Salmos 67
67
¡Tawan balna bitik ayangma nuhni yayamwang!
Coro sumalniyang kaupak, paswi yakisdinin dini balna salmo, unbauna.
1Dawan,
mamikun maitala, blismaiyamtah;
mamakpa kidika yamni maitalah,
2kaput laih nesān balna bitik
man kulnam lani kidika tatalwang dawak laihta yaktaman kidika bik.
3Papang,
tawan balna ayangma nuhni yayamwang;
¡tawan balna bitik ayangma nuhni yayamwang!
4Nesān balna kidika alasna duwi sararahwang,
man lawa tawan balna kidika taninatuna āwama la kat;
¡man lawa nesān balna sau akat kidika bitik tanina tuna āwaman!
5Papang,
tawan balna ayangma nuhni yayamwang;
¡tawan balna bitik ayangma nuhni yayamwang!
6Sau kidika minik yakna;
¡mayang Mapapangki blisin mayana!
7¡Papang blismaiyamwang!
¡Sau adika laih bitik witing ayangni nuhni yamwang!
Currently Selected:
Salmos 67: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
