Salmos 61
61
Papang yaklauwi tanit dakwa kidika yakat kulnin āwi dunin
Coro sumalniyang kaupak, paswi yakisdinin dini balna. Devid kaupak.
1Yang Papangki, dakah yang dalawak sarahtayang kidika,
¡mikit yultayang kidika yadakah!
2Sau sutni witni palnikaupak man yakat yultayang,
ising laih daulakwi.
Kipala nuhni minit yakat yalaihta yakta yailtah,
3man yakat kuduh yakmaldinik pāni.
¡Man laih makau kilwi talnin pāni as parasni kapat man
bahang yalaihta yaktaman waihkila kaupak!
4Dukihyawi man ūma yakat yalahna atnik, ban kaput atnin,
man lawama dinit yakat nakitdakna atnik.#Dt 32:10-11; Sal 17:8; 63:7; 91:4.
5Man, yang Papangki, yang prakimis balna kidika dakanaman,
dawak yang diki balnadai kidika yānaman
man ayangma nuhni yamwa balna kidika.
6King yakat sangnika naini kalatah;
kurih mahni, mahni palni sangka kawang,
7man blimasin kau witing ban kaput kingkawang.
Man dalani lani dutaman dawak barangniman lani kidika karak maintalah;
8kaput laih man ayangma nuhni yamki ma balna bitik yakat
dawak ma balna kaiwayakat, prakimis kidika yamta awaki.
Currently Selected:
Salmos 61: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
