-dapato u mopaatea. 6Tei Musa lopoa̒hu olimongolio mopaatea pee̒-pee̒enta wolei Pinehas walai̒ Iimamu Eleajar. Tei Pinehas helodelo uu̒u-pangowalo umantali wau totoo-rompetiyalo u longohi tutuu-otalo. 7Tutuuu̒de wolo palenta mai lo Eeya odelei Musa, taulo Isirai̒lu loluhu taulo Midian wau helomate ngoa̒amila mongo lolai̒ yila-yilateelo mao̒, 8leituoto limolota olongia lo Midian, deu̒yito-yito tei Ewi, Rekem, Jur, Hur wolei Reba. Tei Bileam, walae̒e Beor, olo pilatelio yila-yilateelo mao̒.
9Tau-tauwalo Isirai̒lu helo lawalo mongobua wau mongo walao̒ lo Midian, wau ngoa̒amila okokaya limongolio. 10Kokoo-tawaalo wau kekee-mawaalo limongolio olo pilobulio. 11Lapatao̒ uito tau-tauwalo Isirai̒lu helohama ngoa̒amila tilapulo u yilambata boito, leituoto tahi tawalowa wau binatangi, 12lapatao̒ dilelolio mota odelei Musa wau odeli Iimamu Eleajar wau ode ngoilanggubu umati lo Isirai̒lu. Tou̒ boito timongolio donggo hemotikema todatahu lo Moab, tobiihu lo Dutulaa Yordan, totili lokota Yerikho.
Suludadu lo Isirai̒lu luli lohualingo
13Yi tei Musa, ti Iimamu Eleajar wolo ngoa̒amila tau̒wa wewolio lonto umati lo Isirai̒lu yilumualao̒ lonto kema mota lolutulai suludadu lo Isirai̒lu. 14Tei Musa loingo mao̒ tomongo polowila, mongo tau̒wa lo pasuukani wau tau̒wa lo suludadu taboheli lohualingai lonto popaatea. 15Ualio mao̒ ode limongolio, “Yilongola timongoli helo poluli mao̒ mongobua boito hitumula? 16Diila mamongobua boito tahelo dudua̒ nasehati lei Bileam, tilinggula malomiyo umati lo Isirai̒lu to Peor u mololaa mao̒ to Eeya? Wau ui-uitolo uloo̒ toduo mai baala to umati lo Eeya! 17Naa, botia pateyalo mate-mateelo mao̒ timii̒du mongo lolai̒ wau mongobua tadiilalo tadulahu. 18Bo ngoa̒amila mongobua u donggo tadulahu mowali hamaa mao̒ limongoli ode limongoli. 19Wau timongoli ngoa̒amila tamalomate tau yila-yilateelo mao̒ meaalo loo̒dedeta milate musi motitolaa to bulemengo kema ngotilonggadu pituhui mola. Todulahee u otolulio wau u opitulio timongoli wau ngoa̒amila mongobua tatilawalo lomongoli boito musi mohutu mao̒ upacala pomantaliyalo batanga. 20Timii̒du pakeyangi ngopata wau penu boli wolo wambai̒o monto walito, lambuto batade meaalo ayu, musi pomantaliyola olo.”
21Lapatao̒ ti Iimamu Eleajar loloi̒ya mao̒ ode tau-tauwalo taboheli lohualingai lonto popaatea boito, “Uti-utieelo wuwuu-uduwaalo uilohi mai lo Eeya odelei Musa. 22-23Totoonulalo hitua-tuawua udiila mowalimopobu lotulu, debo odelo hulawa, talaa̒, tombaha, wate, timohe moputio̒ wau timohe moitomo, musi pomantaliyola wolo mohutu mao̒ todelomo tulu. Lapatao̒ uu̒u-pangowalo boito musi popoo-mantaliyola olo wolo taluhu lo upacala pomantaliyola alihu diilalo najisi. 24Todulahee u opitulio timongoli musi momoboa̒a pakeyangi limongoli, deu̒ito timongoli diilalo najisi, wau mowali tumuwotao̒ ode delomo kema.”
Tayadu balangi u yilambato
25 Eeya lotahuda mai odelei Musa, 26“Yio̒ woli Iimamu Eleajar, pee̒-pee̒enta wolo mongo tau̒wa wewolio monto umati lo Isirai̒lu, musi moyiyaa̒apao̒ ngoa̒amila u yilambato, leituwoto tahe tilawalo wau binatangi. 27Tilapulo u yilambata boito musi tayade mao̒ limongoli duluo u tutuuwauwa daatalio; ngotayade ode mongo pajule wau ngotayade poli ode umati lebelio. 28Duo̒lo wowohi poheetu ode ola-U̒, Eeya, monto tayadio lomongo pajule boito musi hamaamu mao̒ tuwau monto timii̒du limo lohetuto – mopio monto tau-tauwalo tahe tilawalo, meaambo monto sapi, kolodai, himba wau batade. 29Wudua mao̒ uito odeli Iimamu Eleajar odelo dewo poheetu ode ola-U̒, Eeya. 30Monto tayadu uwohi mao̒ ode umati lo Isirai̒lu, musi hamaamu mao̒ tuwau monto timii̒du limo lopulu, mopio tau-tauwalo tahe tilawalo, meaambo monta sapi, kolodai, himba wau batade. Wuduawalo ngoa̒amilalo boito ode taulo Lewi tamo nguulusi Kema-U̒.” 31Tei Musa woli Iimamu Eleajar helohutu mao̒ debo odelo upilo malentao̒ lo Eeya.
32-35Ngopohia u mahilama mao̒ lomongo pajule ode limongolio lohihilao, tilapulo u yilambata boito ngojumula: 675.000 himba wau batade, 72.000 sapi, 61.000 kolodai wau 32.000 lota tadulahu. 36-40Ngobutaa̒ duluo monto jumulaa boito wohi mao̒ ode mongo pajule wolo toyunutio odie: 337.500 himba wau batade, monto jumulaa boito 675 duo̒lo wowohi poheetu ode Eeya; 36.000 sapi, 72 duo̒lo wowohi poheetu ode Eeya; 30.500 kolodai, 61 duo̒lo wowohi poheetu ode Eeya; 16.000 lota tadulahu, 32 lota duo̒lo wowohi poheetu ode Eeya. 41Lapatao̒ wowohi poheetu ode Eeya, debo odelo upilo malentai lo Eeya.
42-46Tayadu ode ulipu tutuuwauwa daatalio wolo tayadu ode pajule: 337.500 himba wau batade, 36.000 sapi, 30.500 kolodai, wau 16.000 lota tadulahu. 47Debo odelo upilo malentai lo Eeya, tei Musa helohama mao̒ tuwau lonto timii̒du limo lopulu lota tawalo wau binatangi, tulusi lohudu mao̒ ode tau-tauwalo Lewi tao̒ tuugasi to Kema lo Eeya.
48Lapatao̒ mongo polowila tamalo titau̒wa to suludadu lo Isirai̒lu, lonao̒ mai odelei Musa 49wau lopo duloheo̒, “Tuani, amiaatia malo yia̒apo mongo pajule totibawa lamiaatia. Malo ilaalo jumulaa limongolio wimu-wimumuto, diaaluo penu boli ngotaa mao̒ tailooli. 50Sababu uito amiaatia lodelo mai papaa-keyaalo hulawa, pateda lo uluu̒, pateda lo oa̒ato, hua̒limo, ante-ante wau maina u mahilama lo tangota-ngota. Ngoa̒amila botie wuduo mao̒ lamiaatia ode Eeya odelo dewo lamiaatia, alihu Eeya debo moduo̒lai olamiaatia.” 51Lapatao̒ tei Musa woli Iimamu Eleajar lololimo mao̒ hulawa boito, ngoa̒amilalo todelomo moodeli lopake. 52Dewo lomongo polowila boito buheetio ngopee̒ dulo hetuto kilo. 53Bo mongo pajule boito ngota-ngota malohama mao̒ tilapulo u yilambata boito ode batanga limongolio lohihilao. 54Yi tei Musa woli Iimamu Eleajar lodelo mota hulawa boito ode Kema lo Eeya alihu Eeya moduo̒lai bangusa lo Isirai̒lu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in