Salmos 86
86
Man manah Papangman
Devid minityulna.
1Dawan yadakah,
kat uba kulnik bukna dawak bik mikunni ki;
2nakitdaktah, kat yang laih barangniyang man yakat.
Man laih yang Papangkiman;
¡man dima yamyang adika laihta yaktah,
kat manyakat kulnin āwi duwa bahang!
3Dawan mikun yatalah,
man yakat mayultayang awar bitik yakat.
4Dawan, adika man dīma yamyang yakat alasna kalyaktah,
kat manyakat mikityultayang.
5Kat man laih Dawan, yamniman bahang dutni kidika datang diswi;
kat man yakat yuyulwa balna kidika laih dalani ditalaman.
6Dawan, yang akat mikun yatalah,
¡yultayang kidika yadakah!
7Kulnik kaida mani yakat man yakat mayultayang,
kat man laih nangkitlataman bahang.
8¡Dawan ūk diski man karak malibitnin!
¡Man warkma balna kidika ūk karak sip libitdas ki!
9Dawan,
nesān balna kidika bitik man lawa yamnaman,
dawak witingna kidika man yakat aiwi ayangma nuhni yayamwarang.#Rib 15:4.
10Kat man manah bahang yang Papangki;
¡kat man laih nuhniman, dawak di taldas dini yamni kidika yamtaman!
11Dawan, man tāma kidika nikingkatah,
yang kidika yakut barangni yawinik.
Yamtangkat, yang ising kidika ayangma nuhni yamwang.
12Yang Dakiwan dawak Papangki,
yang ising bitik man ayangma nuhni yamki,
dawak ban kaput bik ayangma nuhni yamta awaki.
13¡Nuhni palni ki, yang akat dalani yatalaman kidika!
¡Sau ū yakat buknikdai kaunah man yalaihta yaknaman!
14Papang,
muih dudutni balna kaluduhna as
man yakat maduduwas kidika
yang nikingkauh yaklalauna dawak yaīnin yayamwi.#Sal 54:3.
15Kaunah man laih Dawan
man laih Papang as minikun talnin lani kidika dutaman,
nai tani talaman, dalani bitik bik talaman dawak di rahm kidika bik.
16Yatalah, ¡dawak yang akat mikun yatalah!
¡Man dīma yamyang kidika laihta yaktah!
¡Man parasma kidika kalatah!
17Minikun talnin lani dutaman kidika lāih nikingkatah,
yang kau dutni yakukulwa muihni balna kidika talwi yakasasaldang.
¡Dawan man lawa ilp yataman dawak, walaki ātaman!
Currently Selected:
Salmos 86: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Salmos 86
86
Man manah Papangman
Devid minityulna.
1Dawan yadakah,
kat uba kulnik bukna dawak bik mikunni ki;
2nakitdaktah, kat yang laih barangniyang man yakat.
Man laih yang Papangkiman;
¡man dima yamyang adika laihta yaktah,
kat manyakat kulnin āwi duwa bahang!
3Dawan mikun yatalah,
man yakat mayultayang awar bitik yakat.
4Dawan, adika man dīma yamyang yakat alasna kalyaktah,
kat manyakat mikityultayang.
5Kat man laih Dawan, yamniman bahang dutni kidika datang diswi;
kat man yakat yuyulwa balna kidika laih dalani ditalaman.
6Dawan, yang akat mikun yatalah,
¡yultayang kidika yadakah!
7Kulnik kaida mani yakat man yakat mayultayang,
kat man laih nangkitlataman bahang.
8¡Dawan ūk diski man karak malibitnin!
¡Man warkma balna kidika ūk karak sip libitdas ki!
9Dawan,
nesān balna kidika bitik man lawa yamnaman,
dawak witingna kidika man yakat aiwi ayangma nuhni yayamwarang.#Rib 15:4.
10Kat man manah bahang yang Papangki;
¡kat man laih nuhniman, dawak di taldas dini yamni kidika yamtaman!
11Dawan, man tāma kidika nikingkatah,
yang kidika yakut barangni yawinik.
Yamtangkat, yang ising kidika ayangma nuhni yamwang.
12Yang Dakiwan dawak Papangki,
yang ising bitik man ayangma nuhni yamki,
dawak ban kaput bik ayangma nuhni yamta awaki.
13¡Nuhni palni ki, yang akat dalani yatalaman kidika!
¡Sau ū yakat buknikdai kaunah man yalaihta yaknaman!
14Papang,
muih dudutni balna kaluduhna as
man yakat maduduwas kidika
yang nikingkauh yaklalauna dawak yaīnin yayamwi.#Sal 54:3.
15Kaunah man laih Dawan
man laih Papang as minikun talnin lani kidika dutaman,
nai tani talaman, dalani bitik bik talaman dawak di rahm kidika bik.
16Yatalah, ¡dawak yang akat mikun yatalah!
¡Man dīma yamyang kidika laihta yaktah!
¡Man parasma kidika kalatah!
17Minikun talnin lani dutaman kidika lāih nikingkatah,
yang kau dutni yakukulwa muihni balna kidika talwi yakasasaldang.
¡Dawan man lawa ilp yataman dawak, walaki ātaman!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998