YOSUA 16
16
Madala utilunu mao̒ ode Epraim wau Manasye Otolopa
1Pipii-litowaalo sipatana utilunu ode wali mai lei Yusu, tumula mao̒ monto Dutulaa Yordan totili lo Yerikho, ambahu tiimuru bubuu-tuwaalo taluhu lo Yerikho demola huta ohungayo u luasi daa̒. Lonto Yerikho, pilito boito lobotula demola Betel tomadala hihui̒-hui̒dea. 2Lonto Betel, pilito boito dulu-dulunga ode Lus, lolibaya Atarot, deu̒yito-yito tambati biluloa̒ taulo Arki. 3Lonteeto pilito boito dulu-dulunga ode Otolopa ode madala lokaumu Yaplet, demola Bet-Heron-Hilir, tulusi ode Gejer, lapatao̒ lopulita to Lau Tenga.
4Uitolo madala uilohi mao̒ ode suku Manasye wau Epraim, ode wali mai lei Yusu, u lowali huta miliki limongolio.
Suku Epraim
5Wumbutio mola botie yito sisii-patiyaalo huta uilohi ode ngangaa-laa̒awaalo todelomo suku Epraim. To ambahu tiimuru, pilito lo sipatana limongolio tumula mao̒ lonto Atarot-Adar demola Bet-Horon-Hulu, 6lapatao̒ tulusi dulu-dulunga ode Lau Tenga. Mikhmetat woluo to ambahu tilayolio. To ambahu tiimurulio, pilito sipatana boito lobale ode mantahu Taanat-Silo, lapatao̒ molibaya mao̒ monto ambahu tiimuru motidulungo ode Yanoah. 7Monteeto pilito boito molaahe mola ode Atarot wau Naharat, lapatao̒ tulusi lotiduluhe to Yerikho wau lopulita to Dutulaa Yordan. 8To ambahu otolopa, pilito sipatana losuku Epraim boito tumula mao̒ monto Tapuah demola walao̒ Dutulaa Kana, lapatao̒ pulitio to Lau Tenga. Uitolo huta uilohi ode ngangaa-laa̒awaalo suku Epraim, u lowali miliki limongolio, 9tuwotuwoto dengolo kota kekeei̒ wau kambungu u dudutuulio todelomo madala Manasye. 10Bo suku Epraim diila lopolahi taulo Kanaa̒n lonto madala lo Gejer. Uito sababuulio tunggula botia taulo Kanaa̒n donggo hibiluloa̒wa to Gejer pee̒-pee̒enta wolo taulo Epraim, bo timongolio pilakusaalio helo kalaja odelo wato duo̒lo taulo Epraim.
Currently Selected:
YOSUA 16: LAIGOR
Highlight
Copy
Compare
Share
Want to have your highlights saved across all your devices? Sign up or sign in
