Galatia 4
4
“Kinebe Allah aʼburi indewerek mendeat werek o,” yiluk yogisasike wene
1Nagarlagi nirugi o. Wene omanggi yi yokisak. Inombaelak watlagonem ininggi ʼbiluk yi mende ndi mende taʼbokogonat inaʼburi indewerek mendeat, elege inebe awan inarluwe agidek kalok, ap omanggi nen yisi dogolik,
“Elege inebe inarluwe agonem yabunggane wogisagun,” yiluk inanduwanengge mende salek it inanduwanengge dogoligogi kak werek o. 2Esigit diluk werekma, inombaelak inebe iniluk dogolik,
“Eti kurli asi lago kalok, wogotno,” yiluk nena wene yiligogi paga mot asi lagidek werek nggorlek, ininggi ʼbiluk yomenogo it amberek nen pagisek dogolik, inebe inom pagisek dogoligogi o. 3Eti kak, nit ninendainggen awan korle agidek werekma, kugi inobabut weyak mende agat oba yoma inggi paga werek mende nen apma ʼbinaniluk welagike o. 4Werekma, at Allah nen aʼbut ayonggo ʼbiluk agat oba laʼbi wisusak arat asi wagikemo, laʼbi wagikemo, kwe agat oba mende nenat endakike. Esigit diluk endakikemo, wene Allah nen ninasuk wakike wene etnogo apma dogolik asuk kologo kagako lagike. 5Esigit diluk laʼbi wagike eti, nit Allah aʼburi kagat lasuwagaluk, wene ninasuk wakike wene etnogo nen apma paknisek werekma, kerle piyal ninabi wisuwagaluk laʼbi wagike o. 6Esigit diluk kerle piyalogo ʼbinanggikemo, ninebe Allah aʼburi werek eti paga, at aʼbut Agurengge ninendainggenma ʼbinani wagikemo dogolik, at Allah pasik, nit nen,
“Nombae, Nombae o,” yisi dogowagaluk yoknisiligogo o. 7Eti paga, it amberek inanduwanengge welagigip eti kak, werek ʼbuk. At Allah aʼburiat agagisip werek o. Esigit diluk agagisip werek eti paga, Allah nen,
“Kit an nebe naʼburi agap eti paga, an naʼburi wogisagaluk ʼbiyigi mende kit indewerek asugun o,” yiluk yiligogo o.
“Kit pasik nayuk arigogo,” yiluk yogisasike wene
8Kit alebat nen, Allah ebe kinonggodek welagigip eti paga, ninat mende ebe Allah negen dekmaat apma welagigip o. 9Mende, an nen,
“At Allah kinebe ilu werek,” yiluk yuwem,
“Kit yogondak nen Allah ebe kinilu agap,” yiluk yigi o. Eti paga, kit kinenggaerek nen kugi inobabut weyak inobatne dek mende, inggimo dek mende, eti oba yabunggane suguluk kiniyogoba apma ungguwogoluk kagarigogi eti nenaluk. 10Kit nen yisi dogolik,
“Nininggi eti paga esigit diluk kagasuwok. Sut eti paga esigit diluk kagasuwok. Mo eti paga dagasi kalok, eti paga wusasi kalok, esigit diluk kagasuwok. Tahun eti paga esigit diluk kagasuwok,” yiluk, eti mende nggogot diluk kagarigogi o. 11An kit pasik nobatnerogo mep dagik-dagokogo kagarik noko lagi etnogo wirlikogonat kagat lasigin a, yiluk nayuk dogolik nen yigi o.
12Nagarlagi nirugi o. An nebe alebat, kit kagat kagat lagagisik werek yi kak, kit an kagat atluk nobabut waganini o. Alebat kit nen omanggi weyagat nakidegat. 13Ebe-alep an noba u waganggigi eti paga, pano wene yanggul kisasigi etnogo kiniluat o. 14Yanggul kisasinem an noba u kasi lagagi eti paga kinaʼit niyausagat mende, kinaʼit niyigidek, nggolelogo togot danggidek, malaikat Allah nen laʼbi wisu mende waganu salek, Kristus Yesus ebe waganu salek, an woknakigip o. 15Kit alebat kinobabut anggilukogo kagako lagagip etnogo, yogondak kinobabut ninggit diluk kagat lagasip werek. Inilenggen kemelogo wogisiligogi dogolepma, kit kinobabut kinilenggen kemelogo woknetlebat yiluk, an nen kinabok ʼbukakogonat yusak werek. 16Yogondak wene eberogonat yokisigi eti paga, ninom wim mbalek mende negen niyegep a? 17It akoni amberek etoma kinebe wokinabuwogoluk kinakla obatnerogo nggagaligogi eti inendainggen mot dogolik kagarigogi ʼbuk. An ninom pano werek mende togot daniluk nggigilogo wokisek dukiluk, it werekmangge obatnerogo kagako dogowagaluk kinakla nggagaligogi o. 18Esigit diluk kagarigogi eti, an nebe ninom werekma inom, dekma inom, kit pano kagako dogowagaluk kinakla obatnerogo nggagalko dogumo, pano arlek. 19Mende, naʼburi kinebe kinaʼbuwa o. Kumi nen ineyagi endaginabuwogoluk kenet warigogi kak, an nen yabunggane endak kinabumo, kit kinobabut Kristus obabut negen kagat latlep o! yiluk, kit pasik an noba aik kenet weyak warigogo. 20An kit pasik ninggit diluk kagasuʼbuk, nobake mbalarigogo eti paga, an nakla nen, yogondak ya kinoba witluk ninom dogolik nane ninat negen yokiselep o, yiluk, nakla ambaligogo o.
Kwe Hagar inom, Sara inom, inoba lisogo yogisasike wene
21Kit nen,
“Wene Allah nen ninasuk wakike wene etnogo apma unggiluk kologo kagako dogogun,” yiluk yiligogi mende yi, an nen wene Allah nen ninasuk wakike wene etnogo paga kolal mbalek werek mende yokisagin yi, kinasuk panorogo kolini o. 22Wene kolal mbalogo ʼbisuka eti paga men mbalek werek. At Abraham nen aʼburi mbere endaginakike o. Omanggi kwe anduwanengge mende waganggikesik endakike. Nen, omanggi age ebe mende nen endakike. 23Mende, kwe anduwanengge mende nen endakike mende eti akoni nen endaginabigogi kak endakike o. Nen, age ebe mende nen endakike eti Allah nen abok yogokike etnogo ndak-ndagat endakike o. 24Wene Allah nen nit akoni ninom alep omanggi wakikesik nen, yabunggane wene omanggi wakike o. Kumi inebe mbere, Hagar inom, Sara inom, eta inoba lisogo yokisak. Wene Allah nen ndom Sinai etoma nen wakike eti ebe, kwe Hagar eyagi inanduwanengge mende endaginakike yiluk oba lisogo yigi o. 25Kwe Hagar eti ndom Sinai akoni Arab mende inaguma werek mende eti pasik yigi o. At Hagar ebe inom, eyagi inom, inanduwanengge welaguka eti negen, yogondak akoni o Yerusalem mende esigit dilugat werek o. 26Mende, kwe enggaerek age ebe mende negen, o Yerusalem mbogot oba mende eti nit ninagoyaat o. 27Eti pasik, Allah wene paga wene men yiluk kolal mbalek werek,
“Kwe agun werek mende nen eyagi inebe mbererlagat endaginako nggorlegat, omanggi agun nen lologo togot disike mende nen, eyagi dogalegat endaginabigogo eti paga, kat kebe abirli keyak endakidegat welagan mende eti kakla arlenggen kano. Keyak endasigiluk kenet wakidek welagan mende eti kakla arlenggen kalok kane anggilukogo yino,” (Yes. 54:1)
yiluk yisikemo kolal mbalogo ʼbisuka o. 28Nagarlagi nirugi o. Kit, Allah nen Abraham abok yogokike mende, ebe at Ishak endakike kak, kit endak kinakikemo werek o. 29Mende, at Abraham aʼbut omanggi akoni nen endaginabigogi kak endakike mende eti paga, aʼbut omanggi Allah Agurengge paga endakike mende eti oba yi aik ndi aik kasi lagike kak, nit yogondak esigit dilugat kagat ninabigogi o. 30Mende, Allah wene kolal mbalek eti paga wene nena yisike nogo. Men yisike ambigi,
“Kwe kage ebe mende eyak eti nen, kat kinggi ʼbiluk inde asigin kak, at kwe kanduwanengge mende eyak eti nen, kinggi ʼbiluk inde asigin dek o. Eti paga kwe kanduwanengge mende eti eyak imbisagat mukogo wula ʼbiyano!” (Kej. 21:10)
yiluk yisikemo kolal mbalogo ʼbisuka. 31Mende, nagarlagi nirugi o. Nit, kwe anduwanengge mende eti eyagi werek ʼbuk. Dek o. At te, ninebe age ebe mende eti eyagi werek o.
Currently Selected:
Galatia 4: DNA
Highlight
Copy
Compare
Share
Want to have your highlights saved across all your devices? Sign up or sign in
Galatia 4
4
“Kinebe Allah aʼburi indewerek mendeat werek o,” yiluk yogisasike wene
1Nagarlagi nirugi o. Wene omanggi yi yokisak. Inombaelak watlagonem ininggi ʼbiluk yi mende ndi mende taʼbokogonat inaʼburi indewerek mendeat, elege inebe awan inarluwe agidek kalok, ap omanggi nen yisi dogolik,
“Elege inebe inarluwe agonem yabunggane wogisagun,” yiluk inanduwanengge mende salek it inanduwanengge dogoligogi kak werek o. 2Esigit diluk werekma, inombaelak inebe iniluk dogolik,
“Eti kurli asi lago kalok, wogotno,” yiluk nena wene yiligogi paga mot asi lagidek werek nggorlek, ininggi ʼbiluk yomenogo it amberek nen pagisek dogolik, inebe inom pagisek dogoligogi o. 3Eti kak, nit ninendainggen awan korle agidek werekma, kugi inobabut weyak mende agat oba yoma inggi paga werek mende nen apma ʼbinaniluk welagike o. 4Werekma, at Allah nen aʼbut ayonggo ʼbiluk agat oba laʼbi wisusak arat asi wagikemo, laʼbi wagikemo, kwe agat oba mende nenat endakike. Esigit diluk endakikemo, wene Allah nen ninasuk wakike wene etnogo apma dogolik asuk kologo kagako lagike. 5Esigit diluk laʼbi wagike eti, nit Allah aʼburi kagat lasuwagaluk, wene ninasuk wakike wene etnogo nen apma paknisek werekma, kerle piyal ninabi wisuwagaluk laʼbi wagike o. 6Esigit diluk kerle piyalogo ʼbinanggikemo, ninebe Allah aʼburi werek eti paga, at aʼbut Agurengge ninendainggenma ʼbinani wagikemo dogolik, at Allah pasik, nit nen,
“Nombae, Nombae o,” yisi dogowagaluk yoknisiligogo o. 7Eti paga, it amberek inanduwanengge welagigip eti kak, werek ʼbuk. At Allah aʼburiat agagisip werek o. Esigit diluk agagisip werek eti paga, Allah nen,
“Kit an nebe naʼburi agap eti paga, an naʼburi wogisagaluk ʼbiyigi mende kit indewerek asugun o,” yiluk yiligogo o.
“Kit pasik nayuk arigogo,” yiluk yogisasike wene
8Kit alebat nen, Allah ebe kinonggodek welagigip eti paga, ninat mende ebe Allah negen dekmaat apma welagigip o. 9Mende, an nen,
“At Allah kinebe ilu werek,” yiluk yuwem,
“Kit yogondak nen Allah ebe kinilu agap,” yiluk yigi o. Eti paga, kit kinenggaerek nen kugi inobabut weyak inobatne dek mende, inggimo dek mende, eti oba yabunggane suguluk kiniyogoba apma ungguwogoluk kagarigogi eti nenaluk. 10Kit nen yisi dogolik,
“Nininggi eti paga esigit diluk kagasuwok. Sut eti paga esigit diluk kagasuwok. Mo eti paga dagasi kalok, eti paga wusasi kalok, esigit diluk kagasuwok. Tahun eti paga esigit diluk kagasuwok,” yiluk, eti mende nggogot diluk kagarigogi o. 11An kit pasik nobatnerogo mep dagik-dagokogo kagarik noko lagi etnogo wirlikogonat kagat lasigin a, yiluk nayuk dogolik nen yigi o.
12Nagarlagi nirugi o. An nebe alebat, kit kagat kagat lagagisik werek yi kak, kit an kagat atluk nobabut waganini o. Alebat kit nen omanggi weyagat nakidegat. 13Ebe-alep an noba u waganggigi eti paga, pano wene yanggul kisasigi etnogo kiniluat o. 14Yanggul kisasinem an noba u kasi lagagi eti paga kinaʼit niyausagat mende, kinaʼit niyigidek, nggolelogo togot danggidek, malaikat Allah nen laʼbi wisu mende waganu salek, Kristus Yesus ebe waganu salek, an woknakigip o. 15Kit alebat kinobabut anggilukogo kagako lagagip etnogo, yogondak kinobabut ninggit diluk kagat lagasip werek. Inilenggen kemelogo wogisiligogi dogolepma, kit kinobabut kinilenggen kemelogo woknetlebat yiluk, an nen kinabok ʼbukakogonat yusak werek. 16Yogondak wene eberogonat yokisigi eti paga, ninom wim mbalek mende negen niyegep a? 17It akoni amberek etoma kinebe wokinabuwogoluk kinakla obatnerogo nggagaligogi eti inendainggen mot dogolik kagarigogi ʼbuk. An ninom pano werek mende togot daniluk nggigilogo wokisek dukiluk, it werekmangge obatnerogo kagako dogowagaluk kinakla nggagaligogi o. 18Esigit diluk kagarigogi eti, an nebe ninom werekma inom, dekma inom, kit pano kagako dogowagaluk kinakla obatnerogo nggagalko dogumo, pano arlek. 19Mende, naʼburi kinebe kinaʼbuwa o. Kumi nen ineyagi endaginabuwogoluk kenet warigogi kak, an nen yabunggane endak kinabumo, kit kinobabut Kristus obabut negen kagat latlep o! yiluk, kit pasik an noba aik kenet weyak warigogo. 20An kit pasik ninggit diluk kagasuʼbuk, nobake mbalarigogo eti paga, an nakla nen, yogondak ya kinoba witluk ninom dogolik nane ninat negen yokiselep o, yiluk, nakla ambaligogo o.
Kwe Hagar inom, Sara inom, inoba lisogo yogisasike wene
21Kit nen,
“Wene Allah nen ninasuk wakike wene etnogo apma unggiluk kologo kagako dogogun,” yiluk yiligogi mende yi, an nen wene Allah nen ninasuk wakike wene etnogo paga kolal mbalek werek mende yokisagin yi, kinasuk panorogo kolini o. 22Wene kolal mbalogo ʼbisuka eti paga men mbalek werek. At Abraham nen aʼburi mbere endaginakike o. Omanggi kwe anduwanengge mende waganggikesik endakike. Nen, omanggi age ebe mende nen endakike. 23Mende, kwe anduwanengge mende nen endakike mende eti akoni nen endaginabigogi kak endakike o. Nen, age ebe mende nen endakike eti Allah nen abok yogokike etnogo ndak-ndagat endakike o. 24Wene Allah nen nit akoni ninom alep omanggi wakikesik nen, yabunggane wene omanggi wakike o. Kumi inebe mbere, Hagar inom, Sara inom, eta inoba lisogo yokisak. Wene Allah nen ndom Sinai etoma nen wakike eti ebe, kwe Hagar eyagi inanduwanengge mende endaginakike yiluk oba lisogo yigi o. 25Kwe Hagar eti ndom Sinai akoni Arab mende inaguma werek mende eti pasik yigi o. At Hagar ebe inom, eyagi inom, inanduwanengge welaguka eti negen, yogondak akoni o Yerusalem mende esigit dilugat werek o. 26Mende, kwe enggaerek age ebe mende negen, o Yerusalem mbogot oba mende eti nit ninagoyaat o. 27Eti pasik, Allah wene paga wene men yiluk kolal mbalek werek,
“Kwe agun werek mende nen eyagi inebe mbererlagat endaginako nggorlegat, omanggi agun nen lologo togot disike mende nen, eyagi dogalegat endaginabigogo eti paga, kat kebe abirli keyak endakidegat welagan mende eti kakla arlenggen kano. Keyak endasigiluk kenet wakidek welagan mende eti kakla arlenggen kalok kane anggilukogo yino,” (Yes. 54:1)
yiluk yisikemo kolal mbalogo ʼbisuka o. 28Nagarlagi nirugi o. Kit, Allah nen Abraham abok yogokike mende, ebe at Ishak endakike kak, kit endak kinakikemo werek o. 29Mende, at Abraham aʼbut omanggi akoni nen endaginabigogi kak endakike mende eti paga, aʼbut omanggi Allah Agurengge paga endakike mende eti oba yi aik ndi aik kasi lagike kak, nit yogondak esigit dilugat kagat ninabigogi o. 30Mende, Allah wene kolal mbalek eti paga wene nena yisike nogo. Men yisike ambigi,
“Kwe kage ebe mende eyak eti nen, kat kinggi ʼbiluk inde asigin kak, at kwe kanduwanengge mende eyak eti nen, kinggi ʼbiluk inde asigin dek o. Eti paga kwe kanduwanengge mende eti eyak imbisagat mukogo wula ʼbiyano!” (Kej. 21:10)
yiluk yisikemo kolal mbalogo ʼbisuka. 31Mende, nagarlagi nirugi o. Nit, kwe anduwanengge mende eti eyagi werek ʼbuk. Dek o. At te, ninebe age ebe mende eti eyagi werek o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in