YIA̒APO 3:12-13

“Botia tau-tauwalo Lewi tulaoto-U̒ mao̒ mowali milikii-U̒. Tou̒ Wau̒ helomate yila-yilateelo mao̒ walao̒ tamohuhula daa̒ bangusa lo Masiri, pilopo hetu-U̒ mao̒ ode ola-U̒ ngoa̒amila walao̒ mongo lolai̒ tamohuhula daa̒ taulo Isirai̒lu wau ngoa̒amila bibiahi mongolio ubohulo pilotutu mai. Ngoa̒amilalo boito yito milikii-U̒. Odelo poluloo̒ walao̒ talolai̒ mohuhula daa̒ lo Isirai̒lu. Wau̒ mohama taulo Lewi ode ola-U̒; timongolio mamowali milikii-U̒. Wau̒lo Eeya.”