YIA̒APO 20
20
Popoo-lou̒tiyaalo to Kades
(Pilot. 17:1-7)
1Todelomo hulalo bohulio taulo Isirai̒lu leidungga mola tohuta datahu wau luasi udelita lo Jin wau lotibiluloa̒ to Kades. Ti Miryama yilate wau yilobungio mota teto.
2Todulahee tuwau totambati pilo tikemawa limongolio diaaluo taluhu. Yi malonao̒ mai tau-tauwala boito lotia̒mbu tolei Musa wolei Haruna, 3sambela hemobiihu, “Lebe mopioheo̒ humayaalio ami mate totalu lo Eeya pee̒-pee̒enta wolo mongo wutato lami! 4Yilongola timongoli malodelo mai olami ode huta datahu wau luasi udelita botie? Wolo alihu ami mate mao̒ tewe pee̒-pee̒enta wolo bibiahu lami? 5Pongoola limongoli ami madilelo mai limongoli yilumualao̒ lonto Masiri ode tambati lo polodutolo botie udiila mowali pomulowala lolo-loolo? Tewe diaaluo pale, diaaluo bungo lo ayu ara, angguru, wau dalima. Tumabao̒ taluhu u yilumola olo diaaluo!” 6Tei Musa wolei Haruna lonao̒ lolamingao̒ lonto tau-tauwala boito tulusi tilimihula totili lohuhebu Kema lo Eeya. Timongolio losujudu lomola, tulusi tinelo owoluo lo Eeya lolinelai olimongolio.
7 Eeya lotahuda mai odelei Musa, 8“Hamaawa mao̒ tunggudu uwoluo totalu lo Bulua Daantia, lapatao̒ yio̒ wolei Haruna musi mohimoa̒a ngoilanggubu umati. Totalu limongolio ngoa̒amila, yio̒ musi moloi̒ya mao̒ ode huludu botu uwoluo mota teto alihu mopentelai taluhu. Odi-odieelo mola yio̒ mopolualao̒ taluhu monto huludu botu boito alihu ulipu wau bibiahu limongolio mowali mongilu.” 9Yi malonao̒ mota tei Musa lohama mai tunggu boito debo odelo upilo malentao̒ lo Eeya.
10Tei Musa wolei Haruna malo himoa̒a ngoilanggubu umati totalu lohuludu botu boito. Lapatao̒ tei Musa loloi̒ya, “Dungohi mai, wuu kaumu tamoo-malakalawa! Wolo ami musi mopolualai taluhu monto huludu botu botie ode limongoli?” 11Lapatao̒ tei Musa lomintaa̒a mola tunggudu boito wau lopo humbadeo̒ tohuludu botu boito poo̒oluo. Yi malo pentelai taluhu lou̒ moo̒ohuu̒, tilinggula ngoa̒amila tau wau bibiahu loo̒wiilu.
12Bo Eeya lodini olei musa wolei Haruna, tahudaa-Lio, “Sababu timongoli diila boti palacaya ola-U̒ u lopoi̒laalo mai kawasaa-U̒ umantali totalu bangusa lo Isirai̒lu, timongoli diila tamodelo olimongolio tumuwota ode lipu u pilodanti-U̒ mai ode limongolio.”
13Ui-uitolo butu lotaluhu Meriba. Totambati boito tau-tauwalo Isirai̒lu helobiihu ode Eeya, wau mota teto olo Eeya lopo bilohei kawasaa-Lio umantali ode bangusa boito.
Olongia lo Edom diila lopoluli bangusa lo Isirai̒lu lumaode
14Lapatao̒ lonto Kades, tei Musa malolao mongo utolia mola lotaalua woli olongia lo Edom. Uali mongolio mao̒, “Amiaatia lonto suku Isirai̒lu tadonggo owumbuta wutato woli Tuaniu̒. Ti Tuaniu̒ tanu motota polodutolo ulotoduo mai olamiaatia. 15Nenemoya lamiaatia malonao̒ mola ode Masiri wau lotitatapu mola teto heo̒ taataunua mola hiheolio. Loluhuru lamiaatia wau amiaatia mapilohutu taulo Masiri lou̒ diila mopiohe, 16wau amiaatia longiibode mola to Eeya lei̒tulungi mai. Eeya malo dungohe wuwaatii̒ lamiaatia wau lolao mai ngotaalio lo malai̒kati. Malai̒kati boito malodelo olamiaatia yilumualao̒ lonto Masiri. Botia amiaatia woluo to Kades, kota tuwau to sipatana lomadala li Tuaniu̒. 17Amiaatia momolohone potala ti Tuaniu̒ mopoluli mao̒ amiaatia molibaya tolipu botie. Amiaatia wau Bibiahu lamiaatia diila tamohei monto dalala wau diila tatumuwota ode hahaa-laboluwalo meaalo ode ii̒i-lengiyalo angguru. Amiaatia diila tamongilu taluhu monto aa̒a-liyaalo li Tuaniu̒. Amiaatia monao̒ todalalo daa̒ wambai̒o tunggula amiaatia lumualao̒ monto lipu li Tuaniu̒.”
18Bo taulo Edom lolametao̒, “Timongoli diila tawohi lami molibaya tomadala lami. Wonu timongoli laba-labalo buheli, ami mamoluhu olimongoli!”
19Taulo Isirai̒lu loloi̒ya mao̒, “Ami mamonao̒ molibaya todalala daa̒, wau wonu ami wau bibiahu lami mongilu mao̒ taluhumu, mabayalia lami. Ami bo ohilaa lumaodeo̒.”
20Taulo Edom luli loloi̒ya mao̒, “Diila mowali!” Lapatao̒ timongolio mailumualao̒ wolo suludadu tahi lootola u loluhu taulo Isirai̒lu. 21Yi taulo Isirai̒lu malobale wau lololohe dalalo wewo sababu diila yilohi taulo Edomo molibaya tomadala limongolio.
Tei Haruna yilate
22Ngoilanggubu umati lo Isirai̒lu lololaa mao̒ Kades lapatao̒ malei dungga mola to hui̒dee Hor, 23to sipatana lo Edom. Mota teto Eeya lotahuda mai odelei Musa wolei Haruna, 24“Tei Haruna diila tatumuwoto ode lipu u mapilo danti-U̒ mai ode bangusa lo Isirai̒lu; tio maamate sababu timongoli duulota maloluwali palentaa-U̒ totili butu lotaluhu Meriba. 25Delowalo tei Haruna wolei Eleajar, motao̒de mola Hui̒dee Hor. 26Yinggila mao̒ pakeyangi lei Haruna wau popakea mao̒ tolei Eleajar. Tei Haruna maamate totambati boito.” 27Tei Musa malohutu mao̒ wolo upilo malentao̒ lo Eeya. Tei Musa, tei Haruna wolei Eleajar lotao̒de mola Hui̒dee Hor silakusia lo ngoilanggubu umati. 28Lapatao̒ tei Musa lopo lopatao̒ pakeyangi lei Haruna wau lopopake mao̒ odelei Eleajar. To bolitutuo̒ hui̒dee boito tei Haruna yilate, lapatao̒ tei Musa wolei Eleajar luli lotuhataa mola. 29Ngoilanggubu umati loo̒dungohe deu̒ tei Haruna mailate, wau timongolio ngoa̒amila lotilimi to olio tolo puluhui mola hiheolio.
Currently Selected:
YIA̒APO 20: LAIGOR
Highlight
Copy
Compare
Share
Want to have your highlights saved across all your devices? Sign up or sign in
YIA̒APO 20
20
Popoo-lou̒tiyaalo to Kades
(Pilot. 17:1-7)
1Todelomo hulalo bohulio taulo Isirai̒lu leidungga mola tohuta datahu wau luasi udelita lo Jin wau lotibiluloa̒ to Kades. Ti Miryama yilate wau yilobungio mota teto.
2Todulahee tuwau totambati pilo tikemawa limongolio diaaluo taluhu. Yi malonao̒ mai tau-tauwala boito lotia̒mbu tolei Musa wolei Haruna, 3sambela hemobiihu, “Lebe mopioheo̒ humayaalio ami mate totalu lo Eeya pee̒-pee̒enta wolo mongo wutato lami! 4Yilongola timongoli malodelo mai olami ode huta datahu wau luasi udelita botie? Wolo alihu ami mate mao̒ tewe pee̒-pee̒enta wolo bibiahu lami? 5Pongoola limongoli ami madilelo mai limongoli yilumualao̒ lonto Masiri ode tambati lo polodutolo botie udiila mowali pomulowala lolo-loolo? Tewe diaaluo pale, diaaluo bungo lo ayu ara, angguru, wau dalima. Tumabao̒ taluhu u yilumola olo diaaluo!” 6Tei Musa wolei Haruna lonao̒ lolamingao̒ lonto tau-tauwala boito tulusi tilimihula totili lohuhebu Kema lo Eeya. Timongolio losujudu lomola, tulusi tinelo owoluo lo Eeya lolinelai olimongolio.
7 Eeya lotahuda mai odelei Musa, 8“Hamaawa mao̒ tunggudu uwoluo totalu lo Bulua Daantia, lapatao̒ yio̒ wolei Haruna musi mohimoa̒a ngoilanggubu umati. Totalu limongolio ngoa̒amila, yio̒ musi moloi̒ya mao̒ ode huludu botu uwoluo mota teto alihu mopentelai taluhu. Odi-odieelo mola yio̒ mopolualao̒ taluhu monto huludu botu boito alihu ulipu wau bibiahu limongolio mowali mongilu.” 9Yi malonao̒ mota tei Musa lohama mai tunggu boito debo odelo upilo malentao̒ lo Eeya.
10Tei Musa wolei Haruna malo himoa̒a ngoilanggubu umati totalu lohuludu botu boito. Lapatao̒ tei Musa loloi̒ya, “Dungohi mai, wuu kaumu tamoo-malakalawa! Wolo ami musi mopolualai taluhu monto huludu botu botie ode limongoli?” 11Lapatao̒ tei Musa lomintaa̒a mola tunggudu boito wau lopo humbadeo̒ tohuludu botu boito poo̒oluo. Yi malo pentelai taluhu lou̒ moo̒ohuu̒, tilinggula ngoa̒amila tau wau bibiahu loo̒wiilu.
12Bo Eeya lodini olei musa wolei Haruna, tahudaa-Lio, “Sababu timongoli diila boti palacaya ola-U̒ u lopoi̒laalo mai kawasaa-U̒ umantali totalu bangusa lo Isirai̒lu, timongoli diila tamodelo olimongolio tumuwota ode lipu u pilodanti-U̒ mai ode limongolio.”
13Ui-uitolo butu lotaluhu Meriba. Totambati boito tau-tauwalo Isirai̒lu helobiihu ode Eeya, wau mota teto olo Eeya lopo bilohei kawasaa-Lio umantali ode bangusa boito.
Olongia lo Edom diila lopoluli bangusa lo Isirai̒lu lumaode
14Lapatao̒ lonto Kades, tei Musa malolao mongo utolia mola lotaalua woli olongia lo Edom. Uali mongolio mao̒, “Amiaatia lonto suku Isirai̒lu tadonggo owumbuta wutato woli Tuaniu̒. Ti Tuaniu̒ tanu motota polodutolo ulotoduo mai olamiaatia. 15Nenemoya lamiaatia malonao̒ mola ode Masiri wau lotitatapu mola teto heo̒ taataunua mola hiheolio. Loluhuru lamiaatia wau amiaatia mapilohutu taulo Masiri lou̒ diila mopiohe, 16wau amiaatia longiibode mola to Eeya lei̒tulungi mai. Eeya malo dungohe wuwaatii̒ lamiaatia wau lolao mai ngotaalio lo malai̒kati. Malai̒kati boito malodelo olamiaatia yilumualao̒ lonto Masiri. Botia amiaatia woluo to Kades, kota tuwau to sipatana lomadala li Tuaniu̒. 17Amiaatia momolohone potala ti Tuaniu̒ mopoluli mao̒ amiaatia molibaya tolipu botie. Amiaatia wau Bibiahu lamiaatia diila tamohei monto dalala wau diila tatumuwota ode hahaa-laboluwalo meaalo ode ii̒i-lengiyalo angguru. Amiaatia diila tamongilu taluhu monto aa̒a-liyaalo li Tuaniu̒. Amiaatia monao̒ todalalo daa̒ wambai̒o tunggula amiaatia lumualao̒ monto lipu li Tuaniu̒.”
18Bo taulo Edom lolametao̒, “Timongoli diila tawohi lami molibaya tomadala lami. Wonu timongoli laba-labalo buheli, ami mamoluhu olimongoli!”
19Taulo Isirai̒lu loloi̒ya mao̒, “Ami mamonao̒ molibaya todalala daa̒, wau wonu ami wau bibiahu lami mongilu mao̒ taluhumu, mabayalia lami. Ami bo ohilaa lumaodeo̒.”
20Taulo Edom luli loloi̒ya mao̒, “Diila mowali!” Lapatao̒ timongolio mailumualao̒ wolo suludadu tahi lootola u loluhu taulo Isirai̒lu. 21Yi taulo Isirai̒lu malobale wau lololohe dalalo wewo sababu diila yilohi taulo Edomo molibaya tomadala limongolio.
Tei Haruna yilate
22Ngoilanggubu umati lo Isirai̒lu lololaa mao̒ Kades lapatao̒ malei dungga mola to hui̒dee Hor, 23to sipatana lo Edom. Mota teto Eeya lotahuda mai odelei Musa wolei Haruna, 24“Tei Haruna diila tatumuwoto ode lipu u mapilo danti-U̒ mai ode bangusa lo Isirai̒lu; tio maamate sababu timongoli duulota maloluwali palentaa-U̒ totili butu lotaluhu Meriba. 25Delowalo tei Haruna wolei Eleajar, motao̒de mola Hui̒dee Hor. 26Yinggila mao̒ pakeyangi lei Haruna wau popakea mao̒ tolei Eleajar. Tei Haruna maamate totambati boito.” 27Tei Musa malohutu mao̒ wolo upilo malentao̒ lo Eeya. Tei Musa, tei Haruna wolei Eleajar lotao̒de mola Hui̒dee Hor silakusia lo ngoilanggubu umati. 28Lapatao̒ tei Musa lopo lopatao̒ pakeyangi lei Haruna wau lopopake mao̒ odelei Eleajar. To bolitutuo̒ hui̒dee boito tei Haruna yilate, lapatao̒ tei Musa wolei Eleajar luli lotuhataa mola. 29Ngoilanggubu umati loo̒dungohe deu̒ tei Haruna mailate, wau timongolio ngoa̒amila lotilimi to olio tolo puluhui mola hiheolio.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in