YIA̒APO 19
19
Sapi meela u yilalango
1 Eeya lomalentai olei Musa wolei Haruna 2u mongohi wuwuu-uduwaalo botie ode bangusa lo Isirai̒lu: Hamaawa mao̒ sapi meela bilango tuwau udiila otailio wau diipo pee̒enta mao̒ pilomake u momota dudetohu. 3Wudua mao̒ sapi boito odeli Iimamu Eleajar. Binatangi boito musi deloola ode bulemengo kema tulusi olotolo totalu li iimamu. 4Lapatao̒ ti Iimamu Eleajar musi mohama mao̒ ngoi̒di duhu lo binatangi boito wau mopo mutatao̒ poo̒opitu ode ambahu Kema lo Eeya. 5Ngoilanggubu binatangi boito, tuwo-tuwoto walito, tapu, duhu wau tuango ombongio, musi lalangolo totalu li iimamu. 6Wumbutio mola ti iimamu mohama mao̒ ngoi̒di ayu aarasi, ngopangge hisop wau ngolintidu tali meela, lapatao̒ mopo mahulao̒ ode delomo tulu udonggo hemo lalango sapi meela boito. 7Lapatao̒ ti iimamu musi momoboa̒ao̒ pakeyangilio wau molihu. Lapatao̒ uito tio mowali tumuwotao̒ ode delomo kema, bo tio donggo najisi tunggula dulahee tumolopaa mota. 8Taa u molalango sapi boito olo musi momoboa̒a pakeyangilio wau molihu; tio olo donggo najisi tunggula dulahee tumolopaa mota. 9Lapatao̒ tahingota-ngotaawa tadiila najisi musi mohimoa̒a waahu losapi boito wau mopodutu mao̒ totambati ubelesi to bulemengo kema. Waahu boito tahuwola mota teto alihu umati lo Isirai̒lu mowali momake u mohutu mao̒ taluhu upacala pomantaliyalo duo̒lo polulutalo dusa. 10Taa u mohimoa̒a waahu losapi boito musi momoboa̒a pakeyangilio, bo diila najisi tunggula dulahee tumolopaa mota. Wuu̒du boito pohu-pohutu u ohiheo-hiheolo mao̒, mopio ode taulo Isirai̒lu meaambo ode tau deli tabilu-biluloa̒ tohuungi mongolio.
Modedeta milate
11Taa u otuhata lomilate mowali najisi ngotilonggadu pituhui mola. 12Todulahee u otolulio wau u opitulio tio musi mopo mantali batanga wolo taluhu upacala; duu̒ito tio belesi. Bo wonu todulahee u otolulio wau u opitulio tio diila mopobelesi mao̒ batanga, yi tio debo najisi. 13Taa u otuhata lomilate wau diila mopo mantali batanga yito najisi, sababu tio diipo biluhuta wolo taluhu upacala. Tio moponajisi Kema lo Eeya wau sababu uito diilalo anggapuola pongawaa̒ umati lo Allahu Taa̒ala.
14Wonu bolo tahingota-ngotaawa mate todelomo kema ngowale, penu boli tatoonu wambaio tawoluo todelomo kema boito meaalo tumuwotao̒ ode delomio, mowali najisi ngotilonggadu pituhui mola. 15Ngoa̒amila ginti wau ulongo u diaaluo tau̒bio olo mowali najisi. 16Ngota-ngota tao̒tuhata lotaa upilatelio yila-yilateelo mao̒, meaalo tailate lohihilao to halabolu, mowali najisi ngotilonggadu pituhui mola. Odito olo taa u modedeta kuubulu meaalo tulalo lotaa yilate.
17U mopomantali mao̒ taa unajisi boito, musi hamaalo ngoi̒di wahu monto sapi bilango meela u mailalango duo̒lo polulutaalo dusa. Wahu boito musi potuotolo ode delomo ulongo tuwau, lapatao̒ wohiyalo taluhu u hamaalo monto tuluhu utolo-tolohu. 18Todelomo sua̒li ubohulio, deu̒yito-yito wonu woluo taa umate todelomo kema, taa u diila najisi musi mohama mao̒ ngopangge hisop, mopolomo mao̒ todelomo taluhu boito, lapatao̒ momipia̒ao̒ tokema boito wau totoonulalo u hitua-tuawua uwoluo todelomio, wau olo ode tau-tauwalo tawoluo mota teto. Todelomo u oluolio, deu̒yito-yito wonu bolo tahingota-ngotaawa otuhata lomilate, kuubulu meaalo tulalo lotaa yilate, yi taa udiila najisi musi momipia̒ao̒ ode taa unajisi boito wolo dudelo u tutuuwauwa olo. 19Tio musi momipia̒ao̒ todulahee u otolulio wau todulahee u opitulio. Todulahee u opitulio boito yilapatolo mola upacala pomantaliyalo taa unajisi boito. Tau boito musi momoboa̒a pakeyangilio wau molihu. Tumulalo mai dulahu tumolopaa mota tio mowali belesi.
20Taa umowali najisi wau diila mohutu mao̒ upacala pomantaliyalo batanga, debo najisi sababu diipo tiloohe wolo taluhu upacala. Tio moponajisi Kema lo Eeya, wau diilalo anggapuolo pongawaa̒ umati lo Allahu Taa̒ala. 21Wuu̒du boito pohu-pohutu u ohiheo-hiheolo mao̒. Taa u mopomipio̒ taluhu lo upacala boito olo musi momoboa̒a pakeyangilio, wau taa u otuhata lotaluhu boito mowali najisi dilumutu dulahu tumolopaa mota. 22Balangi u odedeta lotaa unajisi boito mowali najisi, wau taawewo u modedetao̒ mowali najisi olo dilumutu dulahu tumolopaa mota.
Currently Selected:
YIA̒APO 19: LAIGOR
Highlight
Copy
Compare
Share
Want to have your highlights saved across all your devices? Sign up or sign in
YIA̒APO 19
19
Sapi meela u yilalango
1 Eeya lomalentai olei Musa wolei Haruna 2u mongohi wuwuu-uduwaalo botie ode bangusa lo Isirai̒lu: Hamaawa mao̒ sapi meela bilango tuwau udiila otailio wau diipo pee̒enta mao̒ pilomake u momota dudetohu. 3Wudua mao̒ sapi boito odeli Iimamu Eleajar. Binatangi boito musi deloola ode bulemengo kema tulusi olotolo totalu li iimamu. 4Lapatao̒ ti Iimamu Eleajar musi mohama mao̒ ngoi̒di duhu lo binatangi boito wau mopo mutatao̒ poo̒opitu ode ambahu Kema lo Eeya. 5Ngoilanggubu binatangi boito, tuwo-tuwoto walito, tapu, duhu wau tuango ombongio, musi lalangolo totalu li iimamu. 6Wumbutio mola ti iimamu mohama mao̒ ngoi̒di ayu aarasi, ngopangge hisop wau ngolintidu tali meela, lapatao̒ mopo mahulao̒ ode delomo tulu udonggo hemo lalango sapi meela boito. 7Lapatao̒ ti iimamu musi momoboa̒ao̒ pakeyangilio wau molihu. Lapatao̒ uito tio mowali tumuwotao̒ ode delomo kema, bo tio donggo najisi tunggula dulahee tumolopaa mota. 8Taa u molalango sapi boito olo musi momoboa̒a pakeyangilio wau molihu; tio olo donggo najisi tunggula dulahee tumolopaa mota. 9Lapatao̒ tahingota-ngotaawa tadiila najisi musi mohimoa̒a waahu losapi boito wau mopodutu mao̒ totambati ubelesi to bulemengo kema. Waahu boito tahuwola mota teto alihu umati lo Isirai̒lu mowali momake u mohutu mao̒ taluhu upacala pomantaliyalo duo̒lo polulutalo dusa. 10Taa u mohimoa̒a waahu losapi boito musi momoboa̒a pakeyangilio, bo diila najisi tunggula dulahee tumolopaa mota. Wuu̒du boito pohu-pohutu u ohiheo-hiheolo mao̒, mopio ode taulo Isirai̒lu meaambo ode tau deli tabilu-biluloa̒ tohuungi mongolio.
Modedeta milate
11Taa u otuhata lomilate mowali najisi ngotilonggadu pituhui mola. 12Todulahee u otolulio wau u opitulio tio musi mopo mantali batanga wolo taluhu upacala; duu̒ito tio belesi. Bo wonu todulahee u otolulio wau u opitulio tio diila mopobelesi mao̒ batanga, yi tio debo najisi. 13Taa u otuhata lomilate wau diila mopo mantali batanga yito najisi, sababu tio diipo biluhuta wolo taluhu upacala. Tio moponajisi Kema lo Eeya wau sababu uito diilalo anggapuola pongawaa̒ umati lo Allahu Taa̒ala.
14Wonu bolo tahingota-ngotaawa mate todelomo kema ngowale, penu boli tatoonu wambaio tawoluo todelomo kema boito meaalo tumuwotao̒ ode delomio, mowali najisi ngotilonggadu pituhui mola. 15Ngoa̒amila ginti wau ulongo u diaaluo tau̒bio olo mowali najisi. 16Ngota-ngota tao̒tuhata lotaa upilatelio yila-yilateelo mao̒, meaalo tailate lohihilao to halabolu, mowali najisi ngotilonggadu pituhui mola. Odito olo taa u modedeta kuubulu meaalo tulalo lotaa yilate.
17U mopomantali mao̒ taa unajisi boito, musi hamaalo ngoi̒di wahu monto sapi bilango meela u mailalango duo̒lo polulutaalo dusa. Wahu boito musi potuotolo ode delomo ulongo tuwau, lapatao̒ wohiyalo taluhu u hamaalo monto tuluhu utolo-tolohu. 18Todelomo sua̒li ubohulio, deu̒yito-yito wonu woluo taa umate todelomo kema, taa u diila najisi musi mohama mao̒ ngopangge hisop, mopolomo mao̒ todelomo taluhu boito, lapatao̒ momipia̒ao̒ tokema boito wau totoonulalo u hitua-tuawua uwoluo todelomio, wau olo ode tau-tauwalo tawoluo mota teto. Todelomo u oluolio, deu̒yito-yito wonu bolo tahingota-ngotaawa otuhata lomilate, kuubulu meaalo tulalo lotaa yilate, yi taa udiila najisi musi momipia̒ao̒ ode taa unajisi boito wolo dudelo u tutuuwauwa olo. 19Tio musi momipia̒ao̒ todulahee u otolulio wau todulahee u opitulio. Todulahee u opitulio boito yilapatolo mola upacala pomantaliyalo taa unajisi boito. Tau boito musi momoboa̒a pakeyangilio wau molihu. Tumulalo mai dulahu tumolopaa mota tio mowali belesi.
20Taa umowali najisi wau diila mohutu mao̒ upacala pomantaliyalo batanga, debo najisi sababu diipo tiloohe wolo taluhu upacala. Tio moponajisi Kema lo Eeya, wau diilalo anggapuolo pongawaa̒ umati lo Allahu Taa̒ala. 21Wuu̒du boito pohu-pohutu u ohiheo-hiheolo mao̒. Taa u mopomipio̒ taluhu lo upacala boito olo musi momoboa̒a pakeyangilio, wau taa u otuhata lotaluhu boito mowali najisi dilumutu dulahu tumolopaa mota. 22Balangi u odedeta lotaa unajisi boito mowali najisi, wau taawewo u modedetao̒ mowali najisi olo dilumutu dulahu tumolopaa mota.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in